SƖPAALAARAA 8:30 - WƖA TENIŊ

³⁰ Ʋ fa kɛŋ hambolibiisiŋ mahɩŋ batori arɩ fii nɛ, bɛɛ wɩaa ʋ haalaa fa yʋga.

SƖPAALAARAA 8:30 ပူးပေါင်းရင်းမြစ်များ

WƖAA DƖ-SUOMUŊ 2:24

Ŋɩɩ nɛ tɩɩ baala yie leŋ ʋ naaŋ arɩ ʋ nyɩmma aŋ ka ʋ dɩ ʋ haala mɛrɛ dɔŋɔ lɛ a ŋaa kʋbala.

WƖAA DƖ-SUOMUŊ 46:26

Jekɔb doho nɩaa kala fa sɩ to ʋ harɩŋ mʋ Ijipiti tinteeŋ ŋaa mahɩŋ batori arɩ balɩdʋ nɛ a lɩɩsɛ ʋ bii-haalaa ta.

WƖAA DƖ-SUOMUŊ 7:7

Ŋɩɩ nɛ Nowa arɩ ʋ haala arɩ ʋ hambolibiisiŋ arɩ ʋ bii-haalaa kala jʋʋ lɩɩŋ daboro-la dɩ lɩɩ-la sɩ́ ba kpʋ.

1 KUOROO 11:3

Ʋ haalaa zɔɔ-balɩpɛ nɛ fa ŋaa kuoroo toloo, ʋ haala-la ma ʋ sɩ bile aŋ bɩ jaa ŋaa zɔɔ-batori. Ʋ haala-la leŋ ʋ yeŋŋi Wɩa wombiiŋ lɛ.

2 KUOROO 10:1

Ahab doho nɩaa mahɩŋ batori arɩ fii nɛ fa hɛ Samarɩa lɛ. Ŋɩɩ nɛ Jehu ŋmʋnsɛ tenniŋ a pa ba kaa mʋ Samarɩa a pɩ taŋ-la tɩntɩnnɩ-hɩasɩŋ, arɩ ba nɩhɩasɩŋ arɩ nɩalɩŋ sɩɩ beŋ Ahab doho nɩaa. Ŋ-la nɛ ʋ ŋmʋnsa hɛ teŋ-la lɛ:

MOSIS KƐŊ IZIRAL TƖŊŊAA LƖƖ 1:5

Jekɔb doho nɩalɩŋ kala fa ŋaa mahɩŋ batori arɩ fii nɛ, bʋa-la lɛ dɩ Josɛf-na fa paala hɛ Ijipiti tinteeŋ lɛ.

MALAKAƖ 2:15

La TƖƖNA ŋaa haala arɩ ʋ bala ba kala ŋaa kʋbala nɛ ba wɩɩwɩɩ kala lɛ. Bɛɛ nɛ tɩɩ ʋ ŋaa wɩɩŋ deeŋ? Ʋ ŋaa ŋɩɩ dɩ ma wuo lʋl hambiisiŋ sɩ jaŋ tuto Wɩa nɛ. Má kɛŋ ma tɩtɩa woruŋ a pʋpɔ ma sɩ́ nii-la ma kʋŋkala sɩ hɛ pɩ ŋ bapʋɔsɛ haala chei.

MOSIS BƖRA WULLI WƖA WOMBIIŊ 17:17

Kuoru-la bɩ maga dɩ ʋ kɛŋ haalaa yʋgɛ, bɛɛ wɩaa ŋɩɩ jaŋ leŋ dɩ ʋ joŋ harɩŋ yɩa La TƖƖNA. Ʋ bɩ maga dɩ ʋ chɩchɛ ʋ kɛŋ hɔpʋla arɩ sɛlɩmɛ yʋgɛ.

SƖPAALAARAA 10:4

Ʋ fa kɛŋ hambolibiisiŋ mara arɩ fii nɛ. Ba jɩjɩl kakusuŋ mara arɩ fii. Gɩlɩad tinteeŋ lɛ ba faa beŋ tasɩŋ mara arɩ fii nɛ. Baa yɩrɛ tasɩ-la Hawof Jaa nɛ, arɩ jɩnɩŋ kala. (Hawof Jaa bʋbʋɔŋ nɛ Jaa tabiisiŋ.)

SƖPAALAARAA 12:14

Abɩdɔŋ ma fa lʋl hambolibiisiŋ mahɩŋ balɩa nɛ. Ʋ nihee sɩ ŋaa hambolibiisiŋ ma mara arɩ fii. Ba kakusuŋ ma fa ŋaa mahɩŋ batori arɩ fii nɛ ba jɩjɩl. Ʋ fa laa Iziral tɩŋŋaa sɩpaaŋ jɩsɩŋ chori nɛ.

SƖPAALAARAA 12:9

Ʋ fa lʋl hambolibiisiŋ mara arɩ fii nɛ, hantolibiisiŋ ma mara arɩ fii. Ʋ fa joŋ ʋ tolie-la pɩ baalaa sɩ bɩ ʋ nyɩŋ-nɩaa ŋaa nɛ ba jaa. Ka ʋ hambolibiisi-la ma, ʋ jaa hantolibiisiŋ mara arɩ fii sɩ bɩ ʋ nyɩŋ-nɩaa ŋaa a pɩba. Ɩbɩzaŋ ma fa laa Iziral tɩŋŋaa sɩpaaŋ jɩsɩŋ balɩpɛ nɛ.

SƖPAALAARAA 8:31

Haal-la ma ʋ sɩ bile aŋ bɩ jaa, aŋ leŋ ʋ hɔŋ Sɛkɛm lɛ, ʋ ma fa lʋl hambolibie nɛ a pʋ, ʋ hɛ ʋ yɩrɩŋ Abɩmɛlɛk.

SƖPAALAARAA 9:1

Abɩmɛlɛk, Gɩdɩɔŋ nanʋala sii a mʋ ʋ naaŋ dɩbaalaa teeŋ taŋ-la ba sɩɩ yɩrɛ Sɛkɛm lɛ, a bʋla pɩ ba dɩ ʋ naaŋ doho nɩaa kala,

SƖPAALAARAA 9:18

Ama jɩnɩŋ ma sii chɩŋ mɩ nyɩmma dɩa nɩaa lɛ nɛ a kpʋ ʋ hambolibiisiŋ mahɩŋ batori arɩ fii tabɩɩ bala nyuŋ. Abɩmɛlɛk ŋaa mɩ nyɩmma yoŋ-haala bie nɛ. Ama a tɩŋ ʋ sɩ ŋaa ma naambii wɩaa, ma leŋe ʋ dii Sɛkɛm kuoruŋ nɛ.

SƖPAALAARAA 9:2

“Má pɩɛsɛ Sɛkɛm nɩaa kala na, ‘Wʋbɛɛ nɛ jaŋ zɔmɔ pɩma, Gɩdɩɔŋ hambolibiisiŋ mahɩŋ batori arɩ fii-la kala sɩ jaŋ dii ma kuoruŋ nɛ zɔmɔ koo nɩbala sɩ jaŋ dii ma kuoruŋ nɛ zɔmɔ?’ Má jɩŋ arɩ mɩ-na ŋaa ma chalɩŋ nɛ.”

SƖPAALAARAA 9:5

Ʋ sii kɛmba ba mʋ ʋ nyɩmma dɩa Ɔpɩra lɛ, a kpʋ ʋ nyɩmma Gɩdɩɔŋ hambolibiisi-la mahɩŋ batori arɩ fii kala sɩ ŋaa ʋ naambiiriŋ, tabɩɩ-bala nyuŋ. Ba tʋɔŋ kʋbie ba sɩɩ yɩrɛ Jotam dʋndʋŋa nɛ wuo faa, ʋ bɩ ʋ na.