SƖPAALAARAA 8:26 - WƖA TENIŊ

²⁶ Ba sɩ joŋ sɛlɩmɛ dɩgɩlɩŋ-kpɛnsɩ-la ʋ sɩ leŋe ba kaa kɔ a magɩsɛ, ba yuŋuŋ ka mʋa dɩ ʋ yi kilo mara. Ba kpɩɛraa dɔnsʋŋ: baŋŋaa kɩaa, gɛrɩ-mʋɔla-la Midiaŋ kuoroo sɩɩ laalʋ, koo chɔrʋmɔ-la kala ba sɩ yie joŋo hɩhɛ bʋntaŋŋaba baŋŋaa-na bɩ pɛ.

SƖPAALAARAA 8:26 ပူးပေါင်းရင်းမြစ်များ

ƐSƖTA 8:15

Ŋɩɩ nɛ Modikaaya lɩɩ kuoro teeŋ a laalɛ kuoru-gɛrɩŋ sɩ nagɛ diibelimbine a tagɩsɛ kʋpulluŋ, a chu kuoru nyunchuulo ba sɩ kɛŋ sɛlɩmɛ ŋaa, a ha bɩra laalɛ gɛrɩŋ dɔŋɔ ma sɩ ŋaa gɛrɩpɛ vachalɩŋ gɛrɩ-fʋfʋlʋŋ a daŋ. Ka Susa nɩaa tʋɔŋ kala tɔrɛ ba jʋjʋɔsɛ.

NAMAGABA 31:22

Ʋ yie ŋaa gɛnnɩŋ ʋ sɩ jaŋ kaa jɩjɛrɛ ʋ kʋpɩnaa nyuŋ nɛ, aŋ kɛŋ gɛrɩpɛ fʋfʋlʋŋ arɩ gɛrɩpɛ-vachalɩŋ a yɛrɛ gɛnnɩŋ lɩlaalɛ.

AZAAYA 3:18

Dɩ tapʋlɩɩ-la nɛ yie, La TƖƖNA jaŋ kɛŋ kɩalɩŋ kala Jerusalɛm haala-la sɩ kaa dɩdagɛ ba tɩtɩa laa, ba naahɔɔnʋŋ, banzɔlɔba arɩ nyu-kpallɩŋ.

JƐRƖMAAYA 10:9

Ba yie kɛŋ hɔpʋla ba sɩ kaa lɩɩ Taasɩs nɛ a libiba, a kɛŋ sɛlɩmɛ ma ba sɩ kaa lɩɩ lee-la ba sɩɩ yɩrɛ Ufas a libi. Kɩaa deemba saara arɩ libire sɩ ŋaa nɛ ba yie joŋ gɛrɩŋ sɩ nagɛ diibelimbine arɩ gɛrɩ-vachalɩŋ a laalɛ. Gɛrɩpɛ-yuori gɔgɔɔ nɛ yuo gɛnnɩŋ deemba kala.

ƐZƖKƖƐL 27:7

Ijipiti tɩŋŋaa gɛrɩpɛ fʋfʋlʋŋ ba sɩ sʋa nɛ ba kaa ŋaa ŋ jɔnjɔŋ ŋ kaa duori lɩɩŋ. Gɛrɩpɛ diibelimbine arɩ gɛrɩpɛ vachalɩŋ ba sɩ kaa lɩɩ lee-la ba sɩɩ yɩrɛ Ɛlɩsa a hɛ mʋgʋ-balɩŋ niiŋ nɛ ŋ kaa kɛrɛ wɩa.

Luuk 16:19

Ŋɩɩ nɛ Yesu bɩra magɛ namaga a bʋl, “Kɩaa tɩɩna kʋbala nɛ fa hɛ nɩmɛ. Ʋ yie lɩlaalɛ gɛrɩ-zɔmɔ-la yalɩŋ sɩ hɛyɛ, a pɩŋ sɩma nyuŋ woruŋ tapʋlɩɩ-na kala.

Jɔɔŋ 19:2

Laalɩyuoroo kɛŋ sɔsʋŋ sʋa kuoru nyunchuulo a joŋo chuu, a joŋ gɛrɩ-fɩaŋ laalʋ,

Jɔɔŋ 19:5

Ŋɩɩ nɛ Yesu kʋ lɩɩ a ha chu sɔsʋŋ kuoru nyunchuul-la arɩ gɛrɩ-fɩaŋ-la ba sɩ joŋo laalʋ. Ŋɩɩ nɛ Paalɩt bʋla pɩba, “Má na baal-la.”

Jɔɔŋ Wʋnaalaa 17:4

Haal-la fa laalɛ gɛrɩ-fɩaŋ arɩ gɛrɩ-vachalɩŋ, a hɛ sɛlɩmɛ kpɩɛraa arɩ tabɩɩ-tʋlaa a pɛ bʋ-sɩaa lɛ. Ʋ fa kori sɛlɩmɛ nyʋnyʋala nɛ. Wʋtɔɔnʋ arɩ wʋlɩɩlɩ-la ʋ sɩɩ ŋaa su nyʋnyʋala-la,

Jɔɔŋ Wʋnaalaa 18:12

Kɩalɩŋ ba sɩɩ yallɛ nɛ ŋ-la: Sɛlɩmɛ, hɔpʋla, tabɩɩ-tʋlaa, bʋ-sɩaa gɛrɩpɛ tʋlaa, gɛrɩpɛ-fʋfʋlaa, gɛrɩpɛ-fɩɛsɩŋ, arɩ daasɩ-la kala yallɩŋ sɩ hɛyɛ, arɩ kɩalɩŋ kala ba sɩ kɛŋ batu-nyɩlaa ŋaa, arɩ kɩalɩŋ kala ba sɩ kɛŋ daa-la yallɩŋ sɩ hɛyɛ saa, arɩ kɔlɩɩŋ, arɩ kɩalɩŋ ba sɩ kɛŋ hɔɔŋ ŋaa, arɩ lokuŋ-bʋɩyaa,

Jɔɔŋ Wʋnaalaa 18:16

“Ou, ou, tabalɩŋ deeŋ fa zɔmɔ a kɛŋ kʋzɔŋŋɔɔ maa. Ʋ nɩaa fa lɩlaalɛ gɛrɩpɛ-tʋlaa, gɛrɩpɛ-vachalɩŋ arɩ gɛrɩ-fɩɛsɩŋ gɛnnɩŋ, a lɩlaalɛ banzɔlɔba ba sɩ kɛŋ sɛlɩmɛ, tabɩɩ-tʋlaa arɩ bʋ-sɩaa a ŋaa.

SƖPAALAARAA 8:21

Zɛba arɩ Zalɩmʋna bʋl, “Ŋ tɩtɩa kʋ kpʋla. Baala sɩ yi ŋɩɩ, ʋ doluŋ ma yi ŋɩɩ nɛ.” Ŋɩɩ nɛ Gɩdɩɔŋ sii a kpʋ Zɛba arɩ Zalɩmʋna, aŋ chaarɛ kpɩɛra-la fa sɩ hɛ ba bʋntaŋŋaba baŋŋaa lɛ.

SƖPAALAARAA 8:25

Ba bʋl, “La tʋɔŋ tɔrɔ nɛ, la jaŋ pɩŋ.” Ŋɩɩ nɛ aŋ joŋ gɛrɩŋ jɛrɛ, ba kʋŋkala tʋɔsɛ kɩalɩŋ ba sɩ yuo dii tʋɔŋ dɩgɩlɩŋ-kpɛnsɩŋ a joŋo lo hɛ ʋ lɛ.

SƖPAALAARAA 8:27

Gɩdɩɔŋ kɛŋ sɛlɩmɛ-la libi gɛrɩ-laala-daŋɩŋ, ʋ ŋaa vene, a bil ʋ jaŋ Ɔpɩra lɛ. Iziral tɩŋŋaa kala suomo kpʋkpaarʋ nɩmɛ. Ʋ ŋɩɩ ŋaa bɛrɛ a pɩ Gɩdɩɔŋ arɩ ʋ dɩa nɩaa kala.