SƖPAALAARAA 8:10 - WƖA TENIŊ

¹⁰ Zɛba arɩ Zalɩmʋna arɩ ba laalɩyuoroo fa hɛ lee-la ba sɩɩ yɩrɛ Kaakɔ lɛ nɛ. Ba nɩaa fa yi bʋɩ fii arɩ banɔŋ. Tinteye-la sɩ hɛ wɩɩpɔsʋŋ dɩɩrɩŋ laalɩyuoro-la kala fa sɩ ka nɛ ŋɩɩ, bɛɛ wɩaa ba laalɩyuoroo bʋɩ zɔlɔ arɩ mara nɛ ba fa kpʋ laalɩŋ lɛ.

SƖPAALAARAA 8:10 ပူးပေါင်းရင်းမြစ်များ

2 KUOROO 3:26

Mʋab tinteeŋ kuoro Mɛsa sɩ na dɩ ba yuo diiu, ʋ kɛŋ ʋ laalɩyuoroo zɔɔ-balɩpɛ, baa nɛrɩgɛ dɩ ba luuro to Ɛdɔm kuoro laalɩyuoroo tʋɔŋ lɩɩ, a walɩma lɔl.

2 IZIRAL TƖŊŊAA NAABARƖŊ 13:17

Abija arɩ ʋ laalɩyuoroo fa bolimi Iziral tɩŋŋaa laalɩyuoroo yʋgɛ nɛ woruŋ a kpʋ ba laalɩyuori duoruŋ bʋɩ zɔɔ-banɔŋ.

2 IZIRAL TƖŊŊAA NAABARƖŊ 28:6

Juda nɩaa sɩ vɩa dɩ ba to La TƖƖNA, ba naabalɩmaba Wɩa, ʋ leŋ Remalia nanʋala Pɛka sɩ ŋaa Iziral kuoro joŋ tapʋl bala a kpʋ ba laalɩyuori-duoruŋ bʋɩ zɔlɔ arɩ mara.

2 IZIRAL TƖŊŊAA NAABARƖŊ 28:8

Iziral tɩmma-la fa yuo kɛsɛ ba naambiiriŋ Juda nɩaa haalaa arɩ hambolibiisiŋ arɩ ba hantolibiisiŋ bʋɩ zɔɔ-balɩa nɛ. Ba fa pɛ paa ba kɩaa a yʋgɛ nɛ woruŋ a kaa mʋ Samarɩa.

AZAAYA 37:36

Ŋɩɩ nɛ La TƖƖNA Wɩa tɩndaara mʋ lee-la Asiiria tɩŋŋaa sɩ hɔnɔ, a kpʋ ba laalɩyuoroo bʋɩ zɔlɔ arɩ mahɩŋ banɛsɛ arɩ banɔŋ. Taŋ ka pʋl dɩ lee-la kala suo arɩ sʋʋnʋŋ.

AZAAYA 9:4

Ŋ dʋɔrɛ hɛɛ-la fa sɩ nagɛ daaŋ a daŋ ba baŋŋaa lɛ nɛ, a lɩɩsɛba hɛɛ-la lɛ ba dʋndɔŋŋɔɔ fa sɩ jomba hɛ. Ŋ yuo dii nɩalɩŋ sɩɩ dɔgɩsɛba nɛ arɩ ŋɩɩ ŋ fa sɩ yuo dii Midiaŋ tɩŋŋaa.

SƖPAALAARAA 20:15

Bɛnjamɩŋ doho nɩaa guu lɩɩsɛ laalɩyuoroo bʋɩ mara arɩ balɩdʋ ba tasɩŋ lɛ, ba kori tokobiee a pɛ nɩaa zɔɔ-balɩpɛ ba sɩ lɩɩsa Gɩbɩa lɛ.

SƖPAALAARAA 20:17

Iziral tɩŋŋaa sɩ kɛŋ ba laalɩyuoroo hɛ dɔŋɔ, nɩalɩŋ sɩ jɩŋ laalɩ-yuonuŋ woruŋ ŋaa nɩaa bʋɩ zɔɔ-banɛsɛ nɛ, a lɩɩsɛ Bɛnjamɩŋ doho nɩaa ta.

SƖPAALAARAA 20:2

Iziral doho doho-la kala sɩpaalaaraa nɛ fa hɛ Wɩa nɩaa hilime deeŋ lɛ. Ba laalɩyuoroo fa ŋaa bʋɩ banɛsɛ nɛ a kɛŋ ba tokobiee.

SƖPAALAARAA 20:25

Bɛnjamɩŋ doho nɩaa laalɩyuoroo bɩra kʋ lɩɩ bʋa deeŋ lɛ a kpʋ ba nɩaa bʋɩ fii arɩ chori fa sɩ kori tokobiee.

SƖPAALAARAA 20:35

La TƖƖNA leŋ Iziral tɩŋŋaa yuo dii Bɛnjamɩŋ doho nɩaa laalɩyuoroo, a kpʋ ba nɩaa bʋɩ mara arɩ banɔŋ arɩ zɔlɔ tapʋlɩɩ-la.

SƖPAALAARAA 20:46

Tapʋlɩɩ-la Bɛnjamɩŋ doho nɩalɩŋ laalɩyuoro-la sɩ kɛŋ tokobiee a yuyuo, ba nɩaa bʋɩ mara arɩ banɔŋ nɛ ba kpʋ. Ba kala fa ŋaa laalɩyuori babiibala nɛ.

SƖPAALAARAA 6:5

Ba yie kiri ba pʋsʋŋ aŋ chʋŋ ba lɛŋŋɛɛ a kʋkɔ a nagɛ hɔbɩ-laalɩŋ sɩɩ kɔ. Ŋ bɩ ba dɩ ba bʋntaŋŋaba wuo dɩɩsɛ. Ba yie tɔ tintee-la kala nɛ a cheyu.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

SƖPAALAARAA 7:13

Gɩdɩɔŋ sɩ mʋ yi Midiaŋ laalɩyuoro-la buguŋ, ʋ nɩa dɩ ba dɔŋɔ bʋl ʋ sɩ duoso wɩaa a pɩpɩ ʋ nandɔŋɔ. Ʋ sɩ, “Mɩ duoso na boroboro gulumuŋ ba sɩ kɛŋ mɩaa ŋaa dɩ ʋ bilime kʋ jʋʋ la buguŋ arɩ doluŋ a yɩ lɛbɩŋ, ʋ tel a bɩrɩma chu.”

SƖPAALAARAA 7:22

Bʋa-la lɛ ba sɩ ŋmʋʋ banyilli-la kala zɔɔ-batori, La TƖƖNA leŋ Midiaŋ tɩŋŋaa laalɩyuoroo chaarɛ tokobiee a gʋra yuyuo dɔŋɔ ba buguŋ lɛ. Laalɩyuoro-la fá mʋ taŋ-la ba sɩɩ yɩrɛ Bɛf Sɩta a tʋʋlɛ Zɛrɛra fuonaaŋ a mʋ yi taŋ-la ba sɩɩ yɩrɛ Abɛl Mehola sɩ kpagɛ lee-la ba sɩɩ yɩrɛ Tabaf.

SƖPAALAARAA 8:11

Gɩdɩɔŋ to tintee-hɩlɩŋ niiŋ nɛ a mʋ jʋʋ ʋ dʋndɔŋŋɔɔ dɩhɔnʋŋ sɩ hɛ tasɩ-la ba sɩɩ yɩrɛ Nɔba arɩ Jogbeha wɩɩpɔsʋŋ a yuo dɩ ba lɛ.