SƖPAALAARAA 7:22 - WƖA TENIŊ

²² Bʋa-la lɛ ba sɩ ŋmʋʋ banyilli-la kala zɔɔ-batori, La TƖƖNA leŋ Midiaŋ tɩŋŋaa laalɩyuoroo chaarɛ tokobiee a gʋra yuyuo dɔŋɔ ba buguŋ lɛ. Laalɩyuoro-la fá mʋ taŋ-la ba sɩɩ yɩrɛ Bɛf Sɩta a tʋʋlɛ Zɛrɛra fuonaaŋ a mʋ yi taŋ-la ba sɩɩ yɩrɛ Abɛl Mehola sɩ kpagɛ lee-la ba sɩɩ yɩrɛ Tabaf.

SƖPAALAARAA 7:22 ပူးပေါင်းရင်းမြစ်များ

1 KUOROO 19:16

Bɩra joŋ Wɩɩsʋllɩ nʋʋŋ a tɩsɛ Nimisi nanʋala Jehu ma, dɩ ʋ ma ŋaa Iziral kuoro, aŋ lɩɩsɛ Safat nanʋala Elaasa sɩ lɩɩ Abɛl Mɛhɔla dɩ ʋ laa ŋ nyuŋ a ŋaa mɩ wʋlaabʋllʋ.

1 KUOROO 4:12

Ahilud nanʋala Baana ma nɛ fa dɔŋɔ. Ʋ faa beŋ Taanak arɩ Mɛgɩdɔ tabalaa nɛ. Ʋ nɛ haa beŋ Bɛf Saŋ kala a kpagɛ taŋ-la ba sɩɩ yɩrɛ Zarɛtaŋ, Jɛzɩrɛl wɩɩpɔsʋŋ nadiiŋ dɩɩrɩŋ a chɩŋ Bɛf Saŋ lɛ a kaa mʋ Abɛl Mɛhɔla a cholo mʋ Jɔkɩmɩam.

2 IZIRAL TƖŊŊAA NAABARƖŊ 20:23

Amɔŋ tɩŋŋaa arɩ Mʋab tɩŋŋaa mɩɩra gʋra yuo Ɛdɔm laalɩyuoroo a kpʋ ba kala. Ba sɩ kpʋ Ɛdɔm nɩalɩŋ dɛrɛ, ba ma tɩtɩa gʋra kpʋ dɔŋɔ.

WƖA YƖƖLAA 83:9

Joŋ wɩɩ-la ŋ sɩ ŋaa Midiaŋ tɩŋŋaa lɛ, a ŋaa ba lɛ, wɩɩ-la ŋ fa sɩ joŋo ŋaa Sɩsɛra arɩ Jabɩŋ sɩ ŋaa laalɩyuori-hɩasɩŋ lɛ, Kɩsɔŋ fuo-la lɛ.

AZAAYA 19:2

La TƖƖNA sɩ, “Mɩ jaŋ yigi Ijipiti tɩŋŋaa hɛ dɩ ba gʋraa yuo dɔŋɔ nɛ. Naambie jaŋ yuyuo ʋ naambie, dɩa nɩaa jaŋ yuyuo dɔŋɔ, tasɩ-la ma sɩ ŋaa naambiiriŋ jaŋ gʋra yuyuo dɔŋɔ, tinteeŋ dɔŋɔ nɩaa ma jaŋ sii mʋ yuyuo tinteeŋ dɔŋɔ nɩaa.

AZAAYA 9:3

Ŋ kɛŋ tintee-la chʋʋla kɩɩ nɛ a leŋ ʋ nɩaa tʋɔtɔrʋŋ yʋgɛ, ba jʋjʋɔsɛ ŋ sɩpaaŋ, a nagɛ nɩaa sɩ yie jʋjʋɔsɛ ŋɩɩ dɩ ba nɩɩ ŋaa ba baga kɩaa, koo a nagɛ ŋɩɩ nɩaa sɩ yie jʋjʋɔsɛ dɩ ba nɛ kɛŋ dʋa-la ba sɩ yuo laa ba dʋndɔŋŋɔɔ teeŋ kpɩkpaa.

AZAAYA 9:4

Ŋ dʋɔrɛ hɛɛ-la fa sɩ nagɛ daaŋ a daŋ ba baŋŋaa lɛ nɛ, a lɩɩsɛba hɛɛ-la lɛ ba dʋndɔŋŋɔɔ fa sɩ jomba hɛ. Ŋ yuo dii nɩalɩŋ sɩɩ dɔgɩsɛba nɛ arɩ ŋɩɩ ŋ fa sɩ yuo dii Midiaŋ tɩŋŋaa.

ƐZƖKƖƐL 38:21

Mɩ jaŋ leŋ dɩ laalɩŋ chaasa hosi woruŋ Gɔg nyuŋ, mɩ-na ma TƖƖNA Wɩɩjarɩbakɔ nɛ bʋla. Gɔg nɩaa jaŋ mɩɩra gʋra yuyuo dɔŋɔ.

HABAKU 3:14

Ʋ tɩtɩa timiŋ nɛ ŋ laa a tɔɔ gɩrɩgɛ ʋ nyuŋ lɛ, ʋ bayuoroo sɩ gbu lɩɩ dɩ ba ŋmoola pɩsɛ. Ba faa jʋɔsʋ nɛ dɩ ba kɛŋ nɩalɩŋ sɩ bɩ ba tɩtɩa lɛ wuo pɛ sɩ faa a liŋ.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

ZƐKARƖYA 14:13

Bʋa-la lɛ, La TƖƖNA jaŋ joŋ fawʋllʋŋ kɩŋkɛŋ a hɛ nɩaa lɛ. Nʋʋkala jaŋ kɛŋ ʋ dɔŋɔ yuyuo.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

JOSUA 3:16

lɩɩ-la sɩ pɛllɛɛ lɩɩ fuo-la nyuŋ a kʋ kɔ kɛrɛ nɛ, aŋ kala sii chʋɔrɛ a mʋ hɛ dɩ-bolii, taŋ-la lɛ ba sɩɩ yɩrɛ Adam lɛ a kpagɛ taŋ-la ba sɩɩ yɩrɛ Zarɛtaŋ. Lɩɩ-la sɩ pɛllɛ a tutuu Araba Mʋga kala kɛrɛ. (Araba Mʋga-la nɛ ba haa yɩyɩrɛ Mʋgʋ-sʋʋŋ.) Ŋɩɩ nɛ nɩalɩŋ wuo chol Jɔdaŋ fuo-la Jeriko dɩɩrɩŋ.

JOSUA 6:16

Ba fa sɩɩ golli ŋɩɩ pɛɛmɩŋ lɛ, Wɩɩsʋllɩ sɩpaalaaraa faasa ŋmʋʋ nyilli-la, ŋɩɩ nɛ Josua bʋla pɩ nɩalɩŋ, “Má faasa ŋaa goŋ, bɛɛ wɩaa La TƖƖNA joŋ taŋ-la a hɛ ma nɩsɩŋ lɛ nɛ.

JOSUA 6:20

Ba sɩ faasa ŋmʋʋ nyilli-la, nɩalɩŋ ma faasa ŋaa goŋ. Ŋɩɩ nɛ Jeriko jebii-la tel. Laalɩyuoro-la guu jʋʋ taŋ-la a yuo diiu.

JOSUA 6:4

Leŋ dɩ Wɩɩsʋllɩ sɩpaalaaraa nɩaa balɩpɛ paa pie-bel nyilliŋ a laa Wɩa niiriŋ daga-la sɩpaaŋ. Tapʋl-pɛɩ chɛɛŋ, má kɩɛlɛ a vɛnɛ golli taŋ-la naansɩɩŋ bʋlɩpɛ, ka dɩ Wɩɩsʋllɩ sɩpaalaaraa ŋmʋŋmʋʋ nyilli-la.

1 SAMƲƐL 18:19

Ama bʋa-la sɩ yie dɩ ba joŋ Sɔɔl tolo Mɛrab a pɩ Devit, ba mɩɩra joŋo pɩ Mehola doho nɩaa baal kʋbala ba sɩɩ yɩrɛ Adɩrɩɛl ʋ jaa.