SƖPAALAARAA 7:19 - WƖA TENIŊ

¹⁹ Gɩdɩɔŋ arɩ nɩalɩŋ zɔlɔ sɩɩ to ʋ harɩŋ mʋ yi Midiaŋ tɩmma-la buguŋ niiŋ tɩta-siesee nɛ, dɩ nɩaa dɔnsʋŋ kʋ laa nɩalɩŋ sɩɩ pɔba lɛ, a pɔ. Ŋɩɩ nɛ ba ŋmʋʋ banyilliŋ aŋ joŋ ba tagɩsɩ-la ba sɩ koro a yaga yɛrɛ.

SƖPAALAARAA 7:19 ပူးပေါင်းရင်းမြစ်များ

WƖA YƖƖLAA 2:9

Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

WƖA YƖƖLAA 90:4

Jɩsɩŋ bʋɩ nagɛ tapʋl-bala nɛ ŋ teeŋ. Ba yie nagɛ tapʋlʋŋ sɩ bala nɛ, koo tɩtaŋɩŋ hawaba baŋmɛnɛ.

MOSIS KƐŊ IZIRAL TƖŊŊAA LƖƖ 14:24

Sɩɩpʋʋraa, La TƖƖNA to duoŋ-bɩlɩmbaaŋ-la sɩ nagɛ jebiiŋ aŋ kɛŋ nyiniŋ lɛ, a na Ijipiti tɩŋŋaa laalɩyuoroo a ŋaa ba wɩɩkala vʋgʋmɛ.

Matiu 25:6

Tɩta-siesee nɩaa yɩrɛ, ‘Má bee na baal-la nɩɩ kɔ, má kʋ lɩɩ chemu.’

1 Tɛsalonaaka Nɩaa 5:2

bɛɛ wɩaa ma tɩtɩa jɩma woruŋ dɩ La Tɩɩna Yesu nɩɩ kɔ tapʋlɩɩ-la, ʋ jaŋ kʋ dɩ ma lɛ, a nagɛ gaara sɩ yie guu kɔ ŋɩɩ tɩtaŋɩŋ.

Jɔɔŋ Wʋnaalaa 16:15

Má bee na, mɩ jaŋ kɔ arɩ gaara sɩ yie kɔ ŋɩɩ. Wɩa jaŋ pɛ nɩɩ-la kala sɩ bɩ doŋ pɩna aŋ pɔ lɛ, nɩɩ-la kala sɩ laalɛ ʋ gɛrɩŋ, dɩ nɩaa sɩ́ ʋ yarɩ-biree na.

SƖPAALAARAA 7:16

Gɩdɩɔŋ kɛŋ ʋ laalɩyuoro-la zɔɔ-batori a kpaa leree batori, a joŋ banyilliŋ arɩ tagɩ-wuoloo a joŋ tʋʋ-diiri kapɩlaa arɩ nyiniŋ hɛ ba tʋɔŋ a pɩ ba kʋŋkala.

SƖPAALAARAA 7:18

Dɩ mɩ dɩ nɩalɩŋ kala sɩɩ to mɩ harɩŋ nɛ ŋmʋʋ la banyilliŋ, ma nɩkaana-la sɩ golli ba dɩhɔnʋŋ chu, má ma ŋmʋʋ ma kɩaa, aŋ ŋaa goŋ a bʋl, ‘Má yuo laalɩŋ pɩ La TƖƖNA, má yuo laalɩŋ pɩ Gɩdɩɔŋ.’ ”

SƖPAALAARAA 7:20

Gɩdɩɔŋ laalɩyuori-kaana-la bʋbʋɔ-bugoo balɩa ma ŋmʋʋ banyilli-la ba sɩ koro ba nadiiŋ nɩsaa lɛ. Ŋɩɩ nɛ aŋ joŋ tagɩsɩ-la ba ma sɩ koro yaga yɛrɛ, aŋ kori tʋʋ-diiri kapɩla-la arɩ nyiniŋ ba nagʋa nɩsaa lɛ, aŋ kala ŋaa goŋ a bʋl, “Má yuo laalɩŋ pɩ La TƖƖNA, má yuo laalɩŋ pɩ Gɩdɩɔŋ.”