SƖPAALAARAA 7:15 - WƖA TENIŊ

¹⁵ Gɩdɩɔŋ sɩ nɩɩ duoso-la arɩ ŋɩɩ ba sɩ dagɛ ʋ bʋbʋɔŋ, ʋ dɛnnɛ Wɩa. Ŋɩɩ nɛ aŋ mɩɩra mʋ ba Iziral tɩŋŋaa buguŋ aŋ kpɩa, “Má sii la mʋ! La TƖƖNA joŋ Midiaŋ tɩŋŋaa laalɩyuoroo kala a hɛ la nɩsɩŋ lɛ nɛ.”

SƖPAALAARAA 7:15 ပူးပေါင်းရင်းမြစ်များ

WƖAA DƖ-SUOMUŊ 24:48

Ŋɩɩ nɛ mɩ tuu kpirimi, a chʋɔlɛ La TƖƖNA. Mɩ dɛnnɛ La TƖƖNA, mɩ nɩhɩaŋ Abɩraham Wɩa, Wɩa-la sɩ kɛmmɛ kaa vɛŋ wombii-zɔmʋŋ deeŋ mɩ na mɩ nɩhɩaŋ naambie nihiŋ dɩ mɩ pɩ mɩ nɩhɩaŋ nanʋala.

WƖAA DƖ-SUOMUŊ 40:8

Ba bʋla pʋ, “La duosi duosoo nɛ aŋ ka nʋʋkala tuo dɩ ʋ dagɛ duoso-la bʋbʋɔŋ pɩla.” Ŋɩɩ nɛ Josɛf bʋl, “Wɩa nɛ jɩŋ duoso bʋbʋɔŋ. Má dagɛ ma duoso-la pɩmɛ.”

WƖAA DƖ-SUOMUŊ 41:11

la balɩa kala duosi duosoo tɩta-bala, duoso-na kala arɩ ʋ bʋbʋɔŋ.

SƖPAALAARAA 3:28

Ʋ bʋla pɩba, “Má to mɩ harɩŋ, La TƖƖNA joŋ Mʋab tɩŋŋaa sɩ ŋaa ma dʋndɔmɔ a hɛ ma nɩsɩŋ lɛ nɛ.” Ŋɩɩ nɛ ba to ʋ harɩŋ tuu a laa lere-la kala Mʋab tɩŋŋaa fa sɩ jaŋ to a chol Jɔdaŋ fuo-la, ba bɩ leŋe ba nɩbala ma chol.

SƖPAALAARAA 4:14

Ŋɩɩ nɛ Debora bʋla pɩ Barak, “Jɩnɩŋ La TƖƖNA joŋ Sɩsɛra a hɛ ŋ nɩsɩŋ lɛ nɛ, ŋɩɩ wɩaa mʋ! La TƖƖNA paala laa ŋ sɩpaaŋ a mʋ nɛ dɩ ʋ yuou pɩŋ.” Barak sii peel-la ba sɩɩ yɩrɛ Tabɔ nyuŋ a tuu, ʋ laalɩyuoroo bʋɩ fii ma to ʋ harɩŋ.

SƖPAALAARAA 7:11

a nɩɩ wɩalɩŋ ba sɩɩ bʋl. Dɩ ŋ nɛ nɩɩ wɩalɩŋ, ŋ nyuŋ jaŋ duori dɩ ŋ wuo yuoba.” Ŋɩɩ nɛ Gɩdɩɔŋ sii kɛŋ ʋ tɩntɩnna Pʋra ba mʋ ba dʋndɔmɔ-la dɩhɔnʋŋ niiŋ.

SƖPAALAARAA 7:14

Ʋ nandɔŋ-la bʋla pʋ, “Ŋ duoso-la mʋ tɩgɛ Jʋas nanʋala Gɩdɩɔŋ lɛ nɛ, Iziral tɩŋŋaa laalɩyuoroo nɩhɩaŋ-la. Wɩa joŋ la Midiaŋ tɩŋŋaa arɩ la laalɩyuoroo kala a hɛ ʋ nɩsɩŋ lɛ nɛ.”

SƖPAALAARAA 7:16

Gɩdɩɔŋ kɛŋ ʋ laalɩyuoro-la zɔɔ-batori a kpaa leree batori, a joŋ banyilliŋ arɩ tagɩ-wuoloo a joŋ tʋʋ-diiri kapɩlaa arɩ nyiniŋ hɛ ba tʋɔŋ a pɩ ba kʋŋkala.

SƖPAALAARAA 8:7

Gɩdɩɔŋ bʋl, “Ʋ maga, dɩ La TƖƖNA nɛ leŋe mɩ yuo dii Zɛba arɩ Zalɩmʋna, mɩ jaŋ mɩɩra kɔ ma lɛ, a vɩɩrɛma arɩ sɔ-fɩaŋ-mie arɩ lɔgɔdɩnlɔgɔ, dɩ ma yaraa kala bɩɛlɛ.”

1 SAMƲƐL 1:28

ŋɩɩ wɩaa mɩ joŋu hɩhɛ La TƖƖNA nɩsɩŋ lɛ nɛ ʋ mɩɩsɩŋ kala lɛ, La TƖƖNA nɛ jaŋ tɩɩʋ.” Ŋɩɩ nɛ ba dɛnnɛ La TƖƖNA lee-la.

1 SAMƲƐL 14:12

Ŋɩɩ nɛ nɩalɩŋ sɩ hɛ lee-la kpɩa Jonataŋ arɩ nɩɩ-la sɩ kori ʋ laalɩyuori kɩaa lɛ a bʋl, “Má kʋ jɩl la teeŋ dɩ la dagɛma wʋjɩmɩŋ.” Jonataŋ bʋla pɩ nɩɩ-la sɩ kori ʋ laalɩyuori kɩaa, “Kɔ dɩ la jɩl, La TƖƖNA jomba hɛ Iziral tɩŋŋaa nɩsɩŋ lɛ nɛ ŋɩɩ.”