SƖPAALAARAA 7:14 - WƖA TENIŊ

¹⁴ Ʋ nandɔŋ-la bʋla pʋ, “Ŋ duoso-la mʋ tɩgɛ Jʋas nanʋala Gɩdɩɔŋ lɛ nɛ, Iziral tɩŋŋaa laalɩyuoroo nɩhɩaŋ-la. Wɩa joŋ la Midiaŋ tɩŋŋaa arɩ la laalɩyuoroo kala a hɛ ʋ nɩsɩŋ lɛ nɛ.”

SƖPAALAARAA 7:14 ပူးပေါင်းရင်းမြစ်များ

JOB 1:10

Ŋ pɔ ʋ dɩ ʋ dɩa nɩaa arɩ ba dʋa kala nɛ bʋa na-kala. Ŋ pɛ ʋ lɛ nɛ ʋ wɩɩkala wasɛ woruŋ, ŋ pʋ piesee arɩ pʋŋ-doho-na kala nɛ, ba jɛrɛ su tintee-la kala.

NAMBABA 22:38

Balam sɩ, “Lɛɛlɛ mɩ kɔ nɛ, ama mɩ bɩ jaŋ wuo bʋl wɩɩkala, see wɩɩ-la Wɩa sɩ daga.”

NAMBABA 23:20

Wɩa dagɛmɛ dɩ mɩ sʋlʋ dɩ ʋ pɛ ʋ nɩalɩŋ lɛ nɛ. Ʋ sɩ pɛ ba lɛ ŋɩɩ, mɩ saa bɩ jaŋ wuo kaa bɩrɩmɛ.

NAMBABA 23:5

Ŋɩɩ nɛ La TƖƖNA bʋl wɩalɩŋ Balam sɩ jaŋ mʋ bʋla pɩ Balak a pʋ.

JOSUA 2:24

Ba bʋla pɩ Josua, “La TƖƖNA chaasa joŋ tintee-la kala a hɛ la nɩsɩŋ lɛ nɛ. Fawʋllʋŋ chaasa jʋʋ nɩalɩŋ sɩ hɛ tintee-la lɛ nɛ a tɩŋ la wɩaa.”

JOSUA 2:9

a bʋla pɩba, “Mɩ jɩma arɩ La TƖƖNA joŋ tinteeŋ deeŋ a pɩma nɛ, ma wɩaa paala leŋ fawʋllʋŋ chaasa jʋʋla nɛ. Nʋʋkala sɩ hɛ tinteeŋ deeŋ lɛ kpaŋa nɛ a tɩŋ ma wɩaa.

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.

SƖPAALAARAA 3:28

Ʋ bʋla pɩba, “Má to mɩ harɩŋ, La TƖƖNA joŋ Mʋab tɩŋŋaa sɩ ŋaa ma dʋndɔmɔ a hɛ ma nɩsɩŋ lɛ nɛ.” Ŋɩɩ nɛ ba to ʋ harɩŋ tuu a laa lere-la kala Mʋab tɩŋŋaa fa sɩ jaŋ to a chol Jɔdaŋ fuo-la, ba bɩ leŋe ba nɩbala ma chol.

SƖPAALAARAA 7:13

Gɩdɩɔŋ sɩ mʋ yi Midiaŋ laalɩyuoro-la buguŋ, ʋ nɩa dɩ ba dɔŋɔ bʋl ʋ sɩ duoso wɩaa a pɩpɩ ʋ nandɔŋɔ. Ʋ sɩ, “Mɩ duoso na boroboro gulumuŋ ba sɩ kɛŋ mɩaa ŋaa dɩ ʋ bilime kʋ jʋʋ la buguŋ arɩ doluŋ a yɩ lɛbɩŋ, ʋ tel a bɩrɩma chu.”

SƖPAALAARAA 7:15

Gɩdɩɔŋ sɩ nɩɩ duoso-la arɩ ŋɩɩ ba sɩ dagɛ ʋ bʋbʋɔŋ, ʋ dɛnnɛ Wɩa. Ŋɩɩ nɛ aŋ mɩɩra mʋ ba Iziral tɩŋŋaa buguŋ aŋ kpɩa, “Má sii la mʋ! La TƖƖNA joŋ Midiaŋ tɩŋŋaa laalɩyuoroo kala a hɛ la nɩsɩŋ lɛ nɛ.”

1 SAMƲƐL 14:12

Ŋɩɩ nɛ nɩalɩŋ sɩ hɛ lee-la kpɩa Jonataŋ arɩ nɩɩ-la sɩ kori ʋ laalɩyuori kɩaa lɛ a bʋl, “Má kʋ jɩl la teeŋ dɩ la dagɛma wʋjɩmɩŋ.” Jonataŋ bʋla pɩ nɩɩ-la sɩ kori ʋ laalɩyuori kɩaa, “Kɔ dɩ la jɩl, La TƖƖNA jomba hɛ Iziral tɩŋŋaa nɩsɩŋ lɛ nɛ ŋɩɩ.”