SƖPAALAARAA 7:12 - WƖA TENIŊ

¹² Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

SƖPAALAARAA 7:12 ပူးပေါင်းရင်းမြစ်များ

1 KUOROO 20:27

Dɩ Iziral tɩŋŋaa ma hɛ dɔŋɔ a nyɩgɩlɛ dɩ ba mʋ cheŋ Siiria tɩmma-la. Iziral tɩŋŋaa ŋmoo bugoo balɩa a chaasɛba, a nagɛ bʋʋnaa baŋmɛnɛ sɩ pɩna, ka Siiria tɩmma-la su leriŋ kala.

1 KUOROO 4:30

Solomoŋ wʋjɩmɩŋ nɛ fa kɩɩ wʋjɩnna-la kala sɩ hɛ wɩɩpɔsʋŋ dɩɩrɩŋ, arɩ Ijipiti tinteeŋ wʋjɩnnaa kala.

WƖA YƖƖLAA 3:1

La Tɩɩna, nɩaa yʋga nɛ a ŋaa mɩ dʋndɔmɔ. Nɩ-daŋ nɛ sii chɩŋ mɩ lɛ.

WƖA YƖƖLAA 33:16

Kuoro laalɩyuoroo sɩ yʋga kɩŋkɛŋ dee bɩ jaŋ laaʋ ta. Laalɩyuori babii-balɩŋ ma doluŋ bɩ ʋ wuo laa ta.

JƐRƖMAAYA 46:23

Ba jaŋ keri ʋ duuŋ tɩɩsɩŋ kala lo, arɩ ʋ sɩ faasa jʋʋ dɔŋɔ ma kala. Mɩ-na ma TƖƖNA nɛ bʋla. Ba yʋga a kɩɩ hɔbɔ, nʋʋ bɩ ba wuo dɩɩsɛ.

JOSUA 11:4

Ba kʋ lɩɩ arɩ ba laalɩyuoroo kala arɩ janɩŋ arɩ ba janɩŋ torukoba, a yʋgɛ woruŋ a nagɛ hagɩlɩ-biee sɩ pɩŋ fuoŋ niiŋ.

SƖPAALAARAA 6:3

Bʋa na-kala lɛ dɩ Iziral tɩŋŋaa nɛ duu kɩaa, Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ sɩ hɛ wɩɩpɔsʋŋ yie kʋ jʋʋ tintee-la nɛ a yuoba,

SƖPAALAARAA 6:33

Ŋɩɩ nɛ Midiaŋ tɩŋŋaa, Amalɛk tɩŋŋaa arɩ nɩalɩŋ kala sɩ hɛ wɩɩpɔsʋŋ dɩɩrɩŋ kʋ hɛ dɔŋɔ lɛ, ba chol Jɔdaŋ fuo-la a ŋmoo buguŋ Jɛzɩrɛl fuonaaŋ lɛ.

SƖPAALAARAA 6:5

Ba yie kiri ba pʋsʋŋ aŋ chʋŋ ba lɛŋŋɛɛ a kʋkɔ a nagɛ hɔbɩ-laalɩŋ sɩɩ kɔ. Ŋ bɩ ba dɩ ba bʋntaŋŋaba wuo dɩɩsɛ. Ba yie tɔ tintee-la kala nɛ a cheyu.

SƖPAALAARAA 7:13

Gɩdɩɔŋ sɩ mʋ yi Midiaŋ laalɩyuoro-la buguŋ, ʋ nɩa dɩ ba dɔŋɔ bʋl ʋ sɩ duoso wɩaa a pɩpɩ ʋ nandɔŋɔ. Ʋ sɩ, “Mɩ duoso na boroboro gulumuŋ ba sɩ kɛŋ mɩaa ŋaa dɩ ʋ bilime kʋ jʋʋ la buguŋ arɩ doluŋ a yɩ lɛbɩŋ, ʋ tel a bɩrɩma chu.”

SƖPAALAARAA 8:10

Zɛba arɩ Zalɩmʋna arɩ ba laalɩyuoroo fa hɛ lee-la ba sɩɩ yɩrɛ Kaakɔ lɛ nɛ. Ba nɩaa fa yi bʋɩ fii arɩ banɔŋ. Tinteye-la sɩ hɛ wɩɩpɔsʋŋ dɩɩrɩŋ laalɩyuoro-la kala fa sɩ ka nɛ ŋɩɩ, bɛɛ wɩaa ba laalɩyuoroo bʋɩ zɔlɔ arɩ mara nɛ ba fa kpʋ laalɩŋ lɛ.

1 SAMƲƐL 13:5

Fɩlɩsɩtɩa tɩŋŋaa sii hɛ dɔŋɔ dɩ ba yuo Iziral tɩmma-la, a kɛŋ laalɩyuori janɩŋ torukoba bʋɩ batori, ja-jɩllaa bʋɩ balɩdʋ, ka laalɩyuoroo paala yʋgɛ a nagɛ hagɩlɩ-bumbugulo sɩ pɩŋ mʋga niiŋ. Ba sii jɩla ŋmoo buguŋ Mɩkɩmas lɛ, Bɛf Avɛŋ wɩɩpɔsʋŋ dɩɩrɩŋ.

1 SAMƲƐL 30:17

Sɩɩpʋʋraa Devit sii a yuoba ŋɩɩ deeŋ deeŋ taŋ pʋl a kaa mʋ yi dɩdaanɩŋ. Bapʋɔsaa zɔɔ-banɛsɛ dʋndʋŋa nɛ wuo paa bʋntaŋŋaba a jɩla fá. Dɩ ŋɩɩ dee, ba kʋŋkala fa bɩ ka.