SƖPAALAARAA 6:6 - WƖA TENIŊ

⁶ Midiaŋ tɩmma-la chaasa hɛ Iziral tɩŋŋaa sunnuŋ lɛ nɛ kɩŋkɛŋ, ba ŋmoo niiŋ a pɩ La TƖƖNA dɩ ʋ pɛ ba lɛ.

SƖPAALAARAA 6:6 ပူးပေါင်းရင်းမြစ်များ

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 78:34

Dɩ Wɩa nɛ kpʋ ba dɔnsʋŋ bʋa na-kala, nɩkaana-la yie mɩɩra chɛ ʋ leriŋ nɛ, a bɩrɩma lɩɩ ba wʋbɔŋŋɔɔ lɛ.

AZAAYA 26:16

La TƖƖNA, bʋa-la lɛ ŋ sɩ dɔgɩsɛ ŋ nɩaa, ba na hɛɛŋ. Ŋ sɩ lɛrɛ ba dɩgɩlɩŋ ba kɔ ŋ teeŋ nɛ a nɛrɩgɛ munso sʋsʋlʋŋ.

JƐRƖMAAYA 5:17

Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

MALAKAƖ 1:4

Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ” Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala.

MOSIS BƖRA WULLI WƖA WOMBIIŊ 28:43

Nʋhʋɔra-la sɩ hɛ ma tʋɔŋ nɛ jaŋ kɛŋ nyuŋ kɩɩma, ka dɩ ma-na mɩɩra hɛ naasɩŋ bʋbʋɔŋ.

SƖPAALAARAA 10:10

Ŋɩɩ nɛ Iziral tɩŋŋaa ŋmoo niiŋ a pɩ La TƖƖNA, a bʋl, “La ŋaa wʋbɔŋ nɛ ŋ teeŋ, la sɩ vɩa la Wɩa aŋ tuto vesi-la ba sɩɩ yɩrɛ Baal.”

SƖPAALAARAA 3:15

Iziral tɩŋŋaa bɩra yele pɩ La TƖƖNA dɩ ʋ pɛ ba lɛ. Ʋ pɩba nʋʋ sɩ jaŋ laaba ta. Ehud nɛ ʋ fa lɩɩsa pɩba. Ehud fa ŋaa gɛlɛ tɩɩna nɛ. Ʋ nyɩmma nɛ fa Gɛra a ŋaa Bɛnjamɩŋ doho nʋʋ. Ŋɩɩ nɛ Iziral tɩŋŋaa tɩŋ Ehud dɩ ʋ kɛŋ kɩaa mʋ tiŋ lampoo pɩ Mʋab kuoro Ɛgɩlɔŋ.

SƖPAALAARAA 3:9

Ŋɩɩ nɛ Iziral tɩŋŋaa yele pɩ La TƖƖNA dɩ ʋ pɛ ba lɛ. Ʋ lɩɩsɛ Kenas nanʋala Ofiniel ʋ laaba ta. Kenas fa ŋaa Kalɩb ŋaana nɛ.

SƖPAALAARAA 4:3

A tɩŋ Jabɩŋ fa sɩ kɛŋ hɔɔŋ janɩŋ torukoba zɔlɔ nibi, ʋ chaasa dɔgɩsɛ Iziral tɩŋŋaa woruŋ jɩsɩŋ mara, ba yele pɩ La TƖƖNA dɩ ʋ pɛ ba lɛ.

SƖPAALAARAA 6:7

Iziral tɩŋŋaa sɩ ŋmoo niiŋ a pɩ La TƖƖNA, a tɩŋ Midiaŋ tɩmma-la wɩaa,