SƖPAALAARAA 6:5 - WƖA TENIŊ

⁵ Ba yie kiri ba pʋsʋŋ aŋ chʋŋ ba lɛŋŋɛɛ a kʋkɔ a nagɛ hɔbɩ-laalɩŋ sɩɩ kɔ. Ŋ bɩ ba dɩ ba bʋntaŋŋaba wuo dɩɩsɛ. Ba yie tɔ tintee-la kala nɛ a cheyu.

SƖPAALAARAA 6:5 ပူးပေါင်းရင်းမြစ်များ

SOLOMOŊ YƖƖL-SƖMƖŊ 1:5

Jerusalɛm toloo, mɩ yaraa bire nɛ, ama mɩ zɔmɔ nɛ woruŋ. Mɩ bire a nagɛ taŋ-la ba sɩɩ yɩrɛ Keda lɛŋŋɛɛ nɛ, a bɩra bire nagɛ Solomoŋ kuoru dɩa patɩɩsamba.

AZAAYA 13:20

Nʋʋkala bɩra bɩ jaŋ hɔŋ nɩmɛ koo a hɛ lee-la a kaa mʋ wuu. Arab tɩŋŋaa ma sɩ ŋaa nɩgɔllɔ baarɩa ma bɩ jaŋ hɛ lɛŋŋɛɛ a hɔŋ nɩmɛ. Pie-daaraa ma bɩ jaŋ kiri ba piesee mʋ nɩmɛ dɩ ba dii yaŋ.

AZAAYA 60:6

Bʋntaŋɩ-laalɩŋ jaŋ lɩɩ Midia arɩ Ɛfa tinteeŋ a kʋ su ŋ tinteeŋ kala. Ba jaŋ chʋŋ sɛlɩmɛ arɩ kʋsʋɔrʋsʋŋ a lɩɩ Sɛba tinteeŋ a kɔ, a dɩdɛnnɛ mɩ-na ma TƖƖNA.

JƐRƖMAAYA 46:23

Ba jaŋ keri ʋ duuŋ tɩɩsɩŋ kala lo, arɩ ʋ sɩ faasa jʋʋ dɔŋɔ ma kala. Mɩ-na ma TƖƖNA nɛ bʋla. Ba yʋga a kɩɩ hɔbɔ, nʋʋ bɩ ba wuo dɩɩsɛ.

JƐRƖMAAYA 49:29

Má laa ba piesee arɩ ba lɛŋŋɛɛ, ba lɛŋŋɛɛ patɩɩsamba arɩ ba kɩaa. Má laa ba bʋntaŋŋaba. Má ŋaa goŋ a bʋla pɩba, ‘Fawʋllʋŋ hɛ lee-kala nɛ.’

JƐRƖMAAYA 49:32

Ba jaŋ yuo laa ba bʋntaŋŋaba, a yuo laa ba nɛ-daŋ-la ma. Mɩ jaŋ kɛŋ ba nɩalɩŋ sɩ hɛ dɩ-boloo pɩsa hɛ lee-kala, ba nɩalɩŋ sɩ kɛ ba nyu-pʋnaa ba kui, aŋ leŋ dɩ wʋlɔrʋŋ lɩɩ sɛmɛ na-kala a kʋ jʋʋba. Mɩ-na ma TƖƖNA nɛ bʋla.

JƐRƖMAAYA 51:14

La TƖƖNA doluŋ kala Tɩɩna ŋmɩɛsɛ ʋ tɩtɩa: Mɩ jaŋ leŋ dɩ ma tasɩŋ su arɩ nɩaa, a nagɛ hɔbɩ-laalɩŋ. Ba jaŋ ŋaa laalɩyuori diiri goŋ ma nyuŋ.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

SƖPAALAARAA 8:10

Zɛba arɩ Zalɩmʋna arɩ ba laalɩyuoroo fa hɛ lee-la ba sɩɩ yɩrɛ Kaakɔ lɛ nɛ. Ba nɩaa fa yi bʋɩ fii arɩ banɔŋ. Tinteye-la sɩ hɛ wɩɩpɔsʋŋ dɩɩrɩŋ laalɩyuoro-la kala fa sɩ ka nɛ ŋɩɩ, bɛɛ wɩaa ba laalɩyuoroo bʋɩ zɔlɔ arɩ mara nɛ ba fa kpʋ laalɩŋ lɛ.

SƖPAALAARAA 8:21

Zɛba arɩ Zalɩmʋna bʋl, “Ŋ tɩtɩa kʋ kpʋla. Baala sɩ yi ŋɩɩ, ʋ doluŋ ma yi ŋɩɩ nɛ.” Ŋɩɩ nɛ Gɩdɩɔŋ sii a kpʋ Zɛba arɩ Zalɩmʋna, aŋ chaarɛ kpɩɛra-la fa sɩ hɛ ba bʋntaŋŋaba baŋŋaa lɛ.

1 SAMƲƐL 30:17

Sɩɩpʋʋraa Devit sii a yuoba ŋɩɩ deeŋ deeŋ taŋ pʋl a kaa mʋ yi dɩdaanɩŋ. Bapʋɔsaa zɔɔ-banɛsɛ dʋndʋŋa nɛ wuo paa bʋntaŋŋaba a jɩla fá. Dɩ ŋɩɩ dee, ba kʋŋkala fa bɩ ka.