SƖPAALAARAA 6:4 - WƖA TENIŊ

⁴ aŋ ŋmoo buguŋ tintee-la lɛ a chei kɩalɩŋ kala ba sɩ duo ŋɩɩ a mʋ yi taŋ-la ba sɩɩ yɩrɛ Gaza. Ba bɩ kʋŋkala sɩ weye leŋe a pɩpɩ Iziral tɩmma-la: piesee, nɛsɩŋ koo kakusuŋ.

SƖPAALAARAA 6:4 ပူးပေါင်းရင်းမြစ်များ

WƖAA DƖ-SUOMUŊ 10:19

Kɛnaŋ doho nɩaa tinteeŋ niiŋ nɛ: a chɩŋ Sɩdɔŋ lɛ a kaa mʋ Gɛra, a mʋ yi Gaza a to Sodom arɩ Gomora, Adɩma arɩ Zeboyim a kaa mʋ yi Lasa.

WƖAA DƖ-SUOMUŊ 13:10

Ŋɩɩ nɛ Lɔt bee na Jɔdaŋ fuonaaŋ kala dɩ ʋ pɩna a fɩɛlɛ woruŋ. Fuonaa-la pɩŋ ŋɩɩ nɛ a mʋ yi taŋ-la ba sɩɩ yɩrɛ Zʋaa. Ʋ fa kɛŋ lɩɩŋ kɩŋkɛŋ a nagɛ Ɛdɩŋ ŋmaŋkaaŋ a bɩra nagɛ Ijipiti tinteeŋ ma. (Bʋa-la lɛ dɩ La TƖƖNA fa ha bɩ tasɩ-la ba sɩɩ yɩrɛ Sodom arɩ Gomora cheye.)

NAMAGABA 28:3

Dɩ nɩbɔmʋŋ nɩɩ dɔgɩsɛ summoo, ʋ nagɛ duonuŋ sɩ faasa lɔgɔ jaasɛ a chei kʋdiilee nɛ.

JƐRƖMAAYA 5:17

Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

LEVI DOHO NƖAA 26:16

ŋ-la nɛ mɩ jaŋ ŋaama: Mɩ jaŋ leŋ dɩ wʋlɔrʋnʋŋ jʋʋma. Mɩ jaŋ joŋ nyanyalaa sɩ bɩ daalusuŋ kɛnɛ hɛ ma lɛ, arɩ yarɩ-lɩŋŋaa sɩ jaŋ leŋ dɩ ma nyʋlɩmɛ dɩ ma yaraa kala yʋɔlɛ ŋɩɩ dɩ ma mʋ sʋʋ. Ma jaŋ duu kɩaa aŋ bɩ jaŋ dii kɩalɩŋ, bɛɛ wɩaa ma dʋndɔŋŋɔɔ nɛ jaŋ diiba.

OBADAAYA 1:5

Dɩ gaaraa nɛ kɔ ŋ dɩa tɩtaŋɩŋ, bɛɛ kʋŋ nɛ ba yie ŋaa? Ba yie gaa kɩalɩŋ ba sɩ cho nɛ. Dɩ girep tɩɩ-nɛŋ tɔrʋrɔɔ nɛ kɔ ŋ girep tɩɩsɩŋ tʋɔŋ, ba yie tɔrɛ aŋ ka mʋa nɛ.

MƖKA 6:15

Ma jaŋ duu kɩaa aŋ bɩ jaŋ ŋaa kɩalɩŋ, ma jaŋ tugi nʋʋŋ aŋ bɩ nʋʋ-la jaŋ tɩsɛ. Ma jaŋ chagɛ girep nɛnɛɛ sɩnɩŋ aŋ bɩ jaŋ nyʋa,

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

MOSIS BƖRA WULLI WƖA WOMBIIŊ 28:51

Ba jaŋ kpʋ ma pʋsʋŋ a chei ma tinteeŋ kʋpɛrɛɛ kala ŋɩɩ dɩ losuŋ kpʋma dɩ ma sʋʋ. Ba bɩ jaŋ leŋ dɩ ma kɛŋ mɩaa, tɩɩnɛnɛɛ sɩ-falɩŋ koo nʋʋ. Ba bɩ jaŋ leŋ dɩ ma nɛsɩŋ koo piesee koo bʋʋnaa kʋŋkala kɛŋ bii ŋɩɩ deeŋ deeŋ, dɩ ma kala sʋʋ dɛrɛ.

SƖPAALAARAA 6:3

Bʋa na-kala lɛ dɩ Iziral tɩŋŋaa nɛ duu kɩaa, Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ sɩ hɛ wɩɩpɔsʋŋ yie kʋ jʋʋ tintee-la nɛ a yuoba,