SƖPAALAARAA 6:34 - WƖA TENIŊ

³⁴ La TƖƖNA Dɩma kʋ jʋʋ Gɩdɩɔŋ, ʋ ŋmʋʋ banyile a yɩrɛ Abieza tɩŋŋaa kala dɩ ba kʋ to ʋ harɩŋ,

SƖPAALAARAA 6:34 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 12:18

Ŋɩɩ nɛ Wɩa Dɩma guu kʋ jʋʋ Amasaɩ, ʋ nɛ mɩɩra kʋ ŋaa laalɩyuori babiibala-la mara arɩ fii kʋhɩaŋ ŋɩɩ, ʋ bʋl, “Jesi nanʋala Devit, la chɩŋ ŋ harɩŋ nɛ. A leŋ ŋ dɩ nɩalɩŋ sɩɩ to ŋ harɩŋ yuo didii bʋa na-kala, bɛɛ wɩaa Wɩa chɩŋ ŋ harɩŋ nɛ a yuo pɩpɩŋ.” Ŋɩɩ nɛ Devit laaba, a leŋ ba ŋaa ʋ laalɩyuoroo sɩpaalaaraa.

1 IZIRAL TƖŊŊAA NAABARƖŊ 12:19

Bʋa-la lɛ Devit arɩ Fɩlɩsɩtɩa tɩŋŋaa sɩ mʋa dɩ ba yuo kuoro Sɔɔl, Manasɛ doho nɩaa laalɩyuoroo dɔnsʋŋ kʋ pɛ Devit lɛ nɛ. (Devit arɩ ʋ nɩaa fa bɩ Fɩlɩsɩtɩa tɩŋŋaa lɛ pɛ, bɛɛ wɩaa, fawʋllʋŋ fa kɛŋ ba kuoroo nɛ, ba bʋl arɩ Devit jaŋ wuo lɩɩ ba harɩŋ a mʋ pɛ Sɔɔl fa sɩ ŋaa ʋ kʋhɩaŋ lɛ. Ŋɩɩ nɛ ba kiru ʋ mɩɩra mʋ Zɩkɩlag.)

2 IZIRAL TƖŊŊAA NAABARƖŊ 24:20

Ŋɩɩ nɛ Wɩa Dɩma kʋ jʋʋ Zɛkarɩya sɩ ŋaa Jehoyada, Wɩɩsʋllɩ sɩpaalaara nanʋala. Ʋ chɩŋ nɩalɩŋ sɩpaaŋ a bʋla pɩba, “Wɩɩ-la Wɩa sɩ bʋla nɛ ŋ-la: ‘Bɛɛ nɛ tɩɩ ma vɩa wɩalɩŋ La TƖƖNA sɩ daga? Wɩɩkala bɩ jaŋ vɛŋ woruŋ a pɩma. Ma sɩ vɩa La TƖƖNA ŋɩɩ, ʋ ma vɩama nɛ.’ ”

WƖA YƖƖLAA 51:11

Sɩ́ mɩ kiru ŋ sɩpaaŋ, sɩ́ ŋ Dɩŋ-zɔmʋŋ kaa laa mɩ teeŋ.

NAMBABA 10:3

Dɩ ba nɛ ŋmʋʋ banyilli-la kala balɩa, Iziral tɩŋŋaa kala maga ba kʋ hilimi ŋ sɩpaaŋ lɛbɩ-la lɛ mɩ sɩ yie kɔ Iziral tɩŋŋaa teeŋ boiŋ niiŋ nɛ.

Rom Tɩŋŋaa 13:14

Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.

Galiisia Nɩaa 3:27

Ma nɩalɩŋ kala ba sɩ fo Wɩɩchʋɔlɛ lɩɩŋ Kirisito yɩrɩŋ lɛ, ma kala nagɛ Kirisito nɛ.

JOSUA 17:2

Manasɛ doho nɩkaanaa deemba ma fa kɛŋ kpaalɩŋ nɛ Jɔdaŋ fuo-la wɩɩjʋʋlʋŋ dɩɩrɩŋ: Abieza nyɩŋ-nɩaa, Hɛlɛk nyɩŋ-nɩaa, Asɩrɩɛl nyɩŋ-nɩaa, Sɛkɛm nyɩŋ-nɩaa, Hefa nyɩŋ-nɩaa arɩ Sɛmɩda nyɩŋ-nɩaa. Baala-la sɩ ŋaa Josɛf nanʋala Manasɛ doho nɩaa dɔnsʋŋ nɛ ŋɩɩ.

SƖPAALAARAA 13:25

La TƖƖNA Dɩma suomo pʋpʋ doluŋ, dɩ ʋ fa hɛ lee-la ba sɩɩ yɩrɛ Daŋ buguŋ, tasɩ-la ba sɩɩ yɩrɛ Zora arɩ Ɛsɩtɔl pɛgɛ.

SƖPAALAARAA 14:19

Ŋɩɩ nɛ La TƖƖNA Dɩma kʋ jʋʋ Samɩsɩŋ a pʋ doluŋ. Ʋ sii tuu taŋ-la ba sɩɩ yɩrɛ Asɩkɛlɔŋ, a kpʋ ba baalaa mara arɩ fii, a wuri ba kɩaa a joŋ ba gɛnnɩŋ pɩ nɩalɩŋ sɩ dagɛ namaga-la bʋbʋɔŋ. Ka ʋ baanɩŋ chaasa sii woruŋ wɩɩ-la wɩaa, ʋ mɩɩra mʋ ʋ nyɩmma dɩa.

SƖPAALAARAA 15:14

Ba sɩ kʋ yi Lehi, Fɩlɩsɩtɩa tɩŋŋaa chaasʋ a kʋkɔ aŋ ŋɩŋaa goŋ. La TƖƖNA Dɩma kʋ jʋʋ Samɩsɩŋ a pʋ doluŋ. Ŋmɛsɩ-la sɩ vɔɔ ʋ nɩsaa lɛ, guu nagɛ bɔɔŋ vɔɔlɔ, ʋ kaa kɛrɛ ta.

SƖPAALAARAA 3:10

Wɩa Dɩma kʋ jʋʋ Ofiniel ʋ ŋaa Iziral tɩŋŋaa sɩpaalaarʋ a kɛmba mʋ laalɩŋ. La TƖƖNA joŋ Aram kuoro Kusaŋ-Risatem a hɛ Ofiniel nɩsɩŋ lɛ ʋ yuo diiu.

SƖPAALAARAA 3:27

Ʋ sɩ mʋ yi nɩmɛ, ʋ ŋmʋʋ banyile Efirem tintee-la peelee sɩ yʋga lɛ a yɩrɛ Iziral tɩŋŋaa dɩ ba mʋ yuo laalɩŋ. Ŋɩɩ nɛ ʋ laa ba sɩpaaŋ a lɩɩ dundolo-la nyuŋ kʋ tuu.

SƖPAALAARAA 6:11

Ŋɩɩ nɛ La TƖƖNA tɩndaara kʋ hɔŋ piine kʋbala bʋbʋɔŋ, a hɛ taŋ-la ba sɩɩ yɩrɛ Ɔfɩra lɛ. Abieza tɩɩna kʋbala ba sɩɩ yɩrɛ Jʋas nɛ fa tɩɩ tɩa-la. Nɩmɛ nɛ ʋ bie Gɩdɩɔŋ fa faa aa ŋmoo ʋ mɛmpɛ, lee-la ba sɩɩ chagɛ tɩɩnɛnɛɛ sɩnɩŋ, dɩ Midiaŋ tɩŋŋaa sɩ́ ʋ na.

SƖPAALAARAA 8:2

Ama Gɩdɩɔŋ bʋla pɩba, “Wɩɩ-la mɩ sɩ ŋaa, nʋʋ jaŋ wuo kɛnʋ a magɩsɛ wɩalɩŋ ma sɩ ŋaa? Ma Efirem tɩŋŋaa sɩ ŋaa wʋbie-la nɛ paala kɩɩ wɩɩ-la mɩ nyɩŋ-nɩaa kala sɩ ŋaa.

1 SAMƲƐL 10:6

La TƖƖNA Dɩma-la jaŋ jʋʋ ŋ ma arɩ doluŋ, dɩ ŋ pɛ ba lɛ a bʋbʋl wɩaa Wɩa doluŋ lɛ. Ʋ jaŋ leŋ dɩ ŋ bɩrɩmɛ nɩwogo.

1 SAMƲƐL 11:6

Sɔɔl sɩ nɩɩ wɩalɩŋ, Wɩa Dɩma kʋ jʋʋ-ʋ arɩ doluŋ, ʋ baanɩŋ faasa sii.

1 SAMƲƐL 13:3

Tapʋlɩɩ kʋbala Jonataŋ mʋ yuo Fɩlɩsɩtɩa tɩŋŋaa laalɩyuoro-la buguŋ sɩ hɛ Geba lɛ a chei ʋ kala, ŋɩɩ nɛ Fɩlɩsɩtɩa tɩŋŋaa dɔnsʋŋ nɩɩ wɩɩ-la. Sɔɔl tɩŋ nɩaa ba ŋmʋʋ banyile Iziral tinteeŋ kala lɛ a bʋl wɩɩ-la pɩ Iziral tɩŋŋaa kala, aŋ yɩrɛba dɩ ba mʋ laalɩŋ.

1 SAMƲƐL 16:14

La TƖƖNA Dɩma-la lɩɩ Sɔɔl lɛ, ka La TƖƖNA leŋ dɩŋ-bɔmʋŋ mɩɩra kʋ jʋʋ-ʋ, a wʋwalɩmʋ kɩŋkɛŋ.