SƖPAALAARAA 6:24 - WƖA TENIŊ

²⁴ Ŋɩɩ nɛ Gɩdɩɔŋ saa koruŋ nɩmɛ a pɩ La TƖƖNA, a hɛ ʋ yɩrɩŋ ‘La TƖƖNA nɩɩ pɩla fɩɛlɩŋ’. Koru-la ha hɛ taŋ-la ba sɩɩ yɩrɛ Ɔfɩra lɛ arɩ jɩnɩŋ kala. Abieza tɩŋŋaa nɛ tɩɩ lee-la.

SƖPAALAARAA 6:24 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 12:8

Ʋ lɩɩ nɩmɛ a mʋ peel-la sɩ hɛ Bɛtɛl wɩɩpɔsʋŋ, a hɛ ʋ lɛbɩŋ Bɛtɛl wɩɩjʋʋlʋŋ dɩɩrɩŋ, ka Aɩ ma hɛ wɩɩpɔsʋŋ dɩɩrɩŋ. Nɩmɛ nɛ ʋ saa Wɩɩsʋllɩ koruŋ a pɩ La TƖƖNA a yɩrɛ ʋ yɩrɩŋ.

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

WƖAA DƖ-SUOMUŊ 33:20

Ʋ saa Wɩɩsʋllɩ koruŋ nɩmɛ a hɛ ʋ yɩrɩŋ Ɛl-Ɛlɔhɩ Iziral.

2 SAMƲƐL 24:25

Ŋɩɩ nɛ Devit saa Wɩɩsʋllɩ koruŋ nɩmɛ a pɩ La TƖƖNA, a sʋl kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ. La TƖƖNA laa ʋ sʋla, nyanyalɩɩ-la fa sɩ hɛ Iziral tinteeŋ lɛ kala dɛrɛ.

1 KUOROO 18:32

Tabɩa-la nɛ ʋ kaa saa koruŋ dɩ ʋ yɩrɛ La TƖƖNA yɩrɩŋ, aŋ lu bʋa a gollu a magɛ lɩɩŋ galaŋ batori sɩ jaŋ wuo jʋʋ.

ƐZƖRA 3:2

Ŋɩɩ nɛ Jozadak nanʋala Jesua arɩ ʋ tɩntɩnnɩ dɔnsʋŋ sɩ ŋaa Wɩɩsʋllɩ sɩpaalaara arɩ Zerubabɛl sɩ ŋaa Sɩalɩtɩɛl nanʋala arɩ ʋ naambiiriŋ suomo sɩsaa Iziral tɩŋŋaa Wɩɩsʋllɩ koruŋ dɩ ba kaa ŋaa kʋnyɩgaa Wɩɩsʋlʋŋ, arɩ wombie-la Wɩa tɩntɩnna Mosis sɩ ŋmʋnsa bil dɩ la tuto sɩ dagɛ ŋɩɩ.

MOSIS KƐŊ IZIRAL TƖŊŊAA LƖƖ 17:15

Ŋɩɩ nɛ Mosis saa Wɩɩsʋllɩ koruŋ a hɛ ʋ yɩrɩŋ, ‘La TƖƖNA nɛ ŋaa mɩ jɔnjɔŋ (Jehova nissi)’.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

NAMBABA 26:30

Gɩlɩad biiriŋ nɛ ŋ-la: Ieza, ʋ nɛ kʋ ŋaa Ieza tɩŋŋaa gentine. Hɛlɛk, ʋ nɛ kʋ ŋaa Hɛlɛk tɩŋŋaa gentine.

JOSUA 22:10

Bʋa-la lɛ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la sɩ kɔ Gɛlɩlɔf sɩ hɛ Kɛnaŋ tinteeŋ lɛ a kpagɛ Jɔdaŋ fuo-la niiŋ wɩɩjʋʋlʋŋ dɩɩrɩŋ, ba saa Wɩɩsʋlʋŋ koru-bal kʋbala nɩmɛ fuo-la sɛmɛ.

SƖPAALAARAA 21:4

Taŋ sɩ pʋla chʋchʋɔ-fɩɛla, ba sii saa Wɩɩ-sʋlla koruŋ a ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ.

SƖPAALAARAA 6:23

Ama La TƖƖNA bʋla pʋ, “Hɔŋ sɔm, sɩ́ leŋe dɩ fawʋllʋŋ kɛnɩŋ. Ŋ bɩ jaŋ sʋʋ.”

SƖPAALAARAA 8:27

Gɩdɩɔŋ kɛŋ sɛlɩmɛ-la libi gɛrɩ-laala-daŋɩŋ, ʋ ŋaa vene, a bil ʋ jaŋ Ɔpɩra lɛ. Iziral tɩŋŋaa kala suomo kpʋkpaarʋ nɩmɛ. Ʋ ŋɩɩ ŋaa bɛrɛ a pɩ Gɩdɩɔŋ arɩ ʋ dɩa nɩaa kala.

SƖPAALAARAA 8:32

Jʋas nanʋala Gɩdɩɔŋ fa hɩɛsa nɛ woruŋ aŋ sʋʋ. Ba hugu ʋ nyɩmma Jʋas bʋa-la sɩ hɛ Ɔpɩra lɛ, Abieza tɩŋŋaa tinteeŋ.

1 SAMƲƐL 14:35

Ŋɩɩ nɛ Sɔɔl saa Wɩɩsʋllɩ koruŋ pɩ La TƖƖNA. Ʋ Wɩɩsʋllɩ koru-bumbuŋ nɛ ŋɩɩ ʋ sɩ saa.

1 SAMƲƐL 7:17

Ama dɩ ʋ nɛ tɩŋ ʋ tɩntɩŋŋaa dɛrɛ, ʋ ha yie mɩɩra kɔ ʋ dɩa nɛ Rama lɛ. Ʋ yie kɔ nɩmɛ a laa Iziral tɩŋŋaa ma wɩaa a bʋla wasɛ pɩba. Rama lɛ, ʋ saa Wɩɩsʋllɩ koruŋ nɛ a pɩ La TƖƖNA.