SƖPAALAARAA 6:15 - WƖA TENIŊ

¹⁵ Gɩdɩɔŋ pɩɛsɛ La TƖƖNA, “Ɛɛ nɛ mɩ jaŋ ŋaa a laa Iziral tɩŋŋaa ta? Manasɛ doho nɩaa tʋɔŋ, mɩ nyɩŋ-nɩa nɛ bɩ doluŋ kɛnɛ. Mɩ dɩa nɩaa ma tʋɔŋ, mɩ nɛ ba kʋbie.”

SƖPAALAARAA 6:15 ပူးပေါင်းရင်းမြစ်များ

WƖAA DƖ-SUOMUŊ 32:10

Zile arɩ wʋtɩtɩɩ-la ŋ sɩ joŋo ŋaa mɩ-na ŋ tɩntɩnna lɛ, mɩ bɩ ŋɩɩ maga ka ŋ joŋo ŋaa mɩ lɛ. Dantɩga dʋndʋŋ nɛ mɩ kori a kieli Jɔdaŋ fuo-la, ama lɛɛlɛ mɩ kɛŋ pʋsʋŋ arɩ nɩaa leree balɩa nɛ.

MOSIS KƐŊ IZIRAL TƖŊŊAA LƖƖ 3:11

Ŋɩɩ nɛ Mosis pɩɛsɛ Wɩa, “Kʋbɛɛ nɛ ka mɩ dɩ mɩ mʋ Ijipiti tinteeŋ kuoro sɩpaaŋ a wuo kɛŋ Iziral tɩŋŋaa kaa lɩɩ Ijipiti tinteeŋ lɛ?”

MOSIS KƐŊ IZIRAL TƖŊŊAA LƖƖ 4:10

Ŋɩɩ nɛ Mosis bʋla pɩ La TƖƖNA, “Mɩ TƖƖNA, mɩ-na ŋ tɩntɩnna, mɩ bɩ wʋbʋllʋ ŋaa, a lɩɩ bʋa-la kala lɛ ŋ sɩ suomo bʋl wɩaa mɩ teeŋ arɩ lɛɛlɛ kala. Mɩ nandelimiŋ yuŋŋie arɩ wɩaa bʋlʋŋ.”

JƐRƖMAAYA 1:6

Ŋɩɩ nɛ mɩ bʋl, “Ou, La Tɩɩna Wɩɩjarɩbakɔ, mɩ bɩ wɩaa bʋlʋŋ jɩŋ. Mɩ ha ŋaa hambie nɛ.”

JƐRƖMAAYA 50:45

Ŋɩɩ wɩaa, má jegile nɩɩ wɩɩ-la La TƖƖNA sɩ bɩɩna tɩgɛ Babɩlɔŋ lɛ, wɩɩ-la ʋ sɩ bɩɩna dɩ ʋ ŋaa Babɩlɔŋ nɩaa tinteeŋ lɛ nɛ ŋ-la: Ba jaŋ kɛsɛ ba biiriŋ a lɛrɛ viiri. Ʋ jaŋ chei ba pʋsʋŋ dɩ-diiliŋ gbelem gbelem a tɩŋ ba wɩaa.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Luuk 1:34

Ŋɩɩ nɛ Mɛɛrɩ bʋla pɩ Wɩa tɩndaarʋ-la, “Mɩ ha bɩ baal jɩŋ. Ɛɛ nɛ saa wɩɩŋ deeŋ jaŋ wuo ŋaa?”

1 Kɔrɩntɩ Nɩaa 15:9

Yesu nanzɔɔba-la kala, mɩ nɛ paala ŋaa ba tʋɔŋ kʋbie. Ʋ paala bɩ maga dɩ ba kɛmmɛ kaa yɩrɛ Wɩa nanzɔɔ, bɛɛ wɩaa mɩ to naasɩŋ dɔgɩsɛ nɩalɩŋ sɩ laa Yesu wɩaa dii aa hilimi nɛ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

SƖPAALAARAA 6:11

Ŋɩɩ nɛ La TƖƖNA tɩndaara kʋ hɔŋ piine kʋbala bʋbʋɔŋ, a hɛ taŋ-la ba sɩɩ yɩrɛ Ɔfɩra lɛ. Abieza tɩɩna kʋbala ba sɩɩ yɩrɛ Jʋas nɛ fa tɩɩ tɩa-la. Nɩmɛ nɛ ʋ bie Gɩdɩɔŋ fa faa aa ŋmoo ʋ mɛmpɛ, lee-la ba sɩɩ chagɛ tɩɩnɛnɛɛ sɩnɩŋ, dɩ Midiaŋ tɩŋŋaa sɩ́ ʋ na.

1 SAMƲƐL 18:23

Ba bʋl wɩɩŋ deeŋ bʋlɩa bʋlɩa a pɩ Devit. Ŋɩɩ nɛ ʋ pɩɛsɛ, “Ma bɩɩna ʋ ŋaa wʋbie nɛ dɩ nʋʋ ŋaa kuoro hɩɩlɛ-baalaa? Mɩ ŋaa summu nɛ, nɩaa ma bɩ mɩ jɩŋ woruŋ.”

1 SAMƲƐL 9:21

Ŋɩɩ nɛ Sɔɔl bʋl, “Mɩ ŋaa Bɛnjamɩŋ doho nʋʋ nɛ, ʋ nɛ saa muuro Iziral doho doho-la kala tʋɔŋ. Mɩ nyɩŋ-nɩaa ma nɛ muuro Bɛnjamɩŋ doho nɩaa nyɩŋ-nɩaa kala tʋɔŋ. Bɛɛ nɛ saa tɩɩ ŋ bʋl wɩɩŋ deeŋ pɩpɩmɛ?”