SƖPAALAARAA 6:11 - WƖA TENIŊ

¹¹ Ŋɩɩ nɛ La TƖƖNA tɩndaara kʋ hɔŋ piine kʋbala bʋbʋɔŋ, a hɛ taŋ-la ba sɩɩ yɩrɛ Ɔfɩra lɛ. Abieza tɩɩna kʋbala ba sɩɩ yɩrɛ Jʋas nɛ fa tɩɩ tɩa-la. Nɩmɛ nɛ ʋ bie Gɩdɩɔŋ fa faa aa ŋmoo ʋ mɛmpɛ, lee-la ba sɩɩ chagɛ tɩɩnɛnɛɛ sɩnɩŋ, dɩ Midiaŋ tɩŋŋaa sɩ́ ʋ na.

SƖPAALAARAA 6:11 ပူးပေါင်းရင်းမြစ်များ

WƖAA DƖ-SUOMUŊ 16:7

Wɩa tɩndaara na Haga dɩ ʋ hɛ tintee-hɩlɩŋ lɛ a kpagɛ lɩɩ-bulo. Lɩɩ-bulo-la hɛ lee-la ba sɩɩ yɩrɛ Suu wombiiŋ nɛ.

WƖAA DƖ-SUOMUŊ 48:16

Dɩ Wɩa tɩndaarʋ-la sɩ lɩɩsɛmɛ mɩ wʋjʋʋlaa kala lɛ pɛ hambiisiŋ deemba lɛ, a leŋ dɩ mɩ yɩrɩŋ yɩrɛ, dɩ mɩ nyɩmma Abɩraham arɩ Aɩzɩk yɩrɩŋ ma yɩrɛ, a ŋaa dɩ ba pʋŋ a su tinteeŋ kala.”

1 KUOROO 19:19

Ŋɩɩ nɛ Ɩlaaja lɩɩ nɩmɛ a mʋ na Safat nanʋala Elaasa, dɩ ba kɛŋ nɛ-pɛrɛ bʋbʋɔ-bugoo fii arɩ balɩa a pɩpɛrɛ. Elaasa nɛ fa ŋaa fii arɩ balɩa tɩɩna a tuto ba harɩŋ. Ɩlaaja mʋ ʋ teeŋ a wuri ʋ gɛrɩ-balɩŋ a joŋo daŋ ʋ lɛ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

NAMBABA 26:30

Gɩlɩad biiriŋ nɛ ŋ-la: Ieza, ʋ nɛ kʋ ŋaa Ieza tɩŋŋaa gentine. Hɛlɛk, ʋ nɛ kʋ ŋaa Hɛlɛk tɩŋŋaa gentine.

Hiburu TƖŊŊAA 11:32

Wɩaa dɔnsʋŋ hɛ nɩmɛ mɩ fa ha sɩ jaŋ wuo bʋl. Ama chɩnɩŋ tuo dɩ mɩ bʋl nɩaa deemba wɩaa: Gɩdɩɔŋ, Barak, Samɩsɩŋ, Jɛfɩta, Devit, Samʋɛl arɩ Wɩa wʋlaabʋllaa wɩaa.

JOSUA 17:2

Manasɛ doho nɩkaanaa deemba ma fa kɛŋ kpaalɩŋ nɛ Jɔdaŋ fuo-la wɩɩjʋʋlʋŋ dɩɩrɩŋ: Abieza nyɩŋ-nɩaa, Hɛlɛk nyɩŋ-nɩaa, Asɩrɩɛl nyɩŋ-nɩaa, Sɛkɛm nyɩŋ-nɩaa, Hefa nyɩŋ-nɩaa arɩ Sɛmɩda nyɩŋ-nɩaa. Baala-la sɩ ŋaa Josɛf nanʋala Manasɛ doho nɩaa dɔnsʋŋ nɛ ŋɩɩ.

JOSUA 18:23

Avɩm, Para, Ɔfɩra,

SƖPAALAARAA 13:3

La TƖƖNA tɩndaarʋ kʋbala kɛŋ ʋ tɩtɩa kʋ dagɛ haal-la a bʋla pʋ, “Ŋ ŋaa hapɩrɩ nɛ a bɩ bii kɛnɛ, ama ŋ jaŋ kɛŋ luoruŋ a lʋl hambolibie.

SƖPAALAARAA 13:6

Ŋɩɩ nɛ haal-la mʋ bʋla pɩ ʋ bala, “Wɩa nʋʋ kʋbala nɛ kɔ mɩ teeŋ. Ʋ nagɛ Wɩa tɩndaarʋ nɛ, ʋ nagɩsɩŋ kɛŋ fawʋllʋŋ woruŋ. Mɩ bɩ ʋ pɩɛsa-na lee-la ʋ sɩ lɩa, ʋ ma bɩ ʋ yɩrɩŋ daga pɩmɛ.

SƖPAALAARAA 5:23

La TƖƖNA tɩndaara bʋl, ‘Kalɩba hɛ Mɛrɔzɩ nɩaa lɛ, kalɩba hɛ ba lɛ woruŋ, bɛɛ wɩaa, ba bɩ kʋ pɛ La TƖƖNA lɛ dɩ ʋ yuo dii ʋ dʋndɔmɔ-la sɩ dolie.’

SƖPAALAARAA 6:12

La TƖƖNA tɩndaarʋ-la sɩ kɛŋ ʋ tɩtɩa kʋ dagɛ Gɩdɩɔŋ, ʋ sɩ, “Laalɩyuori-babiibal, La TƖƖNA hɛ ŋ teeŋ nɛ.”

SƖPAALAARAA 8:2

Ama Gɩdɩɔŋ bʋla pɩba, “Wɩɩ-la mɩ sɩ ŋaa, nʋʋ jaŋ wuo kɛnʋ a magɩsɛ wɩalɩŋ ma sɩ ŋaa? Ma Efirem tɩŋŋaa sɩ ŋaa wʋbie-la nɛ paala kɩɩ wɩɩ-la mɩ nyɩŋ-nɩaa kala sɩ ŋaa.

SƖPAALAARAA 9:5

Ʋ sii kɛmba ba mʋ ʋ nyɩmma dɩa Ɔpɩra lɛ, a kpʋ ʋ nyɩmma Gɩdɩɔŋ hambolibiisi-la mahɩŋ batori arɩ fii kala sɩ ŋaa ʋ naambiiriŋ, tabɩɩ-bala nyuŋ. Ba tʋɔŋ kʋbie ba sɩɩ yɩrɛ Jotam dʋndʋŋa nɛ wuo faa, ʋ bɩ ʋ na.