SƖPAALAARAA 5:31 - WƖA TENIŊ

³¹ La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.

SƖPAALAARAA 5:31 ပူးပေါင်းရင်းမြစ်များ

2 SAMƲƐL 18:31

Kus tɩɩna-la ma kɔ a bʋl, “Kuoro, mɩ nɩhɩaŋ, nɩɩ wʋzɔŋ-la mɩ sɩ kaa kɔ. La TƖƖNA laaŋ ta nɛ jɩnɩŋ ŋ dʋndɔŋŋɔɔ kala nɩsɩŋ lɛ.”

2 SAMƲƐL 18:32

Ŋɩɩ nɛ kuoro bɩra pɩɛsʋ ma, “Ka Abɩsalɔm, wɩɩkala bɩ ʋ ŋaa?” Kus tɩɩna-la bʋl, “Mɩ fa jaŋ cho dɩ nɩalɩŋ kala sɩ ŋaa ŋ-na kuoro mɩ nɩhɩaŋ dʋndɔŋŋɔɔ arɩ nɩalɩŋ kala sɩ vɩaŋ aŋ yuyuoŋ, dɩ ba dɩdɛrɩŋ kala nagɛ bapʋɔsɩ-bie-la.”

2 SAMƲƐL 23:4

kuoru-la nagɛ taŋ sɩ pʋla leriŋ pʋllɛ nɛ, duoŋ-bɩlɩmbaaŋ kala tuo, a bɩra nagɛ duonuŋ sɩ nɩa yaŋ nyʋ.’

WƖA YƖƖLAA 19:6

Ʋ yie suomi wɩa-nyuŋ sɛmɛ dɔŋɔ, a vɛŋ ŋɩɩ deeŋ deeŋ a mʋ dɛrɛ sɛmɛ dɔŋɔ. Kʋŋkala bɩ jaŋ wuo faa dɩ ʋ wulumuŋ sɩ́ ʋ yi.

WƖA YƖƖLAA 20:8

Nɩdosunuŋ deemba jaŋ gɛrɛ tel, ama la-na jaŋ kɛŋ doluŋ a chɩŋ kpaŋkpaŋ.

WƖA YƖƖLAA 37:6

Ʋ jaŋ leŋ dɩ ŋ tʋɔpʋla chaanɛ a nagɛ taŋ sɩ pʋla, a leŋ dɩ ŋ wʋtɩtɩɩ ma nagɛ wɩɩhɛyɛ pʋlʋmʋŋ.

WƖA YƖƖLAA 89:36

Ʋ doho nɩaa nɛ jaŋ didii kuoruŋ bʋa na-kala. Mɩ sɩpaaŋ, ʋ kuoruŋ jaŋ chɩŋ a kaa mʋ wuu a nagɛ wɩɩpɔsʋŋ sɩ chɩŋ ŋɩɩ.

WƖA YƖƖLAA 89:37

Ʋ jaŋ chɩŋ kpaŋkpaŋ a kaa mʋ wuu, a nagɛ chɛnɛ sɩ ŋaa mɩ magɩlɩŋ a chɩŋ wɩa-nyuŋ ŋɩɩ.”

WƖA YƖƖLAA 91:14

Wɩa sɩ, “Nɩalɩŋ kala sɩ chomi, mɩ jaŋ laaba ta, mɩ jaŋ chu tɔ ba lɛ a tɩŋ ba sɩ jɩmmɛ wɩaa.

WƖA YƖƖLAA 92:10

Ŋ leŋe mɩ kɛŋ doluŋ a nagɛ baga nɛ-bele nɛ, a pɛ mɩ lɛ mɩ tʋɔŋ tɔrɛ.

WƖA YƖƖLAA 92:9

La TƖƖNA, la jɩma ŋ dʋndɔŋŋɔɔ jaŋ sʋʋ, ŋ dʋndɔŋŋɔɔ jaŋ lɛl, wʋbɔŋ ŋaaraa kala jaŋ pɩsɛ.

WƖA YƖƖLAA 97:10

La Tɩɩna cho nɩalɩŋ sɩ bɛrɛ wʋbɔŋŋɔɔ nɛ woruŋ, ʋ yie pɔ nɩalɩŋ sɩ laaʋ dii nɛ, a laaba tɩta nɩbɔŋŋɔɔ nɩsɩŋ lɛ.

WƖA YƖƖLAA 97:8

Zaayɔŋ nɩaa jaŋ nɩɩ a jʋɔsɛ dɩ Juda tabiisiŋ nɩaa ma tʋɔŋ tɔrɛ, a tɩŋ La Tɩɩna sɩ dii nɩaa sarɩya wɩaa.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

DANƖƐL 12:3

Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

Matiu 13:43

Tʋɔpʋl tɩŋŋaa-na jaŋ tʋtʋl a nagɛ wɩɩpɔsʋŋ sɩɩ tʋl ŋɩɩ ba Nyɩmma Wɩa kuorii-la tʋɔŋ. Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

MOSIS BƖRA WULLI WƖA WOMBIIŊ 6:5

Má kɛŋ ma tʋɔŋ arɩ ma wɩɩ-wɩɩkala a cho ma TƖƖNA Wɩa.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

SƖPAALAARAA 3:11

Ŋɩɩ nɛ tintee-la fɩɛlɛ yuosuŋ lɛ jɩsɩŋ mahɩŋ balɩa a mʋ yi bʋa-la lɛ Ofiniel sɩ sʋba.

SƖPAALAARAA 3:30

Tapʋlɩɩ-la Iziral tɩŋŋaa yuo dii Mʋab tɩŋŋaa nɛ, ŋɩɩ nɛ tintee-la fɩɛlɛ laalɩŋ lɛ jɩsɩŋ mahɩŋ banɛsɛ.