SƖPAALAARAA 5:23 - WƖA TENIŊ

²³ La TƖƖNA tɩndaara bʋl, ‘Kalɩba hɛ Mɛrɔzɩ nɩaa lɛ, kalɩba hɛ ba lɛ woruŋ, bɛɛ wɩaa, ba bɩ kʋ pɛ La TƖƖNA lɛ dɩ ʋ yuo dii ʋ dʋndɔmɔ-la sɩ dolie.’

SƖPAALAARAA 5:23 ပူးပေါင်းရင်းမြစ်များ

NƐHƖMAAYA 3:5

Tɛkʋa tɩŋŋaa ma nɛ wasa saa lee-la sɩ tɩga. Ama ba nɩbalaa vɩa dɩ ba tɩŋ tɩntɩmɩɩ-la nɩalɩŋ sɩ bemba ba tɩtɩŋ sɩ dagɛba nɛ.

WƖA YƖƖLAA 94:16

Kʋbɛɛ nɛ jaŋ sii chɩŋ mɩ harɩŋ dɩ la yuo nɩbɔŋŋɔɔ? Kʋbɛɛ nɛ jaŋ chɩna pɛ mɩ lɛ dɩ la yuo wʋbɔŋ ŋaaraa?

JƐRƖMAAYA 48:10

Ŋmɩaŋ jaŋ dii nɩɩ-la kala sɩ bɩ ʋ tʋɔ-kala kaa tɩtɩŋ mɩ-na ma TƖƖNA tɩntɩŋŋaa. Ŋmɩaŋ jaŋ dii nɩɩ-la kala sɩ vɩa dɩ ʋ kpʋ Mʋab tɩŋŋaa.

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Rom Tɩŋŋaa 15:18

Mɩ bɩ nyuduoŋ kɛnɛ dɩ mɩ bʋl wɩɩ dɔŋ kala, see tɩntɩmɩɩ-la Kirisito sɩ pɛ mɩ lɛ mɩ tɩŋ, a wuo leŋ nɩalɩŋ sɩ bɩ Juu tɩŋŋaa ŋaa kʋ to Wɩa niiŋ. Wɩalɩŋ mɩ sɩ bʋla arɩ wɩalɩŋ mɩ sɩ ŋaa,

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

SƖPAALAARAA 13:3

La TƖƖNA tɩndaarʋ kʋbala kɛŋ ʋ tɩtɩa kʋ dagɛ haal-la a bʋla pʋ, “Ŋ ŋaa hapɩrɩ nɛ a bɩ bii kɛnɛ, ama ŋ jaŋ kɛŋ luoruŋ a lʋl hambolibie.

SƖPAALAARAA 2:1

Ŋɩɩ nɛ Wɩa tɩndaara lɩɩ Gɩlɩgal lɛ a mʋ Bokim a bʋla pɩ Iziral tɩŋŋaa, “Mɩ kɛmma lɩɩ Ijipiti tinteeŋ lɛ nɛ, a kɛmma kaa mʋ tintee-la mɩ sɩ hɛ niiŋ arɩ mɩ jaŋ joŋo pɩ ma naabalɩmaba. Mɩ sɩ, ‘Mɩ bɩ jaŋ kɔ dɩ mɩ leŋe dɩ niiŋ deeŋ birigi.

SƖPAALAARAA 21:5

Ŋɩɩ nɛ Iziral tɩmma-la pɩɛsɛ, “La tʋɔŋ nyɩŋ bɛɛ nɩaa nɛ bɩ kʋ hilimi La TƖƖNA sɩpaaŋ Mɩzɩpa lɛ?” Ba fa ŋmɩɛsa nɛ arɩ nʋʋkala nɛ vɩa dɩ ʋ kʋ hilimi La TƖƖNA sɩpaaŋ, ʋ maga dɩ ba kpʋʋ nɛ.

SƖPAALAARAA 21:8

Ba bɩra pɩɛsɛ, “Nyɩŋ bɛɛ nɩaa nɛ vɩa a bɩ kʋ hilimi La TƖƖNA sɩpaaŋ Mɩzɩpa lɛ?” Ŋɩɩ nɛ ba bee na arɩ Jabɛs Gɩlɩad nɩaa nɛ bɩ kɔ.

SƖPAALAARAA 4:6

Ŋɩɩ nɛ ʋ tɩma yɩrɛ Abɩnʋam nanʋala Barak sɩ lɩɩ Kɛdɛs sɩ hɛ Nafɩtalɩ tinteeŋ lɛ, ʋ kɔ ʋ bʋla pʋ, “La TƖƖNA Iziral tɩŋŋaa Wɩa sɩ, ‘Mʋ tʋɔsɛ nɩaa bʋɩ fii Nafɩtalɩ arɩ Zebuluŋ doho nɩaa tʋɔŋ a laa ba sɩpaaŋ dɩ ma mʋ peel-la ba sɩɩ yɩrɛ Tabɔ.

SƖPAALAARAA 5:13

Ŋɩɩ nɛ nɩkaana-la mɩɩra kɔ ba sɩpaalaaraa teeŋ, La TƖƖNA nɩalɩŋ mɩɩra kɔ mɩ teeŋ nɛ arɩ nɩduoruŋ a ŋaa siri dɩ ba yuo.

SƖPAALAARAA 6:11

Ŋɩɩ nɛ La TƖƖNA tɩndaara kʋ hɔŋ piine kʋbala bʋbʋɔŋ, a hɛ taŋ-la ba sɩɩ yɩrɛ Ɔfɩra lɛ. Abieza tɩɩna kʋbala ba sɩɩ yɩrɛ Jʋas nɛ fa tɩɩ tɩa-la. Nɩmɛ nɛ ʋ bie Gɩdɩɔŋ fa faa aa ŋmoo ʋ mɛmpɛ, lee-la ba sɩɩ chagɛ tɩɩnɛnɛɛ sɩnɩŋ, dɩ Midiaŋ tɩŋŋaa sɩ́ ʋ na.

SƖPAALAARAA 8:5

Dɩ taŋ-la ba sɩɩ yɩrɛ Sʋkɔf kpagɛ nɩmɛ. Gɩdɩɔŋ mʋ a bʋla pɩ Sʋkɔf nɩaa, “Má pɩ mɩ laalɩyuoro-la kʋdiilee mʋa, ba lɔlɔ nɛ, ka mɩ haa kikiri Zɛba arɩ Zalɩmʋna sɩ ŋaa Midiaŋ tɩŋŋaa kuoroo.”

SƖPAALAARAA 8:6

Ŋɩɩ nɛ Sʋkɔf tɩŋŋaa nɩhɩasɩŋ pɩɛsɛ, “Ŋ ha bɩ Zɛba arɩ Zalɩmʋna kɛsɛ, bɛɛ nɛ saa tɩɩ ŋ chɩchɛ dɩ la pɩ ŋ laalɩyuoroo kʋdiilee?”

SƖPAALAARAA 8:8

Nɩmɛ nɛ ʋ lɩɩ, a joŋo mʋ taŋ-la ba sɩɩ yɩrɛ Pɛnɩɛl, a sʋl kʋdiilee ba ma teeŋ. Ba ma bʋl wɩɩ-la tɩtɩa Sʋkɔf nɩaa fa sɩ bʋla.

1 SAMƲƐL 17:47

Nɩalɩŋ kala sɩ hɛ daha jaŋ jɩŋ arɩ tokobiiŋ koo timiŋ dee La TƖƖNA kaa laa nɩaa tɩta. La TƖƖNA nɛ yie yuo didii ʋ dʋndɔŋŋɔɔ, ʋ jaŋ joŋ ma kala a hɛ la nɩsɩŋ lɛ.”

1 SAMƲƐL 18:17

Tapʋlɩɩ kʋbala Sɔɔl bʋla pɩ Devit, “Na mɩ tol-hɩaŋ Mɛrab nɛ ŋ-la, mɩ jaŋ joŋo pɩŋ dɩ ŋ jaa. Ŋ-na kɛŋ bɔɩ-duoŋ a to mɩ niiŋ a yuo La TƖƖNA laalɩŋ.” Sɔɔl bʋla ʋ tʋɔŋ lɛ, “Mɩ-na bɩ jaŋ ŋaaʋ wɩɩkala, Fɩlɩsɩtɩa tɩŋŋaa nɛ jaŋ kpʋʋ pɩmɛ.”

1 SAMƲƐL 25:28

Mɩɩ sʋlʋŋ, joŋo chɛmɛ dɩ mɩ nɛ bʋl wɩaa yʋyʋgɛ. La TƖƖNA jaŋ leŋ dɩ mɩ nɩhɩaŋ arɩ ʋ dɩa nɩaa nɛ didii kuoruŋ wuu, bɛɛ wɩaa La TƖƖNA laalɩŋ nɛ ʋ yuyuo. A leŋ dɩ ŋ mɩɩsɩŋ kala lɛ, ŋ sɩ́ wʋbɔŋ ŋaa.

1 SAMƲƐL 26:19

Mɩɩ sʋlʋŋ mɩ nɩhɩaŋ, jegile nɩɩ wɩalɩŋ mɩ sɩɩ chɛ mɩ bʋl. Dɩ La TƖƖNA nɛ sɩ dɩ ŋ chɩŋ mɩ lɛ, ŋɩɩ-na ʋ laa mɩ Wɩɩsʋlʋŋ kɩaa. Ama dɩ nuhuobiinee nɛ leŋe ŋ chɩŋ mɩ lɛ, dɩ La TƖƖNA ŋmɩaŋ diiba. Ba kirimi ta tinteeŋ sɩ ŋaa La TƖƖNA kʋŋ lɛ nɛ a bʋl, ‘Mʋ a tuto vesiŋ.’