SƖPAALAARAA 5:22 - WƖA TENIŊ

²² Ŋɩɩ nɛ ʋ janɩŋ fɩfɩl a yɩyagɛ tinteeŋ arɩ ba naasɩŋ.

SƖPAALAARAA 5:22 ပူးပေါင်းရင်းမြစ်များ

JOB 39:19

Ŋ nɛ pɩ jaaba doluŋ koo ŋ nɛ pʋ gbɛsɛ-la sɩ hɛ ʋ baŋŋaa lɛ a bibiegi?

WƖA YƖƖLAA 20:7

Nɩaa dɔnsʋŋ joŋ ba yɩɛlaa hɛ ba laalɩyuori janɩŋ torukoba arɩ ba janɩŋ doluŋ lɛ nɛ, ama la-na joŋ la yɩɛlaa kala hɛ La Tɩɩna Wɩa lɛ nɛ.

WƖA YƖƖLAA 33:17

Ŋ bɩ jaŋ wuo joŋ ŋ yɩɛlaa hɛ laalɩyuori janɩŋ lɛ dɩ ba laaŋ ta. Ba doluŋ cho dɩ ba magɛ ŋɩɩ kala ma, ba bɩ jaŋ wuo laaŋ ta.

AZAAYA 5:28

Ba to-hɛŋŋɛɛ kɛŋ niiŋ nɛ woruŋ, ba kɛŋ ba tɩtɩa hɛ dɔŋɔ nɛ dɩ ba yuo ba tosuŋ, ba janɩŋ naachɛŋŋɛɛ ma dolie a nagɛ naŋkpachɩllɩŋ nɛ, ba janɩŋ torukoba ma fɩfá a nagɛ pel-vinvilimiŋ.

JƐRƖMAAYA 47:3

dɩ ba nɛ nɩɩ janɩŋ naasɩŋ dɔmɔ, dɩ ba nɛ nɩɩ ba dʋndɔŋŋɔɔ laalɩŋ janɩŋ torukoba dɔmɔ, arɩ ba gɩrɩŋgɩrɩmba dɔmɔ. Nyɩmmaba bɩ jaŋ pɛ ba biiriŋ lɛ, ba nɩsaa jaŋ sʋʋ mɛrɛ ba sɛsɩŋ lɛ.

JƐRƖMAAYA 47:4

Bʋa-la yie nɛ dɩ ba chei Fɩlɩsɩtɩa tɩŋŋaa, aŋ kpʋ nɩalɩŋ sɩ ka, nɩalɩŋ sɩ jaŋ wuo pɛ Taaya arɩ Sɩdɔŋ lɛ. La TƖƖNA ŋaa siri nɛ dɩ ʋ chei Fɩlɩsɩtɩa tɩŋŋaa, Kafɩtɔ fuoŋ-niiŋ nɩkaana-la.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

ƐZƖKƖƐL 27:14

Ŋ dɩ taŋ-la ba sɩɩ yɩrɛ Bɛf Togaama tɩŋŋaa ma dii yɔbɔ nɛ. Ba joŋ janɩ-la ba sɩ kaa tɩtɩŋ arɩ ba laalɩŋ janɩŋ arɩ kakusuŋ a lenni ŋ bayal kɩaa.

MƖKA 4:13

Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”