SƖPAALAARAA 5:2 - WƖA TENIŊ

² “Má dɛnnɛ La TƖƖNA! Iziral sɩpaalaaraa kɔ nɛ a laa sɩpaaŋ, nɩalɩŋ ma sɛɩ a to ba harɩŋ.

SƖPAALAARAA 5:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 17:16

Zikiri nanʋala Amasɩa ma nɛ tɩga, ʋ-na tɩtɩa tʋɔtɔrʋŋ lɛ nɛ ʋ sɛɩ dɩ ʋ tɩma pɩ La TƖƖNA, ʋ ma faa beŋ laalɩyuoroo bʋɩ zɔɔ-balɩa nɛ.

NƐHƖMAAYA 11:2

Ŋɩɩ nɛ nɩaa bɛsɛ nɩalɩŋ sɩ kɛŋ ba tɩtɩa lɩɩ a sɛɩ arɩ ba jaŋ hɔŋ Jerusalɛm lɛ.

WƖA YƖƖLAA 103:2

Mɩɩ dɛnnɛ La Tɩɩna nɛ arɩ mɩ tʋɔŋ kala. Mɩ bɩ jaŋ yʋ wʋzɔmɔ-la kala ʋ sɩ ŋaa pɩmɛ.

WƖA YƖƖLAA 110:3

Tapʋlɩɩ-la ŋ sɩ jaŋ yuo ŋ dʋndɔŋŋɔɔ, ŋ nɩaa jaŋ kɛŋ ba tɩtɩa kʋ lɩɩ ŋ harɩŋ a kpɩɛrɛ ba tɩtɩa. Ŋ bapʋɔsɛ biisi-la jaŋ kɔ ŋ teeŋ peel-la ŋ sɩ lɩɩsa pɩ ŋ tɩtɩa nyuŋ.

WƖA YƖƖLAA 136:15

Ʋ nɛ leŋe Mʋgʋ-fɩaŋ-la lɩɩŋ tɔ Ijipiti tinteeŋ kuoro arɩ ʋ laalɩyuoroo kala ba sʋʋ. Ʋ chonuŋ bɩ dɛrɛ.

WƖA YƖƖLAA 18:47

Ŋ nɛ Wɩa a laa mɩ dʋndɔŋŋɔɔ yuo pɩmɛ, a joŋ tinteyee nɩaa pɩmɛ mɩ bibeŋ.

WƖA YƖƖLAA 48:11

Nɩalɩŋ sɩ hɛ peel-la ba sɩɩ yɩrɛ Zaayɔŋ lɛ tʋɔŋ jaŋ tɔrɛ, dɩ Juda tabiisiŋ ma kala nɩaa tʋɔŋ tɔrɛ a tɩŋ ŋ sɩ kɛŋ wʋtɩtɩɩ a didii sarɩya wɩaa.

WƖA YƖƖLAA 94:1

La Tɩɩna, ŋ nɛ Wɩa sɩ yie dɔgɩsɛ nɩalɩŋ wʋŋaalaa sɩ bɩ zɔŋ. Dagɛba ŋɩɩ ŋ baanɩŋ sɩ naga, aŋ dɔgɩsɛba.

WƖA YƖƖLAA 97:8

Zaayɔŋ nɩaa jaŋ nɩɩ a jʋɔsɛ dɩ Juda tabiisiŋ nɩaa ma tʋɔŋ tɔrɛ, a tɩŋ La Tɩɩna sɩ dii nɩaa sarɩya wɩaa.

1 Kɔrɩntɩ Nɩaa 9:17

Dɩ mɩ nɛ faa bʋl Wɩa wʋzɔmɔ-la mɩ tɩtɩa tʋɔtɔrʋŋ lɛ, ŋɩɩ nɛ mɩ fa jaŋ chɩchɛ dɩ mɩ laa time. Ama mɩ tɩtɩa tʋɔtɔrʋŋ lɛ dee mɩ tɩtɩŋ, Wɩa nɛ sɩ mɩ tɩŋ.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.

2 Kɔrɩntɩ Nɩaa 9:7

Nʋʋkala magɛ dɩ ʋ tɩa magɛ ŋɩɩ ʋ tʋɔbɩɩnaa sɩ daga nɛ. Ʋ bɩ maga dɩ ʋ ŋaa saka saka. Ʋ bɩ maga dɩ ʋ bɩɩnɛ arɩ baa fʋgʋ nɛ dɩ ʋ pɩ kɩalɩŋ. Nʋʋkala maga dɩ ʋ tɩa kɩaa ʋ tʋɔtɔrʋŋ lɛ nɛ, bɛɛ wɩaa Wɩa cho nɩɩ-la sɩɩ pa arɩ tʋɔtɔrʋŋ nɛ.

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.

MOSIS BƖRA WULLI WƖA WOMBIIŊ 33:21

Ʋ lɩɩsɛ tinteeŋ lee-la sɩ faasa zɔŋ nɛ ʋ ŋaa ʋ kʋa. Sɩpaalaaraa kpaalɩŋ nɛ ʋ tɩɩ. Dɩ Iziral tɩŋŋaa sɩpaalaaraa nɛ kʋ hilimi, ʋ yie ŋaa wɩalɩŋ sɩɩ tɔrɛ La TƖƖNA tʋɔŋ nɛ aŋ dii Iziral tɩŋŋaa sarɩya ʋ bʋa lɛ.”

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Fɩlɩmɔŋ 1:14

Ama mɩ bɩ chɛ dɩ mɩ fʋgʋŋ dɩ ŋ pɛ mɩ lɛ. Mɩɩ chɛ dɩ ŋ to ŋ tɩtɩa tʋɔtɔrʋŋ lɛ nɛ a pɛ mɩ lɛ. Ŋɩɩ wɩaa mɩ bɩ jaŋ ŋaa wɩɩkala see dɩ ŋ sɛyɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

SƖPAALAARAA 5:9

Mɩɩ dɛnnɛ La TƖƖNA, mɩ tʋɔŋ tɔrɛ Iziral laalɩyuoroo sɩpaalaara-la nyuŋ arɩ laalɩyuoro-la sɩ sɛyɛ a kɛŋ ba tɩtɩa kʋ lɩɩ dɩ ba yuo laalɩŋ.