SƖPAALAARAA 4:3 - WƖA TENIŊ

³ A tɩŋ Jabɩŋ fa sɩ kɛŋ hɔɔŋ janɩŋ torukoba zɔlɔ nibi, ʋ chaasa dɔgɩsɛ Iziral tɩŋŋaa woruŋ jɩsɩŋ mara, ba yele pɩ La TƖƖNA dɩ ʋ pɛ ba lɛ.

SƖPAALAARAA 4:3 ပူးပေါင်းရင်းမြစ်များ

WƖA YƖƖLAA 106:42

Ba dʋndɔmɔ-la chaasa dɔgɩsɛba nɛ woruŋ, aŋ leŋ ba tuto ba niiŋ.

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 78:34

Dɩ Wɩa nɛ kpʋ ba dɔnsʋŋ bʋa na-kala, nɩkaana-la yie mɩɩra chɛ ʋ leriŋ nɛ, a bɩrɩma lɩɩ ba wʋbɔŋŋɔɔ lɛ.

MOSIS KƐŊ IZIRAL TƖŊŊAA LƖƖ 2:23

Mosis hɛ Midiaŋ tinteeŋ lɛ ŋɩɩ nɛ halɩɩ, Ijipiti tinteeŋ kuoro kʋ sʋʋ, ka Iziral tɩŋŋaa ha ŋmuŋmoo niiŋ a tɩŋ yoŋ tɩntɩmɩa-la ba sɩɩ tɩŋ Ijipiti tinteeŋ lɛ. Ŋɩɩ nɛ Wɩa nɩɩ ba yele.

MOSIS BƖRA WULLI WƖA WOMBIIŊ 28:29

Ma jaŋ gɔllɔ laarɛ wɩɩhɛyɛ a nagɛ nyʋlɩma, aŋ bɩ jaŋ na wɛnɩŋ. Ma wɩɩkala bɩ jaŋ kɔ dɩ ʋ wasa. Tapʋlɩɩ-kala nɩaa jaŋ dʋdɔgɩsɛma a kɛŋ ma kɩaa lɩlaa, aŋ ka nʋʋ tuo dɩ ʋ laama ta.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

JOSUA 17:16

Ŋɩɩ nɛ Josɛf doho nɩalɩŋ ma bʋl, “Efirem tintee-la peelee sɩ yʋga bɩ yʋgɛ a pɩla, Kɛnaŋ tɩmma-la sɩ hɛ tintee-taalɩsɩ-la lɛ, ba kɛŋ hɔɔŋ janɩŋ torukoba nɛ, ba dɩ nɩalɩŋ sɩ hɛ Bɛf Saŋ lɛ arɩ tasɩ-la kala sɩ golliba a chu arɩ nɩalɩŋ sɩ hɛ Jɛzɩrɛl fuonaa-la lɛ kala.”

SƖPAALAARAA 1:19

La TƖƖNA fa chɩŋ Juda doho nɩaa harɩŋ nɛ, ŋɩɩ nɛ ba yuo laa tintee-la peelee sɩ yʋga. Ama ba fa bɩ wuo kiri nɩalɩŋ-na sɩ hɛ tintee-taalɩ-la lɛ, bɛɛ wɩaa nɩalɩŋ fa kɛŋ laalɩŋ janɩŋ torukoba ba sɩ kɛŋ hɔɔnʋŋ ŋaa nɛ.

SƖPAALAARAA 10:10

Ŋɩɩ nɛ Iziral tɩŋŋaa ŋmoo niiŋ a pɩ La TƖƖNA, a bʋl, “La ŋaa wʋbɔŋ nɛ ŋ teeŋ, la sɩ vɩa la Wɩa aŋ tuto vesi-la ba sɩɩ yɩrɛ Baal.”

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

SƖPAALAARAA 3:15

Iziral tɩŋŋaa bɩra yele pɩ La TƖƖNA dɩ ʋ pɛ ba lɛ. Ʋ pɩba nʋʋ sɩ jaŋ laaba ta. Ehud nɛ ʋ fa lɩɩsa pɩba. Ehud fa ŋaa gɛlɛ tɩɩna nɛ. Ʋ nyɩmma nɛ fa Gɛra a ŋaa Bɛnjamɩŋ doho nʋʋ. Ŋɩɩ nɛ Iziral tɩŋŋaa tɩŋ Ehud dɩ ʋ kɛŋ kɩaa mʋ tiŋ lampoo pɩ Mʋab kuoro Ɛgɩlɔŋ.

SƖPAALAARAA 3:9

Ŋɩɩ nɛ Iziral tɩŋŋaa yele pɩ La TƖƖNA dɩ ʋ pɛ ba lɛ. Ʋ lɩɩsɛ Kenas nanʋala Ofiniel ʋ laaba ta. Kenas fa ŋaa Kalɩb ŋaana nɛ.

SƖPAALAARAA 4:13

Sɩsɛra sii kɛŋ ʋ hɔɔŋ janɩŋ torukoba-la zɔlɔ nibi arɩ ʋ laalɩyuoroo kala, ba lɩɩ Harɔsɛf Hagoyim lɛ a mʋ Kɩsɔŋ fuo-la.

SƖPAALAARAA 4:4

Lapɩdɔf haala Debora sɩ ŋaa Wɩa wʋlaabʋllʋ nɛ fa ŋaa Iziral tɩŋŋaa sɩpaalaara bʋa-la lɛ.

SƖPAALAARAA 5:8

Iziral tɩŋŋaa sɩ kʋʋ to vesiŋ, laalɩŋ kʋ jʋʋba nɛ. Iziral nɩaa bʋɩ mahɩŋ balɩa tʋɔŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ koo timiŋ kʋbala ma fa tuo ba teeŋ.

SƖPAALAARAA 6:6

Midiaŋ tɩmma-la chaasa hɛ Iziral tɩŋŋaa sunnuŋ lɛ nɛ kɩŋkɛŋ, ba ŋmoo niiŋ a pɩ La TƖƖNA dɩ ʋ pɛ ba lɛ.

1 SAMƲƐL 7:8

Ba bʋla pɩ Samʋɛl, “Ŋ sɩ bunso pɩpɩ La TƖƖNA Wɩa dɩ ʋ pɛ la lɛ ŋɩɩ, sɩ́ leŋ. Sʋlʋ dɩ ʋ laala ta Fɩlɩsɩtɩa tɩŋŋaa nɩsɩŋ lɛ.”