SƖPAALAARAA 4:14 - WƖA TENIŊ

¹⁴ Ŋɩɩ nɛ Debora bʋla pɩ Barak, “Jɩnɩŋ La TƖƖNA joŋ Sɩsɛra a hɛ ŋ nɩsɩŋ lɛ nɛ, ŋɩɩ wɩaa mʋ! La TƖƖNA paala laa ŋ sɩpaaŋ a mʋ nɛ dɩ ʋ yuou pɩŋ.” Barak sii peel-la ba sɩɩ yɩrɛ Tabɔ nyuŋ a tuu, ʋ laalɩyuoroo bʋɩ fii ma to ʋ harɩŋ.

SƖPAALAARAA 4:14 ပူးပေါင်းရင်းမြစ်များ

WƖAA DƖ-SUOMUŊ 19:14

Ŋɩɩ nɛ Lɔt lɩɩ bʋla pɩ nɩalɩŋ fa sɩɩ chɛ dɩ ba jaa ʋ toloo, “Má sii a ŋaa dee dee a lɩɩ taŋ deeŋ lɛ, bɛɛ wɩaa La TƖƖNA ka chɛ ʋ chei tabalɩŋ deeŋ nɛ.” Ama ba fa bɩɩna Lɔt faa gbieli nɛ.

WƖAA DƖ-SUOMUŊ 44:4

Nɩalɩŋ sɩ lɩa, ba ha bɩ dɩ-bolii mʋa, ka Josɛf tiŋ ʋ dɩa tɩntɩnna a bʋl, “Kiri nɩalɩŋ harɩŋ lɩma. Dɩ ŋ nɛ puuba, pɩɛsɛ ba, ‘Bɛɛ nɛ tɩɩ ma joŋ wʋbɔmʋŋ tiŋ wʋzɔmʋŋ lɛ?

2 SAMƲƐL 5:24

Dɩ ŋ nɛ kʋ nɩɩ laalɩyuoroo naasɩŋ dɔmɔ tʋrʋsʋ-la nyuŋ, guu mʋ, bɛɛ wɩaa ŋɩɩ daga arɩ mɩ-na ma TƖƖNA laa ŋ sɩpaaŋ mʋ nɛ dɩ mɩ yuo dii Fɩlɩsɩtɩa tɩŋŋaa laalɩyuoro-la.”

AZAAYA 52:12

Má sɩ́ pese lɩɩ, nʋʋ dee bɩ ma ka kiri. La TƖƖNA jaŋ hɛ ma sɩpaaŋ, Iziral Wɩa jaŋ hɛ ma harɩŋ a pɔma.

MƖKA 2:13

Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

JOSUA 7:13

Mʋ a pɩɩsɛ nɩalɩŋ disiniŋ ta, ka dɩ ba kɛŋ ba tɩtɩa hɛ dɔŋɔ a kɔ mɩ sɩpaaŋ chie. Mɩ-na ma TƖƖNA Iziral Wɩa kɛŋ wɩɩ nɛ dɩ mɩ bʋla pɩma. Kɩalɩŋ mɩ sɩ sɩ ma chei dɔnsʋŋ hɛ ma dʋa tʋɔŋ nɛ. Ŋɩɩ wɩaa ma bɩ jaŋ wuo yuo dii ma dʋndɔŋŋɔɔ, see dɩ ma chaarɛ kɩalɩŋ ta.

SƖPAALAARAA 19:28

Baal-la bʋla pɩ ʋ haala, “Sii dɩ la viiri.” Ama haal-la bɩ wɩɩkala bʋla. Ʋ sʋba nɛ ŋɩɩ. Ŋɩɩ nɛ ʋ joŋu a sagɛ ʋ kakumo lɛ a kɛnʋ mʋ dɩa.

SƖPAALAARAA 4:10

Barak yɩrɛ Zebuluŋ doho nɩaa laalɩyuoroo arɩ Nafɩtalɩ doho nɩaa laalɩyuoroo ba mʋ taŋ-la ba sɩɩ yɩrɛ Kɛdɛs. Nɩaa bʋɩ fii nɛ fa to ʋ harɩŋ a mʋ, Debora ma to mʋ.

SƖPAALAARAA 7:9

Tɩtaŋɩŋ La TƖƖNA bʋla pɩ Gɩdɩɔŋ, “Má sii tuu yuo Midiaŋ tɩmma-la ba dɩhɔnʋŋ. Mɩ jaŋ jomba hɛ ma nɩsɩŋ lɛ.

1 SAMƲƐL 9:26

Ba sɩ sii chʋchʋɔ-fɩɛla, Samʋɛl yɩrɛ Sɔɔl lusu-la nyuŋ a bʋl, “Kɛŋ ŋ tɩtɩa hɛ dɔŋɔ dɩ mɩ kɛnɩŋ lɩɩ hɛ wombiiŋ lɛ.” Sɔɔl sɩ kɛŋ ʋ tɩtɩa hɛ dɔŋɔ, ʋ dɩ Samʋɛl kala to dɔŋɔ a lɩɩ dɩ-jalɩŋ.