SƖPAALAARAA 3:9 - WƖA TENIŊ

⁹ Ŋɩɩ nɛ Iziral tɩŋŋaa yele pɩ La TƖƖNA dɩ ʋ pɛ ba lɛ. Ʋ lɩɩsɛ Kenas nanʋala Ofiniel ʋ laaba ta. Kenas fa ŋaa Kalɩb ŋaana nɛ.

SƖPAALAARAA 3:9 ပူးပေါင်းရင်းမြစ်များ

NƐHƖMAAYA 9:27

Ŋɩɩ nɛ ŋ jomba hɛ ba dʋndɔŋŋɔɔ nɩsɩŋ lɛ, ba dɔgɩsɛba. Ama ba sɩ dɔgɩsɛba, ba yele pɩŋ nɛ. Ŋ hɛ ŋ jaŋ lɛ nɛ aŋ nɩɩ, a tɩŋ ŋ sɩ faasa fɩfá nɩaa nenige wɩaa, ŋ pɩba laataaraa nɛ, ba laaba ta ba dʋndɔmɔ-la nɩsɩŋ lɛ.

WƖA YƖƖLAA 22:5

Ba sɩ ŋmoo niiŋ pɩŋ dɩ ŋ pɛ ba lɛ, ŋ jegile nɩɩ nɛ a laaba ta. Ba sɩ laaŋ dii, ŋ bɩ leŋe hɩɩsɩŋ diiba.

WƖA YƖƖLAA 78:34

Dɩ Wɩa nɛ kpʋ ba dɔnsʋŋ bʋa na-kala, nɩkaana-la yie mɩɩra chɛ ʋ leriŋ nɛ, a bɩrɩma lɩɩ ba wʋbɔŋŋɔɔ lɛ.

JOSUA 15:17

Ŋɩɩ nɛ Kalɩb naambie Ofiniel sɩ ŋaa Kɛnas nanʋala yuo dii taŋ-la. Kalɩb fa joŋ ʋ tolo-la a pʋ ʋ jaa.

SƖPAALAARAA 1:13

Ŋɩɩ nɛ Kalɩb ŋaana Kɛnas, ʋ nanʋala Ofiniel yuo dii taŋ-la. Kalɩb joŋ tolo-la a pʋ ʋ jaa.

SƖPAALAARAA 10:10

Ŋɩɩ nɛ Iziral tɩŋŋaa ŋmoo niiŋ a pɩ La TƖƖNA, a bʋl, “La ŋaa wʋbɔŋ nɛ ŋ teeŋ, la sɩ vɩa la Wɩa aŋ tuto vesi-la ba sɩɩ yɩrɛ Baal.”

SƖPAALAARAA 2:16

Ŋɩɩ nɛ La TƖƖNA lɩɩsɛ sɩpaalaaraa pɩ Iziral tɩŋŋaa, ba laaba ta laalɩyuoro-la sɩ yuo didiiba nɩsɩŋ lɛ.

SƖPAALAARAA 2:18

Bʋa na-kala dɩ La TƖƖNA nɛ lɩɩsɛ sɩpaalaara pɩba, ʋ yie chɩŋ sɩpaa-laarʋ-la harɩŋ nɛ, a lɩɩsɛ Iziral tɩŋŋaa ba dʋndɔŋŋɔɔ nɩsɩŋ lɛ sɩpaa-laarʋ-la mɩɩsɩŋ kala lɛ. Bʋa na-kala dɩ ba dʋndɔŋŋɔɔ nɛ dɔgɩsɛba dɩ ba na hɛɛŋ a yele pʋ, ʋ yie fá ba nenige nɛ a laaba ta.

SƖPAALAARAA 3:15

Iziral tɩŋŋaa bɩra yele pɩ La TƖƖNA dɩ ʋ pɛ ba lɛ. Ʋ pɩba nʋʋ sɩ jaŋ laaba ta. Ehud nɛ ʋ fa lɩɩsa pɩba. Ehud fa ŋaa gɛlɛ tɩɩna nɛ. Ʋ nyɩmma nɛ fa Gɛra a ŋaa Bɛnjamɩŋ doho nʋʋ. Ŋɩɩ nɛ Iziral tɩŋŋaa tɩŋ Ehud dɩ ʋ kɛŋ kɩaa mʋ tiŋ lampoo pɩ Mʋab kuoro Ɛgɩlɔŋ.

SƖPAALAARAA 3:8

La TƖƖNA baanɩŋ sii Iziral tɩŋŋaa nyuŋ, ʋ jomba hɛ Aram Naharem tɩŋŋaa kuoru kʋbala ba sɩɩ yɩrɛ Kusaŋ-Risatem nɩsɩŋ lɛ. Iziral tɩŋŋaa fa hɛ kuoro deeŋ nɩsɩŋ lɛ jɩsɩŋ chori nɛ.

SƖPAALAARAA 4:3

A tɩŋ Jabɩŋ fa sɩ kɛŋ hɔɔŋ janɩŋ torukoba zɔlɔ nibi, ʋ chaasa dɔgɩsɛ Iziral tɩŋŋaa woruŋ jɩsɩŋ mara, ba yele pɩ La TƖƖNA dɩ ʋ pɛ ba lɛ.

SƖPAALAARAA 6:7

Iziral tɩŋŋaa sɩ ŋmoo niiŋ a pɩ La TƖƖNA, a tɩŋ Midiaŋ tɩmma-la wɩaa,

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’