SƖPAALAARAA 3:7 - WƖA TENIŊ

⁷ Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ, ba yʋ La TƖƖNA wɩaa aŋ tuto vesi-la ba sɩɩ yɩrɛ Baal arɩ Asɩra.

SƖPAALAARAA 3:7 ပူးပေါင်းရင်းမြစ်များ

1 KUOROO 16:33

Ahab fa pɛ veŋ-haal-la ma ba sɩɩ yɩrɛ Asɩra daaŋ nɛ. Ʋ chaasa ŋaa wʋbɔŋŋɔɔ nɛ woruŋ La TƖƖNA Iziral tɩŋŋaa Wɩa teeŋ, a leŋ ʋ baanɩŋ sii a kɩɩ Iziral kuorusu-la sɩ laa sɩpaaŋ ʋ lɛ.

1 KUOROO 18:19

Lɛɛlɛ mʋ yɩrɛ Iziral nɩaa kala dɩ ba kʋ chemmi peel-la ba sɩɩ yɩrɛ Kamɛl nyuŋ. Pɛ kɛŋ Baal veŋ-kpaaraa zɔɔ-banɛsɛ arɩ mahɩŋ balɩa arɩ fii arɩ veŋ-haal-la ba sɩɩ yɩrɛ Asɩra kpʋkpaaraa zɔɔ-banɛsɛ kala sɩɩ dii kɩaa Jɛzɛbɛl teeŋ a kɔ.”

2 KUOROO 23:14

Ʋ ŋmoo tabɩa-la ba sɩ bile a kpʋkpaarɛ yɛrɛ aŋ keri Asɩra daa-la ma lo, aŋ chʋŋ nuhuobiine haŋgbelee kʋ su lee-la kala.

2 KUOROO 23:6

Ʋ jʋʋ joŋ veŋ-haal-la ba sɩɩ yɩrɛ Asɩra daaŋ sɩ hɛ Wɩa dɩɩ-bal-la lɛ a kaa mʋ Kɩdɩrɔŋ fuonaa-la sɩ hɛ Jerusalɛm harɩŋ a nyɩgɛ, a paa nɔŋ ba bɩɩ ʋ joŋo mɩsɛ ba sʋʋnʋŋ dɩ-huguŋ.

2 IZIRAL TƖŊŊAA NAABARƖŊ 15:16

Kuoro Asa nahɩma Maaka nɛ fa paala ŋaa haalaa kuoro ʋ kaa laa, a tɩŋ ʋ sɩ pɛ veŋ-haal-la ba sɩɩ yɩrɛ Asɩra daaŋ a kpʋkpaarɛ. Ŋɩɩ nɛ Asa keri daa-la lo a bori ʋ kala a kaa mʋ Kɩdɩrɔŋ fuonaaŋ a nyɩgɛ.

2 IZIRAL TƖŊŊAA NAABARƖŊ 24:18

Ba vɩa La TƖƖNA, ba naabalɩmaba Wɩa dɩɩ-bal-la ta nɛ, aŋ mɩɩra kpʋkpaarɛ vene-la ba sɩɩ yɩrɛ Asɩra daasɩŋ arɩ tɔŋŋɔɔ. Ba wʋbɔmɔ-la leŋ Wɩa na baanɩŋ Juda arɩ Jerusalɛm nɩaa nyuŋ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

2 IZIRAL TƖŊŊAA NAABARƖŊ 33:3

Ʋ wasa saa vesiŋ dɩ-kpaarɩa-la kala ʋ nyɩmma Hezikaaya fa sɩ ŋmoo giri nɛ, aŋ saa korunuŋ a pɩ vene-la ba sɩɩ yɩrɛ Baal, aŋ pɛ vene-la ba sɩɩ yɩrɛ Asɩra daasɩŋ ma. Ʋ fa kpirime aa chʋɔlɛ wɩa-nyuŋ kɩaa kala ma nɛ.

2 IZIRAL TƖŊŊAA NAABARƖŊ 34:3

Ʋ sɩ dii kuoruŋ ʋ jɩ-chori lɛ, bʋa-la lɛ dɩ ʋ ha ŋaa bapʋɔsɛ-bie, ʋ suomo tuto ʋ naabalɩma Devit Wɩa. Jɩsɩŋ banɛsɛ harɩŋ, ʋ suomo chichei vʋɩ-kpaarɛ lere-la sɩ hɛ Juda arɩ Jerusalɛm lɛ, Asɩra daasɩŋ, tɔmɔ-la ba sɩ saa arɩ daasɩŋ arɩ tɔmɔ-la dɔnsʋŋ ba sɩ libe.

2 IZIRAL TƖŊŊAA NAABARƖŊ 34:7

Iziral tɩmma-la sɩ hɛ wɩɩpɔsʋŋ nagʋa dɩɩrɩŋ tinteeŋ kala lɛ, ʋ ŋmoo ba veŋ-kpaarɛ korunuŋ kala a giri, a bori Asɩra vene-la daasɩŋ, a ŋmoo tɔmɔ-la yɛrɛ nʋgʋgʋ, a giri korunu-la kala lɛ ba sɩɩ nyɩgɛ kʋsʋɔrʋsʋŋ a ŋmoo yɛrɛ muno muno. Ŋɩɩ lɛ nɛ aŋ ka Josaaya mɩɩra mʋ Jerusalɛm.

WƖA YƖƖLAA 106:35

aŋ kɛŋ ba tɩtɩa mʋ mɛrɛ tinteye-la nɩaa lɛ, a tuto ba naabarɩŋ.

WƖA YƖƖLAA 106:36

Ba faa kpaarɛ Kɛnaŋ tɩmma-la vʋɩyaa nɛ. Ŋɩɩ bɩrɩmɛ bɛrɛ a cheiba.

WƖA YƖƖLAA 106:7

Bʋa-la lɛ la naabalɩmaba sɩ hɛ Ijipiti tinteeŋ lɛ, ba bɩ wʋkpuŋkperisi-la ŋ sɩ ŋaa wɩaa liise. Ba bɩ ŋ chono-la sɩ bɩ dɛrɛ ma wɩaa liise, aŋ lɩɩ ŋ-na Wɩa sɩ kɩɩ kʋŋkala harɩŋ Mʋgʋ-fɩaŋ leriŋ.

MOSIS KƐŊ IZIRAL TƖŊŊAA LƖƖ 34:13

Ama má giri ba vʋɩyaa korunuŋ a yɛrɛ ba tɔŋŋɔɔ tabɩa-la aŋ pɛ keri ba vene-la ba sɩɩ yɩrɛ Asɩra daasɩ-la lo.

JƐRƖMAAYA 23:27

Ba bɩɩna ba sɩ bʋl duosoo wɩaa pɩpɩ dɔŋɔ ŋɩɩ jaŋ leŋ dɩ mɩ nɩaa yʋ mɩ wɩaa, arɩ ba naabalɩmaba sɩ kpaarɛ vene-la ba sɩɩ yɩrɛ Baal a yʋ mɩ wɩaa ŋɩɩ.

MOSIS BƖRA WULLI WƖA WOMBIIŊ 16:21

Dɩ ma nɛ saa Wɩɩsʋllɩ koruŋ dɩ ma pɩ ma TƖƖNA Wɩa, má pɔ dɩ vene-la ba sɩɩ yɩrɛ Asɩra daa kala sɩ́ nɩmɛ pɛ.

MOSIS BƖRA WULLI WƖA WOMBIIŊ 4:9

Má kɛŋ ma tɩtɩa woruŋ, a sɩ́ wɩalɩŋ ma sɩ na yʋ ma mɩɩsɩŋ kala lɛ. Má joŋ wɩalɩŋ dagɛ ma biiriŋ, dɩ ba ma bɩra joŋo dagɛ ba biiriŋ.

MOSIS BƖRA WULLI WƖA WOMBIIŊ 8:11

Má fɩɛlɛ ma sɩaa a sɩ́ ma TƖƖNA Wɩa wɩaa yʋ. Má to ʋ niiŋ, ʋ wombiee arɩ ʋ wɩalɩŋ mɩ sɩɩ dagɛma jɩnɩŋ.

MOSIS BƖRA WULLI WƖA WOMBIIŊ 8:14

ma pʋpɔ má sɩ́ ma tɩtɩa dagʋ a yʋ ma TƖƖNA Wɩa wɩaa. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ, a ŋaa yosi.

MOSIS BƖRA WULLI WƖA WOMBIIŊ 8:18

Má jɩŋ arɩ ma TƖƖNA Wɩa nɛ pɩma doluŋ ma dʋa. Ŋɩɩ nɛ daga arɩ nii-la ʋ sɩ hɛ pɩ ma naabalɩmaba chɩna nɛ arɩ ʋ sɩ chɩŋ ŋɩɩ a kaa kɔ arɩ jɩnɩŋ kala.

SƖPAALAARAA 3:12

Iziral tɩŋŋaa bɩra ŋaa wʋbɔŋ kʋbala La TƖƖNA teeŋ. A tɩŋ wʋbɔŋ-la wɩaa, La TƖƖNA leŋ Mʋab kuoro Ɛgɩlɔŋ kɛŋ doluŋ a kɩɩ Iziral tɩŋŋaa.

SƖPAALAARAA 3:8

La TƖƖNA baanɩŋ sii Iziral tɩŋŋaa nyuŋ, ʋ jomba hɛ Aram Naharem tɩŋŋaa kuoru kʋbala ba sɩɩ yɩrɛ Kusaŋ-Risatem nɩsɩŋ lɛ. Iziral tɩŋŋaa fa hɛ kuoro deeŋ nɩsɩŋ lɛ jɩsɩŋ chori nɛ.

SƖPAALAARAA 6:25

Tɩtaŋ-la tɩtɩa nɛ La TƖƖNA bʋla pɩ Gɩdɩɔŋ, “Kɛŋ ŋ nyɩmma nɛsɩŋ tʋɔŋ nɛ-bele sɩ yi jɩsɩŋ balɩpɛ. Ŋmoo ŋ nyɩmma koru-la ʋ sɩ saa pɩ vene-la ba sɩɩ yɩrɛ Baal lo, a keri vene-la ma ba sɩɩ yɩrɛ Asɩra daa-la sɩ chɩna kpɛrɛ Baal lo,

SƖPAALAARAA 8:33

Gɩdɩɔŋ sʋʋŋ harɩŋ lɛ, Iziral tɩŋŋaa bɩra mɩɩra tuto vesi-la ba sɩɩ yɩrɛ Baal nɛ, a joŋ Baal Bɛrɩf ʋ ŋaa ba vene ba kpʋkpaarɛ,

SƖPAALAARAA 8:34

aŋ yʋ ba TƖƖNA Wɩa sɩ laaba ta ba dʋndɔmɔ-la kala sɩ golliba nɩsɩŋ lɛ.

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’

1 SAMƲƐL 12:9

Ama ma naabalɩmaba yʋ ba TƖƖNA Wɩa wɩaa nɛ. Ŋɩɩ nɛ La TƖƖNA leŋ Fɩlɩsɩtɩa tɩŋŋaa arɩ Mʋab tɩŋŋaa kuoro arɩ Hazɔ tɩŋŋaa laalɩyuori-hɩaŋ ba sɩɩ yɩrɛ Sɩsɛra yuo diiba.