SƖPAALAARAA 21:6 - WƖA TENIŊ

⁶ Iziral tɩŋŋaa tʋɔŋ chei ba naambiiriŋ Bɛnjamɩŋ doho nɩalɩŋ wɩaa ba bʋl, “Jɩnɩŋ Iziral doho doho dɔŋɔ lɛlɛ nɛ la tʋɔŋ.

SƖPAALAARAA 21:6 ပူးပေါင်းရင်းမြစ်များ

2 SAMƲƐL 2:26

Abɩna yɩrɛ Jʋab a pɩɛsʋ, “Ʋ maga dɩ la kpʋkpʋ dɔŋɔ deeŋ deeŋ nɛɛ? Ŋ bɩ jɩŋ ʋ ŋɩɩ harɩŋ jaŋ kɛŋ tʋɔ-cheeŋ a pɩla? Ɛɛ nɛ ŋ chɛ ʋ diene magɛ ka dɩ ŋ kiri ŋ nɩaa dɩ ba sɩ́ ba naambiiriŋ harɩŋ kire to?”

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

SƖPAALAARAA 11:35

Jɛfɩta sɩ naʋ, ʋ tʋɔŋ chei ʋ kɛŋ ʋ gɛnnɩŋ kɩɛsɛ aŋ ŋmoo niiŋ a bʋl, “Ou! Mɩ tolo! Ŋ kaa jʋʋ mɩ lɛ, mɩ tʋɔŋ faasa chei nɛ, bɛɛ wɩaa mɩ ta niiŋ nɛ La TƖƖNA teeŋ, mɩ bɩ jaŋ wuo vɩa nii-la lɩɩsɩŋ.”

SƖPAALAARAA 21:15

Iziral tɩmma-la tʋɔŋ chei a tɩŋ La TƖƖNA sɩ leŋe Iziral doho doho-la dɔŋɔ fuoli.

SƖPAALAARAA 21:5

Ŋɩɩ nɛ Iziral tɩmma-la pɩɛsɛ, “La tʋɔŋ nyɩŋ bɛɛ nɩaa nɛ bɩ kʋ hilimi La TƖƖNA sɩpaaŋ Mɩzɩpa lɛ?” Ba fa ŋmɩɛsa nɛ arɩ nʋʋkala nɛ vɩa dɩ ʋ kʋ hilimi La TƖƖNA sɩpaaŋ, ʋ maga dɩ ba kpʋʋ nɛ.

SƖPAALAARAA 21:7

Ɛɛ nɛ la jaŋ ŋaa a na haalaa pɩ Bɛnjamɩŋ doho nɩalɩŋ sɩ ka, la sɩ ŋmɩɛsa La TƖƖNA yɩrɩŋ lɛ arɩ la bɩ jaŋ joŋ la toloo pɩba dɩ ba jaa?”