SƖPAALAARAA 20:45 - WƖA TENIŊ

⁴⁵ Bɛnjamɩŋ doho nɩalɩŋ sɩ mɩɩra fá a tʋʋlɛ tintee-hɩlɩɩ-la a mʋmʋ Rimoŋ bʋŋ-la leriŋ dɩɩrɩŋ, Iziral tɩŋŋaa kpʋ ba ma bʋɩ banɔŋ nɛ wombii-la lɛ, aŋ ha kire to ba harɩŋ a mʋ yi Gidom a kpʋ nɩaa bʋɩ balɩa a pɛ.

SƖPAALAARAA 20:45 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 6:77

Mɛrarɩ doho nɩkaana-la ma laa tasɩŋ deemba nɛ: Zebuluŋ doho nɩaa tʋɔŋ, ba laa Rimono arɩ Tabɔ, a pɛ ba pʋsʋŋ dɩ-diilee lɛ.

ZƐKARƖYA 14:10

Tintee-la kala, a chɩŋ Geba lɛ a kaa mʋ Rimoŋ sɩ hɛ Jerusalɛm wɩɩpɔsʋŋ nadiiŋ dɩɩrɩŋ, jaŋ mɩɩra nagɛ lee-la ba sɩɩ yɩrɛ Araba. Ama Jerusalɛm jaŋ sii je a chɩŋ ʋ dɩchɩnɩŋ, a lɩɩ Bɛnjamɩŋ Boi-baalɩŋ a kaa mʋ Boi-baal Bumbuŋ leriŋ, a kaa mʋ Je-gʋnʋŋ Boi-baalɩŋ lɛ, a bɩra chɩŋ Hananɛl dɩɩ-leŋii-la lɛ a kaa mʋ kuoro girep nɛnɛɛ sɩnɩŋ dɩ-chagɩŋ.

JOSUA 15:32

Lɛbaɔf, Sɩlɩhɩm, Aɩŋ arɩ Rɩmɔŋ. Ba tabalaa ŋaa mara arɩ nibi nɛ, a pɛ ba tabiisiŋ lɛ.

SƖPAALAARAA 20:44

Bɛnjamɩŋ doho nɩalɩŋ laalɩyuoroo bʋɩ fii arɩ chori nɛ ba kpʋ. Ba kala fa ŋaa laalɩyuori babiibala nɛ.

SƖPAALAARAA 20:46

Tapʋlɩɩ-la Bɛnjamɩŋ doho nɩalɩŋ laalɩyuoro-la sɩ kɛŋ tokobiee a yuyuo, ba nɩaa bʋɩ mara arɩ banɔŋ nɛ ba kpʋ. Ba kala fa ŋaa laalɩyuori babiibala nɛ.

SƖPAALAARAA 21:13

Iziral tɩmma-la kala sɩ hilime tɩŋ tɩndaarɩŋ pɩ Bɛnjamɩŋ doho nɩalɩŋ sɩ hɛ Rimoŋ bʋŋ-la leriŋ arɩ ba leŋ yuosuŋ, ka dɩ ba kɛŋ nii-bala.