SƖPAALAARAA 20:37 - WƖA TENIŊ

³⁷ Nɩalɩŋ sɩ faa golli Gɩbɩa lɛ guu sii a jʋʋ Gɩbɩa a pɩsa su taŋ-la a kpʋ nʋʋkala sɩ hɛ nɩmɛ.

SƖPAALAARAA 20:37 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 19:13

Dɩ nuhuobiiŋ nɛ koo dɩ pʋna nɛ ŋaa ŋɩɩ, ba jaŋ yagɩŋ arɩ tabɩaa koo tosuŋ a kpʋ. Nʋʋkala bɩ maga dɩ ʋ digu. Ba bɩ jaŋ kɛŋ nɩsaa ŋmobu. Ama dɩ ba nɛ faasa ŋmʋʋ pie-bel-nyile, má mʋ jɩl peel-la nyuŋ.”

JOSUA 6:5

Dɩ ma nɛ nɩa dɩ ba faasa ŋmʋʋ nyilli-la, ma nɩalɩŋ kala maga dɩ ma faasa ŋaa goŋ nɛ. Dɩ ma nɛ ŋaa ŋɩɩ, jebii-la sɩ golli Jeriko jaŋ tel, ka dɩ ma laalɩyuoroo kala wuo jʋʋ taŋ-la tʋɔŋ.”

JOSUA 8:13

Ŋɩɩ nɛ ba kɛŋ nɩalɩŋ kala kɩɩ kɩɩ, ba kɛŋ ba tɩtɩa hɛ dɔŋɔ dɩ ba yuo laalɩŋ. Dɔnsʋŋ hɛ taŋ-la wɩɩpɔsʋŋ nagʋa, ka nɩalɩŋ dɔnsʋŋ faa taŋ-la wɩɩjʋʋlʋŋ dɩɩrɩŋ. Tɩtaŋ-la Josua sii a tuu fuonaa-la.

JOSUA 8:14

Aɩ kuoro sɩ na Josua arɩ ʋ nɩaa, ʋ dɩ ʋ jaŋ nɩaa kala ŋaa lɩma a sii chʋchʋɔ-fɩɛla a cheŋ Iziral tɩŋŋaa dɩ ba yuo laalɩŋ Jɔdaŋ fuo-la wɩɩjʋʋlʋŋ dɩɩrɩŋ, lee-la ba fa sɩ laa sɩpaaŋ yuo laalɩŋ. Ama ʋ fa bɩ jɩŋ arɩ nɩaa faa tabal-la harɩŋ dɩ ba yuoba.

JOSUA 8:19

Ʋ sɩ ŋaa ŋɩɩ dɛrɛ, nɩalɩŋ kala sɩ faa sii ba leree lɩma lɩma, a fá jʋʋ taŋ-la a laa ʋ kala a guu chol nyiniŋ hɛ ʋ didii.