SƖPAALAARAA 20:28 - WƖA TENIŊ

²⁸ Arɔŋ nihiŋ Finihas sɩ ŋaa Elieza nanʋala nɛ faa beŋ daga-la.) Ba pɩɛsɛ La TƖƖNA, “La bɩra mʋ a yuo Bɛnjamɩŋ doho nɩaa sɩ ŋaa la naambiiriŋ koo la sɩ́ mʋ?” La TƖƖNA bʋl, “Má mʋ, chie mɩ jaŋ jomba hɛ ma nɩsɩŋ lɛ.”

SƖPAALAARAA 20:28 ပူးပေါင်းရင်းမြစ်များ

2 SAMƲƐL 6:3

Ba fa joŋ Wɩa niiriŋ daga-la daŋ nɛsɩŋ toruko falɩŋ lɛ nɛ, a kaa lɩɩ Abɩnadab dɩa-la sɩ chɩŋ dundolo nyuŋ a kʋ lɩɩ. Uza arɩ Ahio sɩ ŋaa Abɩnadab biiriŋ nɛ fa kɛŋ toruko-la vɩvɛŋ,

2 IZIRAL TƖŊŊAA NAABARƖŊ 20:17

Ma dee bɩ jaŋ yuo laal-la, ma-na chɩŋ ma dɩchɩnaa, a gbɛrɛ na ŋɩɩ La TƖƖNA sɩ jaŋ laama ta. Juda arɩ Jerusalɛm tɩmma, má sɩ́ fawʋllʋŋ fá, a sɩ́ leŋe dɩ ma nandaasɩŋ yʋɔrɛ. Má chie lɩɩ cheme yuoba, La TƖƖNA jaŋ chɩŋ ma harɩŋ.’ ”

ƐZƖRA 7:5

Abɩsʋa, Finihas, Elieza arɩ Arɔŋ sɩ ŋaa Wɩɩsʋllɩ sɩpaalaaraa nɩhɩaŋ.

MOSIS KƐŊ IZIRAL TƖŊŊAA LƖƖ 6:25

Arɔŋ nanʋala Elieza jaa Pʋtɩɛl tolo dɔŋɔ nɛ ʋ lʋl Finihas. Levi doho arɩ ba nɩhɩasɩŋ nɛ ŋɩɩ.

JƐRƖMAAYA 10:23

La TƖƖNA, mɩ jɩma nuhuobiine tɩtɩa dee bɩ ʋ mɩɩsɩŋ koro. Nuhuobiine tɩtɩa dee bɩ ʋ naavɛnɛɛ ka dagɛ.

MOSIS BƖRA WULLI WƖA WOMBIIŊ 10:8

Peel-la nyuŋ nɛ La TƖƖNA lɩɩsɛ Levi doho nɩaa baalaa, dɩ ba nɛ chʋchʋŋ Wɩa niiriŋ daga-la aŋ tɩtɩŋ Wɩa dɩa tɩntɩŋŋaa a sʋl Wɩa pɩpɩ Iziral tɩŋŋaa. Ba tɩntɩŋŋaa nɛ ha ŋɩɩ arɩ jɩnɩŋ kala.

MOSIS BƖRA WULLI WƖA WOMBIIŊ 18:5

Ma doho doho kala tʋɔŋ, Levi doho nɩaa arɩ ba doho nɩaa kala nɛ ma TƖƖNA Wɩa lɩɩsɛ dɩ ba nɛ ŋaa Wɩɩsʋllɩ sɩpaalaaraa a kaa mʋ wuu.

JOSUA 22:13

Ŋɩɩ nɛ Iziral tɩŋŋaa tɩŋ Elieza sɩ ŋaa Wɩɩsʋllɩ sɩpaalaara nanʋala Finihas dɩ ʋ mʋ Gɩlɩad tinteeŋ, Rubiŋ doho nɩaa arɩ Gad doho nɩaa arɩ Manasɛ doho nɩaa kpaa magɛ dɔŋɔ-la teeŋ.

JOSUA 24:33

Arɔŋ nanʋala Elieza ma sʋʋ ba joŋu hugi Gɩbɩa lɛ, tintee-la ba sɩ joŋo pɩ ʋ nanʋala Finihas, ʋ hɛ Efirem tintee-la peelee sɩ yʋga lɛ nɛ.

JOSUA 7:7

Ŋɩɩ nɛ Josua pɩɛsɛ, “Ou, La TƖƖNA Wɩɩjarɩbakɔ, bɛɛ nɛ tɩɩ ŋ kɛnla a chol Jɔdaŋ fuo-la a kɔ daha dɩ ŋ jonla hɛ Amɔrɩ tɩŋŋaa nɩsɩŋ lɛ dɩ ba kpʋla? Ŋ fa maga ŋ leŋ dɩ la hɔŋ Jɔdaŋ fuo-la cholo sɛmɛ dɔŋɔ nɛ.

SƖPAALAARAA 1:2

La TƖƖNA bʋl, “Juda doho nɩaa nɛ maga ba mʋ, mɩ joŋ tintee-la hɛ ba nɩsɩŋ lɛ nɛ.”

SƖPAALAARAA 19:16

Sɩɩ-dɩsa-la ba sɩ hɔŋ ŋɩɩ, dɩ banɩhɩaŋ kʋbala lɩɩ baga a kʋ to ba teeŋ a bɩbal. Baal-la fa lɩɩ Efirem tintee-la peelee sɩ yʋga nɛ. Ama lɛɛlɛ ʋ hɛ Gɩbɩa lɛ nɛ. (Nɩalɩŋ jesiŋ kala fa sɩ hɛ lee-la ŋaa Bɛnjamɩŋ doho nɩaa nɛ.)

SƖPAALAARAA 7:9

Tɩtaŋɩŋ La TƖƖNA bʋla pɩ Gɩdɩɔŋ, “Má sii tuu yuo Midiaŋ tɩmma-la ba dɩhɔnʋŋ. Mɩ jaŋ jomba hɛ ma nɩsɩŋ lɛ.

1 SAMƲƐL 14:37

Ŋɩɩ nɛ Sɔɔl pɩɛsɛ Wɩa, “Mɩ mʋ yuo Fɩlɩsɩtɩa tɩŋŋaa? Ŋ jaŋ leŋ dɩ Iziral tɩŋŋaa yuo diibaa?” Tapʋlɩɩ-la Wɩa bɩ wɩɩkala bʋla pʋ.

1 SAMƲƐL 30:8

Devit pɩɛsɛ La TƖƖNA, “Mɩ jaŋ wuo kiri la dʋndɔmɔ-la sɩ kʋ dii la jaŋ harɩŋ? Mɩ jaŋ puuba?” Ŋɩɩ nɛ La TƖƖNA bʋl, “Kiri ba harɩŋ, ŋ jaŋ puuba a laa ma nɩaa ba teeŋ.”