SƖPAALAARAA 20:22 - WƖA TENIŊ

^22-23 Ŋɩɩ nɛ Iziral tɩŋŋaa mʋ Bɛtɛl, lee-la ba sɩɩ dɛnnɛ La TƖƖNA a yel ʋ sɩpaaŋ wɩa tuu jʋʋ. Ba pɩɛsɛ La TƖƖNA, “La bɩra mʋ a yuo la naambiiriŋ Bɛnjamɩŋ doho nɩalɩŋ?” La TƖƖNA sɩ, “Oo, má mʋ yuoba.” Iziral laalɩyuoro-la nyuŋ nyaasɛ, ba bɩra mʋ chɩŋ lere-la ba fa sɩ laa sɩpaaŋ chɩŋ.

SƖPAALAARAA 20:22 ပူးပေါင်းရင်းမြစ်များ

2 SAMƲƐL 11:25

Devit bʋla pɩ tɩndaarʋ-la, “Bʋla pɩ Jʋab dɩ ʋ sɩ́ leŋe dɩ ʋ tʋɔŋ chei wɩɩ-la sɩ ŋaa lɛ, ŋ bɩ jaŋ wuo jɩŋ nɩɩ-la ba sɩ jaŋ kpʋ laalɩŋ lɛ. Bʋla pʋ ʋ hɛ doluŋ a yuo taŋ-la, a cheyu. Bʋl ŋ-la pɩ Jʋab dɩ ʋ nyuŋ nyaasɛ.”

WƖA YƖƖLAA 64:5

Ba yie bʋl wɩaa aa nyaasɛ dɔŋɔba nyuŋ a mʋ tɩgɛ wʋbɔŋŋɔɔ ŋaanɩŋ lɛ. Ba yie vʋʋrɛ ŋɩɩ ba sɩ jaŋ bɛrɛ kɛsɛ nɩaa, aŋ bʋl, “Kʋbɛɛ nɛ jaŋ nala?”

SƖPAALAARAA 20:15

Bɛnjamɩŋ doho nɩaa guu lɩɩsɛ laalɩyuoroo bʋɩ mara arɩ balɩdʋ ba tasɩŋ lɛ, ba kori tokobiee a pɛ nɩaa zɔɔ-balɩpɛ ba sɩ lɩɩsa Gɩbɩa lɛ.

SƖPAALAARAA 20:17

Iziral tɩŋŋaa sɩ kɛŋ ba laalɩyuoroo hɛ dɔŋɔ, nɩalɩŋ sɩ jɩŋ laalɩ-yuonuŋ woruŋ ŋaa nɩaa bʋɩ zɔɔ-banɛsɛ nɛ, a lɩɩsɛ Bɛnjamɩŋ doho nɩaa ta.

SƖPAALAARAA 20:21

Bɛnjamɩŋ doho nɩalɩŋ kʋ lɩɩ Gɩbɩa lɛ a kpʋ Iziral laalɩyuoroo bʋɩ mara arɩ balɩa tapʋlɩɩ-la.

1 SAMƲƐL 30:6

Devit tʋɔŋ fa faasa chei, bɛɛ wɩaa, baala-la bʋla arɩ ba jaŋ yagʋ kpʋ arɩ tabɩaa a tɩŋ ba sɩ kɛsɛ ba hambolibiisiŋ arɩ hantolibiisiŋ viiri wɩaa. Ka La TƖƖNA Wɩa leŋ Devit ha kɛŋ bɔɩ-duoŋ.