SƖPAALAARAA 20:13 - WƖA TENIŊ

¹³ Má chaarɛ Gɩbɩa nɩbɔmɔ-la sɩ ŋaa wɩɩŋ deeŋ pɩla dɩ la kpʋba a lɩɩsɛ wʋbɔŋ-la ta Iziral tinteeŋ lɛ.” Ama Bɛnjamɩŋ doho nɩalɩŋ bɩ jegile nɩɩ wɩɩ-la ba Iziral tɩmma-la dɔnsʋŋ sɩ bʋla.

SƖPAALAARAA 20:13 ပူးပေါင်းရင်းမြစ်များ

2 SAMƲƐL 20:1

Wʋhɛɛrʋ kʋbala nɛ fa hɛ nɩmɛ baa yɩrɛ Sɛba. Ʋ ŋaa Bikiri nanʋala nɛ, aŋ ŋaa Bɛnjamɩŋ doho nʋʋ. Ʋ ŋmʋʋ banyile, aŋ kpɩa goŋ a bʋl, “La nɩsɩŋ tuo Jesi nanʋala Devit lɛ. Iziral tɩmma, má leŋ la mɩɩra mʋ la dɩɩsɩŋ.”

2 SAMƲƐL 23:6

Ama nɩbɔŋŋɔɔ nagɛ sɔsʋŋ nɛ, ba jaŋ churiba ta. Nɩsɩŋ dee ba jaŋ kaa churiba.

1 KUOROO 21:13

Ŋɩɩ nɛ aŋ lɩɩsɛ wʋnyɩɛraa balɩa sɩ jaŋ wuo chei nɩaa yɩrɩŋ, ba hɔŋ a chaasɛ Nabɔf, a nyɩɛ wɩaa pʋ a bʋl, “Nabɔf tʋʋsɛ Wɩa arɩ kuoro joŋŋoo nɛ.” Ba kɛnʋ lɛrɛ lɩɩ taŋ-la tʋɔŋ a yagʋ kpʋ arɩ tabɩaa.

2 IZIRAL TƖŊŊAA NAABARƖŊ 13:7

Ŋɩɩ nɛ nɩtɔɔnʋŋ sii a chɩŋ Solomoŋ nanʋala Rihobuam lɛ, bʋa-la lɛ dɩ ʋ fa ŋaa hambie, ʋ fa bɩ wɩaa ma jɩŋ dɩ ʋ wuo kiriba.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

2 IZIRAL TƖŊŊAA NAABARƖŊ 25:20

Ama Amazɩa bɩ jegile nɩɩ, bɛɛ wɩaa Wɩa chɛ dɩ ʋ leŋ Jehuas yuo diiba nɛ, a tɩŋ ba sɩɩ kpaarɛ Ɛdɔm tɩŋŋaa vesi-la wɩaa.

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

TƖƖCHA 11:10

Sɩ́ leŋe dɩ wɩɩkala walɩmɩŋ, wɩɩ-la kala sɩɩ wɩɩŋ, joŋo ta, bɛɛ wɩaa hambiriŋ arɩ bapʋɔsɛ doluŋ bɩ dieni.

HOSIA 10:9

La TƖƖNA sɩ, “Iziral tɩmma, bʋa-la ma sɩ hɛ Gɩbɩa lɛ, ma ŋaa wʋbɔŋŋɔɔ nɛ, aŋ ha ŋɩŋaa wʋbɔŋŋɔɔ. Laalɩŋ fa bɩ kʋ kpʋ wʋbɔŋ ŋaaraa Gɩbɩa lɛɛ?

HOSIA 9:9

Ba wɩɩŋ nɛ wʋbɔŋŋɔɔ ŋaanɩŋ, a nagɛ bʋa-la ba sɩ hɛ Gɩbɩa lɛ. Wɩa jaŋ liise yi ba nɩbɔŋ wɩalɩŋ lɛ, a dɔgɩsɛba a tɩŋ ba wʋbɔmɔ-la wɩaa.

Rom Tɩŋŋaa 1:32

Ba jɩŋ wɩalɩŋ Wɩa sɩ bʋla a tɩgɛ wʋdosunuŋ deemba lɛ nɛ. Ʋ bʋla arɩ nɩalɩŋ sɩɩ ŋaa wɩaa deemba, ba maga dɩ ba sʋʋ nɛ, aŋ ka ba vɩa aŋ ŋɩŋaaba. Ŋɩɩ ma dʋndʋŋa dee. Ba paala bɩbɛsɛ nɩalɩŋ ma sɩɩ ŋaa wɩalɩŋ lɛ nɛ.

1 Kɔrɩntɩ Nɩaa 5:13

Nɩalɩŋ sɩ bɩ Yesu jɩŋ-na, Wɩa nɛ jaŋ dii ba sarɩya. Wɩa teniŋ tʋɔŋ ba bʋla, “Má lɩɩsɛ nɩbɔmʋŋ ta ma tʋɔŋ.”

2 Kɔrɩntɩ Nɩaa 6:15

Kirisito arɩ Sɩtaanɩ bɩ jaŋ wuo kɛŋ nii-bala, ŋɩɩ tɩtɩa nɛ nɩɩ-la ma sɩ laa Yesu wɩaa dii arɩ nɩɩ-la sɩ bɩ ʋ wɩaa laa dii, ma bɩ jaŋ wuo tuto dɔŋɔ.

MOSIS BƖRA WULLI WƖA WOMBIIŊ 13:13

dɩ nɩbɔŋŋɔɔ lɩɩ ma tʋɔŋ a nyɩsɛ nɩaa dɩ ba mʋ to vesiŋ, vesi-la ma ha sɩ bɩ to aŋ ka,

MOSIS BƖRA WULLI WƖA WOMBIIŊ 13:5

Wɩa wʋlaabʋllʋ-la koo nɩɩ-la sɩɩ dagɛ duosoo bʋbʋɔŋ maga dɩ ma kpʋʋ, bɛɛ wɩaa wɩalɩŋ ʋ sɩ bʋla lɩɩ wɩalɩŋ ma TƖƖNA Wɩa sɩ daga harɩŋ nɛ. Ʋ nɛ kɛmma kʋ lɩɩ Ijipiti tinteeŋ lɛ, a laama ta lee-la ma fa sɩ hɛ a ŋaa yosi. Nɩdoho deeŋ ka walɩmɛ dɩ ʋ lɩɩsɛma wombii-la ma TƖƖNA Wɩa sɩ dagɛma lɛ nɛ. Má kpʋ nɩɩ-la a giri wʋbɔŋ-la ta ma tʋɔŋ.

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

MOSIS BƖRA WULLI WƖA WOMBIIŊ 17:12

Nɩɩ-la kala sɩ vɩa wɩalɩŋ sarɩya diire sɩ dagɩŋ koo wɩalɩŋ Wɩɩsʋllɩ sɩpaalaara sɩ hɛ lee-la a tɩma pɩpɩ ma TƖƖNA Wɩa sɩ dagɩŋ, ʋ maga dɩ má kpʋʋ nɛ. Ʋ maga dɩ ma ŋaa ŋɩɩ nɛ a giri wʋbɔŋŋɔɔ ta Iziral tinteeŋ lɛ.

MOSIS BƖRA WULLI WƖA WOMBIIŊ 17:7

Nɩalɩŋ sɩ dii pɛ na nɛ maga dɩ ba laa sɩpaaŋ paa tabɩaa a yagɛ nɩɩ-la ba sɩɩ chɛ dɩ ba kpʋ, ka dɩ nɩkaanaa na pɛ. Ŋɩɩ ma sɩ jaŋ ŋaa a giri wʋbɔŋŋɔɔ deemba doho ta Iziral tinteeŋ lɛ nɛ ŋɩɩ.

MOSIS BƖRA WULLI WƖA WOMBIIŊ 19:19

ʋ maga dɩ ba joŋ wɩɩ-la ba fa sɩ jaŋ joŋo ŋaa ʋ naambile lɛ, a ŋaa ʋ lɛ. Ʋ maga dɩ má giri wʋbɔŋ-la ta nɛ ma tʋɔŋ.

MOSIS BƖRA WULLI WƖA WOMBIIŊ 21:21

Baala-la kala sɩ hɛ ʋ taŋ-la lɛ maga dɩ ba yagʋ kpʋ nɛ arɩ tabɩaa, a lɩɩsɛ wʋbɔŋ-la ta ma tʋɔŋ. Iziral tɩŋŋaa kala jaŋ nɩɩ wɩɩ-la dɩ fawʋllʋŋ kɛmba.

MOSIS BƖRA WULLI WƖA WOMBIIŊ 22:21

ŋɩɩ-na ba jaŋ kɛŋ tolo-la a mʋ ʋ nyɩmma dɩa boiŋ niiŋ, dɩ ʋ jaŋ baalaa yagʋ kpʋ arɩ tabɩaa, bɛɛ wɩaa hɩɩsɩ wɩɩ nɛ ʋ ŋaa ŋɩɩ Iziral kala lɛ, ʋ sɩ hɛ ʋ nyɩmma dɩa lɛ a bɩ bala jaa aŋ pɩpɩŋ baalaa. Ʋ maga dɩ ma giri wʋbɔmʋŋ deeŋ ta nɛ ma tʋɔŋ.

MOSIS BƖRA WULLI WƖA WOMBIIŊ 22:24

ʋ maga dɩ ba kɛŋ baal-la sɩ kɛnʋ pɩŋ arɩ tolo-la kala a lɩɩ ba jaŋ lɛ, a yagɛba kpʋ arɩ tabɩaa, bɛɛ wɩaa jaŋ tʋɔŋ nɛ, ka tolo-la vɩa dɩ ʋ ŋmoo niiŋ dɩ ba laaʋ ta. Baal-la ma maga dɩ ʋ sʋʋ nɛ, bɛɛ wɩaa nʋʋ haal nɛ ʋ kaa pɩŋ. Ʋ maga dɩ má giri wʋbɔmʋŋ deeŋ ta nɛ ma tʋɔŋ.

MOSIS BƖRA WULLI WƖA WOMBIIŊ 24:7

Dɩ Iziral tɩɩna kala nɛ gaa kɛŋ ʋ naambie a leŋ ʋ ŋaa ʋ yomo aa dɔgʋsʋ koo a yallʋ, ʋ maga dɩ má kpʋ gaarʋ-la. Ʋ maga dɩ ma giri wʋbɔmʋŋ deeŋ ta nɛ ma tʋɔŋ.

SƖPAALAARAA 19:22

Ba fa sɩ hɛ dɩa-la lɛ a didii kɩaa arɩ tʋɔtɔrʋŋ ŋɩɩ, taŋ-la nɩbɔŋŋɔɔ dɔnsʋŋ kɔ a golli dɩa-la lɛ ba sɩ hɛ, a ŋmuŋmoo dɩa-la boro, aŋ kpɩa banɩhɩaŋ-la sɩ tɩɩ dɩa-la lɛ a bʋl, “Kɛŋ baal-la sɩ kʋ jʋʋ ŋ dɩa kʋ lɩɩ dɩ la kɛnʋ pɩŋ.”

SƖPAALAARAA 20:12

Ŋɩɩ nɛ Iziral tɩŋŋaa tɩŋ nɩaa ba mʋ Bɛnjamɩŋ doho nɩaa kala teeŋ a pɩɛsɛba, “Bɛɛ kʋŋ wʋbɔŋ nɛ ma ŋaa ŋɩɩ?

SƖPAALAARAA 20:14

Ŋɩɩ nɛ ba lɩɩ ba tasɩŋ a kʋ hɛ dɔŋɔ Gɩbɩa lɛ dɩ ba yuo ba Iziral tɩmma-la dɔnsʋŋ.

1 SAMƲƐL 2:25

Dɩ nʋʋ nɛ ŋaa wʋbɔŋ ʋ dɔŋɔ lɛ, Wɩa jaŋ wuo jʋʋ ma balɩa pɛgɛ a kɛmma hɛ dɔŋɔ, ama dɩ nʋʋ nɛ ŋaa wɩaa chei La TƖƖNA teeŋ, kʋbɛɛ ma nɛ saa bɩra jaŋ jʋʋ ma pɛgɛ a kɛmma hɛ dɔŋɔ?” Ama ʋ hambolibiisi-la bɩ jegile nɩɩ ŋɩɩ ʋ sɩ kpʋrɩsɛ ba dɩgɩlaa, bɛɛ wɩaa La TƖƖNA paala kɛŋ ʋ tɩtɩa hɛ dɔŋɔ nɛ dɩ ʋ kpʋba.

1 SAMƲƐL 30:22

Nɩalɩŋ dɔnsʋŋ fa sɩ to Devit harɩŋ a mʋ laal-la a ŋaa nɩbɔmɔ arɩ wʋhɛɛrɛɛ bʋl, “Nɩalɩŋ sɩ bɩ la harɩŋ wuo to mʋ, ʋ bɩ maga dɩ la kpaa kɩalɩŋ la sɩ yuo laa Amalɛk tɩmma-la teeŋ a pɩba. Ba kʋŋkala maga dɩ la joŋ ʋ haalaa arɩ ʋ biiriŋ nɛ a pʋ dɩ ʋ kaa viiri.”