SƖPAALAARAA 2:4 - WƖA TENIŊ

⁴ Wɩa tɩndaarʋ-la sɩ bʋl wɩaa deemba a pɩ Iziral tɩŋŋaa, ba kala faasa ŋmoo niiŋ.

SƖPAALAARAA 2:4 ပူးပေါင်းရင်းမြစ်များ

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

NAMAGABA 17:10

Dɩ ba nɛ kpɩa nɩɩ-la sɩ jɩŋ wɩaa sɩaa lɛ, ʋ yie nɩɩ woruŋ nɛ a kɩɩ ba sɩ vɩɩrɛ nɩyaarɩŋ chɩba zɔlɔ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 7:38

Ʋ sɩ jʋʋ dɩa-la, ʋ chɩŋ Yesu naasɩŋ sɛmɛ aŋ yel sɩlɩɩrɩŋ hɩhɛ Yesu naasɩŋ lɛ. Sɩlɩɩrɩŋ sɩ hɛ Yesu naasɩŋ lɛ ŋɩɩ, ʋ kɛŋ ʋ nyu-pʋnaa kaa tɩɩgɛ aŋ guori Yesu naasɩŋ, a bɩsɛ tʋlaalɩɩ-la hɛ ʋ naasɩŋ lɛ.

2 Kɔrɩntɩ Nɩaa 7:10

Dɩ Wɩa nɛ leŋe nʋʋ tʋɔŋ chei a tɩŋ ʋ wʋbɔŋŋɔɔ wɩaa, ʋ tɩɩna yie bɩrɩma lɩɩ ʋ wʋbɔŋŋɔɔ lɛ nɛ Wɩa laaʋ ta. Nʋʋkala tʋɔŋ bɩ maga dɩ ʋ chei ŋɩɩ lɛ. Ama dɩ dʋnɩa nɩaa wʋŋaalaa nɛ leŋe dɩ nʋʋ tʋɔŋ chei, ŋɩɩ jaŋ leŋ dɩ ʋ tɩɩna sʋʋ.

Jeems 4:9

Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.

SƖPAALAARAA 2:3

Lɛɛlɛ mɩ bʋlaa pɩma, mɩ bɩ jaŋ kiri nɩalɩŋ ta ma sɩpaaŋ. Ba jaŋ nagɛ sɔsʋŋ ma yaraa lɛ, dɩ ba vesiŋ ma nagɛ bɛrɛ a kɩkɛsɛma.”

SƖPAALAARAA 2:5

Ŋɩɩ nɛ ba hɛ lee-la yɩrɩŋ Bokim (ʋ bʋbʋɔŋ nɛ nɩaa sɩɩ yel). Ŋɩɩ nɛ ba kpʋ pʋsʋŋ a ŋaa Wɩɩsʋlʋŋ pɩ La TƖƖNA nɩmɛ.

1 SAMƲƐL 11:4

Ba sɩ tɩŋ tɩndaaraa ba mʋ a bʋl wɩalɩŋ kala a pɩ Sɔɔl jaŋ Gɩbɩa nɩaa, ba faasa ŋmoo niiŋ.

1 SAMƲƐL 7:6

Ba sɩ kʋ hilimi Mɩzɩpa lɛ, ba ŋaa lɩɩŋ a ta La TƖƖNA sɩpaaŋ a sʋlʋ, aŋ vɔɔ niiŋ tapʋlɩɩ-la kala a bʋl, “La ŋaa wʋbɔŋ nɛ La TƖƖNA lɛ.” Samʋɛl nɛ fa ŋaa Iziral tɩŋŋaa sɩpaalaara Mɩzɩpa lɛ.