SƖPAALAARAA 2:17 - WƖA TENIŊ

¹⁷ Ama Iziral tɩŋŋaa vɩa dɩ ba to sɩpaalaara-la niiŋ, aŋ ha joŋ ba tɩtɩa a hɛ vesiŋ lɛ a kpʋkpaarɛba. Doho deeŋ nɩaa-na fa bɩ ba nyɩmmaba naga, ba nyɩmmaba fa sɩɩ to La TƖƖNA niiŋ wɩaa ŋɩɩ. Ba-na guu vɩa ba kala nɛ.

SƖPAALAARAA 2:17 ပူးပေါင်းရင်းမြစ်များ

WƖA YƖƖLAA 106:39

Wɩalɩŋ ba sɩ ŋaa leŋe ba kɛŋ disiniŋ nɛ, ba fa bɩ wʋtɩtɩɩ kɛnɛ arɩ Wɩa.

WƖA YƖƖLAA 106:43

La Tɩɩna vɛnɛ laaba ta a yʋgɛ nɛ, ama ba bɩ ʋ niiŋ sɛyɛ, ba wʋbɔŋŋɔɔ leŋ ba tel.

WƖA YƖƖLAA 73:27

Nɩalɩŋ kala sɩ bɩŋ kpaga jaŋ lɛl, ŋ jaŋ chei nɩalɩŋ kala sɩ bɩŋ laa dii.

MOSIS KƐŊ IZIRAL TƖŊŊAA LƖƖ 32:8

Ba daŋa vɩa wombii-la mɩ sɩ dagɛba nɛ, aŋ libi vene ʋ nagɛ nɛ-bie, ba kpʋ kɩaa pʋ aŋ zilu a bʋl, ‘Iziral tɩmma, vene-la sɩ kɛmma kaa kʋ lɩɩ Ijipiti tinteeŋ lɛ nɛ ŋ-la.’ ”

JƐRƖMAAYA 3:6

Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

HOSIA 2:2

Má kpɩa ma naaŋ lɛ, má kpɩa ʋ lɛ, bɛɛ wɩaa ʋ tuo mɩ haal, mɩ ma tuo ʋ bala. Má leŋ dɩ ʋ lɩɩsɛ ʋ sɩaa hachɔrʋŋ wʋŋaalaa lɛ a leŋ dɩ hachɔrʋŋ wɩaa dɛrɛ ʋ tʋɔŋ lɛ.

LEVI DOHO NƖAA 17:7

Ʋ bɩ maga dɩ ba bɩra kpaarɛ vʋɩ kala, kɩalɩŋ lɛ ba fa sɩ to a ŋɩŋaa wʋlɩɩlɩŋ. Wɩɩŋ deeŋ ŋaa nii nɛ a pɩ ma dɩ ma doho kala dɩ ma tuto.’

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

Galiisia Nɩaa 1:6

Ʋ kperimi nɛ ma sɩ bɩ diene aŋ vɩa nɩɩ-la sɩ yɩrɛma Kirisito lahɔrɩmɔ lɛ, aŋ bɩra tuto wombii-wogo.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 31:18

Mɩ jaŋ joŋ mɩ harɩŋ yɩaba, a tɩŋ ba sɩ vɩamɛ aŋ ŋaa wʋbɔŋŋɔɔ a kpʋkpaarɛ vesiŋ wɩaa.

MOSIS BƖRA WULLI WƖA WOMBIIŊ 9:12

Ŋɩɩ nɛ La TƖƖNA bʋla pɩmɛ, “Lɩɩ peel-la nyuŋ a tuu lɩma, bɛɛ wɩaa nɩalɩŋ ŋ sɩ kaa lɩɩ Ijipiti tinteeŋ lɛ yeŋŋe nɛ a ŋaa wʋbɔŋ. Ba vɩa wɩalɩŋ mɩ sɩ dagɛba nɛ, aŋ libi vene a pɩ ba tɩtɩa.”

MOSIS BƖRA WULLI WƖA WOMBIIŊ 9:16

Mɩ sɩ kʋ tuu, mɩ na dɩ ma vɩa wɩalɩŋ ma TƖƖNA Wɩa sɩ dagɛma nɛ, aŋ ŋaa wʋbɔŋ a kɛŋ sɛlɩmɛ a libi nɛ-bie. Ma guu vɩa wɩalɩŋ La TƖƖNA sɩ dagɛma nɛ.

JOSUA 24:24

Nɩalɩŋ bʋla pɩ Josua, “La jaŋ to La TƖƖNA Wɩa niiŋ a to ʋ dʋndʋŋa.”

JOSUA 24:31

Josua mɩɩsɩŋ kala lɛ, Iziral tɩŋŋaa fa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa fa ha to Wɩa nɛ.

SƖPAALAARAA 2:7

Josua mɩɩsɩŋ kala lɛ, Iziral tɩŋŋaa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa ha to Wɩa nɛ.

SƖPAALAARAA 8:33

Gɩdɩɔŋ sʋʋŋ harɩŋ lɛ, Iziral tɩŋŋaa bɩra mɩɩra tuto vesi-la ba sɩɩ yɩrɛ Baal nɛ, a joŋ Baal Bɛrɩf ʋ ŋaa ba vene ba kpʋkpaarɛ,

1 SAMƲƐL 12:12

Ama ma sɩ na dɩ Amɔŋ tɩŋŋaa kuoro Nahas ka chɛ ʋ yuoma, ma vɩa ma TƖƖNA Wɩa sɩ paala ŋaa ma kuoro nɛ, aŋ bʋla pɩmɛ, ‘Laa chɛ kuoro nɛ dɩ ʋ bibeŋ la.’

1 SAMƲƐL 12:17

Bʋa deeŋ lɛ ŋaa tafaaŋ nɛ. Ama mɩ jaŋ sʋl La TƖƖNA dɩ ʋ leŋ dɩ taŋ dɔŋ, dɩ duonuŋ nɩɩ lɛɛlɛ. Ŋɩɩ nɛ ma jaŋ jɩŋ arɩ ma chaasa ŋaa wʋbɔŋ nɛ La TƖƖNA sɩpaaŋ, ma sɩ bʋla pʋ arɩ maa chɛ kuoro nɛ.”

1 SAMƲƐL 12:19

Ba kala bʋla pɩ Samʋɛl, “Laa sʋlʋŋ, sʋl ŋ TƖƖNA Wɩa a pɩ la-na ŋ tɩntɩnnaa dɩ la sɩ́ sʋʋ, bɛɛ wɩaa la na dɩ la ŋaa wʋbɔŋ nɛ a pɛ la wʋbɔŋŋɔɔ lɛ, la sɩ bʋla arɩ laa chɛ kuoro nɛ.”