SƖPAALAARAA 2:15 - WƖA TENIŊ

¹⁵ Bʋa na-kala dɩ Iziral tɩŋŋaa nɛ mʋa dɩ ba yuo laalɩŋ, La TƖƖNA yie leŋ ba yuo diiba nɛ, arɩ ŋɩɩ ʋ fa sɩ ŋmɩɛsa pɩba. Bʋa-la lɛ, ba chaasa hɛ hɛɛŋ tʋɔŋ nɛ woruŋ.

SƖPAALAARAA 2:15 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 12:1

Rihobuam sɩ dii kuoruŋ, ʋ kuoruŋ chaasa chɩŋ a kɛŋ doluŋ, ŋɩɩ nɛ ʋ dɩ Iziral tɩŋŋaa kala sɩ hɛ ʋ teeŋ vɩa dɩ ba to La TƖƖNA wombii-la ʋ sɩ bile dɩ ba tuto.

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 44:11

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ chaasa kɛŋ mɩ tʋɔŋ nɛ dɩ mɩ kɛŋ wʋlɔrʋŋ kʋ hɛ ma lɛ a chei Juda kala.

JƐRƖMAAYA 44:27

Mɩ bene a chɩchɛ wombiiŋ nɛ dɩ mɩ ŋaaba wʋbɔŋ, wʋzɔŋ dee. Juu tɩmma-la sɩ hɛ Ijipiti lɛ jaŋ sʋʋ laalɩŋ lɛ, koo losuŋ kpʋba, dɩ ba kala dɛrɛ.

MƖKA 2:3

Ŋɩɩ wɩaa, La TƖƖNA sɩ, “Mɩɩ bɩɩnɛ mɩ ŋaa wʋlɔrʋŋ nɛ ma nɩaa deemba lɛ, ma bɩ jaŋ wuo laa ma tɩtɩa. Ma bɩra bɩ jaŋ wuo ŋaa wɩaa a dagɛ ma tɩtɩa, bɛɛ wɩaa bʋa-la lɛ wɩaa jaŋ jʋʋma.

2 Kɔrɩntɩ Nɩaa 4:8

La na hɛɛŋ nɛ woruŋ lee-na kala, ama hɛɛ-la bɩ la wuo. Bʋa dɔŋɔ lɛ la yie bɩ jɩŋ wɩɩ-la kala lɛ la sɩ hɛ, ama la ha kɛŋ yɩɛlaa.

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”

SƖPAALAARAA 10:9

Amɔŋ tɩŋŋaa ma chol Jɔdaŋ fuo-la dɩ ba yuo Juda, Bɛnjamɩŋ arɩ Efirem doho nɩaa, hɛɛŋ chaasa jʋʋ Iziral tɩŋŋaa kala.

RUF 1:13

ma jaŋ wuo gbɛrɛ dɩ ba waa? Ma jaŋ tɩŋ ba wɩaa a sɩ́ balaba jaa? Mɩ toloo, aɩ, ŋɩɩ bɩ jaŋ ŋaa. Wɩɩ-la wɩɩmɛ a kɩkɩɩma, bɛɛ wɩaa La TƖƖNA vɩamɛ nɛ.”

1 SAMƲƐL 12:15

Ama dɩ ma nɛ bɩ La TƖƖNA niiŋ to, aŋ chichei wɩalɩŋ ʋ sɩ daga, ʋ jaŋ dɔgɩsɛ ma dɩ ma kuoru-la kala arɩ ʋ fa sɩ dɔgɩsɛ ma nyɩmmaba ŋɩɩ.

1 SAMƲƐL 13:6

Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.

1 SAMƲƐL 14:24

Tapʋlɩɩ-la losuŋ kɛŋ Iziral tɩŋŋaa laalɩyuoroo ba na hɛɛŋ woruŋ, bɛɛ wɩaa Sɔɔl fa ŋmɩɛsa nɛ a bʋl, “Dɩ mɩ nɛ bɩ mɩ baanɩŋ joŋo fɩɩsɛ mɩ dʋndɔŋŋɔɔ lɛ jɩnɩŋ, ka dɩ ma kʋŋ dii kɩaa, ŋmɩaŋ jaŋ dii tɩɩna.” Ŋɩɩ wɩaa nʋʋkala bɩ kʋŋ die.

1 SAMƲƐL 30:6

Devit tʋɔŋ fa faasa chei, bɛɛ wɩaa, baala-la bʋla arɩ ba jaŋ yagʋ kpʋ arɩ tabɩaa a tɩŋ ba sɩ kɛsɛ ba hambolibiisiŋ arɩ hantolibiisiŋ viiri wɩaa. Ka La TƖƖNA Wɩa leŋ Devit ha kɛŋ bɔɩ-duoŋ.