SƖPAALAARAA 2:14 - WƖA TENIŊ

¹⁴ La TƖƖNA sɩ na baanɩŋ Iziral tɩŋŋaa nyuŋ ŋɩɩ, ʋ jomba hɛ laalɩyuoroo nɩsɩŋ lɛ, ba yuoba a paa ba kɩaa kala. Ʋ jomba hɛ ba dʋndɔmɔ-la kala sɩ golliba nɩsɩŋ lɛ nɛ, nɩalɩŋ nɩsɩŋ lɛ ba sɩ bɩ wuo fori.

SƖPAALAARAA 2:14 ပူးပေါင်းရင်းမြစ်များ

2 SAMƲƐL 24:1

Bʋa kʋbala lɛ La TƖƖNA bɩra na baanɩŋ Iziral tɩŋŋaa nyuŋ, a yigi kuoro Devit hɛ ba lɛ a bʋl, “Mʋ a dɩɩsɛ Iziral arɩ Juda nɩaa kala.”

2 SAMƲƐL 7:11

bʋa-la lɛ mɩ fa sɩ lɩɩsɛ sɩpaalaaraa ba bibemba. Mɩ sɩ mɩ jaŋ leŋ dɩ ma wiesi ma dʋndɔŋŋɔɔ kala nɩsɩŋ lɛ. Mɩ-na ŋ TƖƖNA tɩtɩa nɛ bʋla pɩŋ arɩ mɩ jaŋ leŋ dɩ ŋ dɩa chaasa chɩŋ woruŋ.

2 KUOROO 13:3

Ŋɩɩ leŋ La TƖƖNA na baanɩŋ Iziral tɩŋŋaa nyuŋ, a leŋ Siiria kuoro Hazɛɛl arɩ ʋ nanʋala Bɛŋ-Hadad yuo diiba, a bemba dieni.

2 KUOROO 17:20

Ŋɩɩ nɛ La TƖƖNA vɩa Iziral tɩŋŋaa kala ta, aŋ dɔgɩsɛba a leŋ ba dʋndɔŋŋɔɔ sɩ kɛŋ tʋɔhɛɛŋ kɛsɛba a kaa viiri.

2 IZIRAL TƖŊŊAA NAABARƖŊ 15:5

Bʋa-la lɛ wombiiŋ vɛnɩŋ fa kɛŋ bɔɩ-joŋ nɛ, bɛɛ wɩaa tinteeŋ kala fa vʋgʋma nɛ.

2 IZIRAL TƖŊŊAA NAABARƖŊ 28:5

Ŋɩɩ nɛ ʋ Tɩɩna Wɩa joŋu hɛ Siiria kuoro nɩsɩŋ lɛ. Ba yuo diiu a kɛsɛ ʋ nɩaa yʋgɛ woruŋ a kaa mʋ Damasɩkʋs ba ŋaa dansarɩkaba. La TƖƖNA bɩra joŋu hɛ Iziral kuoro nɩsɩŋ lɛ nɛ ʋ chaasa kpʋ ʋ nɩaa woruŋ.

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

NƐHƖMAAYA 9:27

Ŋɩɩ nɛ ŋ jomba hɛ ba dʋndɔŋŋɔɔ nɩsɩŋ lɛ, ba dɔgɩsɛba. Ama ba sɩ dɔgɩsɛba, ba yele pɩŋ nɛ. Ŋ hɛ ŋ jaŋ lɛ nɛ aŋ nɩɩ, a tɩŋ ŋ sɩ faasa fɩfá nɩaa nenige wɩaa, ŋ pɩba laataaraa nɛ, ba laaba ta ba dʋndɔmɔ-la nɩsɩŋ lɛ.

WƖA YƖƖLAA 44:11

Ŋ joŋ la ta nɛ ba kpʋla a nagɛ piesee, ŋ kɛnla pɩsa guoli tinteyee lɛ.

WƖA YƖƖLAA 44:12

Ŋ joŋ ŋ nɩaa yallɛ nɛ, aŋ bɩ nyʋʋrɩɩ kala na.

AZAAYA 42:24

Kʋbɛɛ nɛ leŋe ba yuo dii Iziral tɩŋŋaa a paa ba kɩaa ŋɩɩ? La TƖƖNA nɛ, Nɩɩ-la harɩŋ la sɩ lɩa a ŋaa wʋbɔmʋŋ. Ba vɩa dɩ ba to ʋ wombiiŋ nɛ, a bɩ wɩalɩŋ ʋ sɩ dagɛba sɛyɛ.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

JƐRƖMAAYA 37:10

Dɩ ma nɛ fa paala yuo dii Babɩlɔŋ tɩŋŋaa laalɩyuoroo kala sɩɩ yuoma ma, aŋ ka ba nɩalɩŋ sɩ bolimo dʋndʋŋa ma ba lɛŋŋɛɛ lɛ, ba jaŋ wuo kʋ lɩɩ a nyɩgɛ tabalɩŋ deeŋ dɩ ʋ dii tel.”

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

LEVI DOHO NƖAA 26:37

Ma jaŋ fá a yigi dɔŋɔ lulo arɩ laalɩŋ nɩɩ kirima, ka nʋʋkala bɩ maa kiri. Ŋɩɩ jaŋ leŋ dɩ ma sɩ́ wuo yuo ma dʋndɔŋŋɔɔ.

NAMBABA 32:13

Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ a leŋ ba baarɛ tintee-hɩlɩŋ lɛ ŋɩɩ jɩsɩŋ mahɩŋ balɩa, a mʋ yi bʋa-la lɛ nɩalɩŋ kala fa sɩ ŋaa wʋbɔŋ-la sɩ sʋʋ dɛrɛ.

NAMBABA 32:14

Ma nɩaa deemba, wʋbɔŋ ŋaaraa, ma ma bɩra sii chɩŋ ma nyɩmmaba wʋbɔmɔ-la tɩtɩa ba fa sɩɩ ŋaa lɛ nɛ, aa chɛ dɩ La TƖƖNA baanɩŋ faasa sii Iziral tɩŋŋaa nyuŋ.

MOSIS BƖRA WULLI WƖA WOMBIIŊ 28:20

Dɩ ma nɛ vɩa La TƖƖNA, ʋ jaŋ leŋ dɩ ma wɩɩkala vʋgʋmɛ, dɩ wʋwalɩmaa jʋʋma dɩ ma to ŋɩɩ lɛ a kala guu chei, a tɩŋ wʋbɔŋ-la ma sɩ ŋaa lɛ.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 28:58

Dɩ ma nɛ bɩ ma sɩaa fɩɛla a to Wɩa niiŋ arɩ ʋ wɩalɩŋ kala ba sɩ ŋmʋnsa a hɛ teniŋ deeŋ lɛ, a bɩ ma TƖƖNA Wɩa yɩrɩ-bal-la sɩ kɛŋ fawʋllʋŋ kaa tɩtɩŋ,

MOSIS BƖRA WULLI WƖA WOMBIIŊ 32:30

Bɛɛ nɛ tɩɩ nɩbala wuo kiri Iziral tɩŋŋaa bʋɩ? Koo nɩaa balɩa yuo a dii Iziral tɩŋŋaa bʋɩ fii? Dɩ mɩ-na ba TƖƖNA sɩ kɛŋ doluŋ dee bɩ ba joŋo pa koo dɩ mɩ-na ba Wɩa dee bɩ ba harɩŋ mɩɩra, nʋʋ bɩ wɩɩ wuo ŋaa.

JOSUA 23:16

Dɩ ma nɛ vɩa dɩ ma to nii-la sɩ hɛ ma dɩ ma TƖƖNA Wɩa pɛgɛ, kʋ-la ʋ sɩ dagɛma, aŋ kpʋkpaarɛ vesiŋ a kpikpirimi ba sɩpaaŋ, La TƖƖNA jaŋ na baanɩŋ ma nyuŋ a leŋ dɩ ma kala guu nyɩɩgɛ tintee-zɔŋ-la ʋ sɩ joŋo pɩma lɛ.”

SƖPAALAARAA 1:19

La TƖƖNA fa chɩŋ Juda doho nɩaa harɩŋ nɛ, ŋɩɩ nɛ ba yuo laa tintee-la peelee sɩ yʋga. Ama ba fa bɩ wuo kiri nɩalɩŋ-na sɩ hɛ tintee-taalɩ-la lɛ, bɛɛ wɩaa nɩalɩŋ fa kɛŋ laalɩŋ janɩŋ torukoba ba sɩ kɛŋ hɔɔnʋŋ ŋaa nɛ.

SƖPAALAARAA 1:34

Amɔrɩ tɩŋŋaa kɛrɛ Daŋ doho nɩaa-na a hɛ tintee-la peelee sɩ yʋga lɛ nɛ, a pɔ dɩ ba sɩ́ kʋ tuu tintee-taala-la leriŋ.

SƖPAALAARAA 10:7

ʋ na baanɩŋ ba nyuŋ, a jomba hɛ Fɩlɩsɩtɩa tɩŋŋaa arɩ Amɔŋ tɩŋŋaa nɩsɩŋ lɛ.

SƖPAALAARAA 2:20

Ŋɩɩ wɩaa, La TƖƖNA chaasa na baanɩŋ Iziral tɩŋŋaa nyuŋ a bʋl, “A tɩŋ tinteeŋ deeŋ nɩaa sɩ chei nii-la mɩ sɩ hɛ mɩ dɩ ba naabalɩmaba pɛgɛ, a bɩ jegile nɩɩ mɩ teeŋ,

SƖPAALAARAA 3:12

Iziral tɩŋŋaa bɩra ŋaa wʋbɔŋ kʋbala La TƖƖNA teeŋ. A tɩŋ wʋbɔŋ-la wɩaa, La TƖƖNA leŋ Mʋab kuoro Ɛgɩlɔŋ kɛŋ doluŋ a kɩɩ Iziral tɩŋŋaa.

SƖPAALAARAA 4:2

Ŋɩɩ nɛ La TƖƖNA leŋ Kɛnaŋ tɩŋŋaa kuoro Jabɩŋ sɩ hɛ Hazɔ lɛ aŋ bibemba yuo dii Iziral nɩaa. Ʋ laalɩyuoroo nɩhɩaŋ ma nɛ fa ŋaa Sɩsɛra a hɛ taŋ-la ba sɩɩ yɩrɛ Harɔsɛf Hagoyim lɛ.