SƖPAALAARAA 2:11 - WƖA TENIŊ

¹¹ Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ a kpʋkpaarɛ vesi-la ba sɩɩ yɩrɛ Baal.

SƖPAALAARAA 2:11 ပူးပေါင်းရင်းမြစ်များ

WƖAA DƖ-SUOMUŊ 13:13

Ama Sodom nɩaa fa ŋaa nɩbɔmɔ nɛ a chaasa ŋaa wʋbɔŋŋɔɔ La TƖƖNA teeŋ.

WƖAA DƖ-SUOMUŊ 38:7

Ama Ɛɛ fa ŋaa nɩbɔŋ nɛ La TƖƖNA teeŋ, ŋɩɩ nɛ La TƖƖNA kpʋʋ.

1 KUOROO 11:5

Ʋ mɩɩra kpʋkpaarɛ Sɩdɔŋ tɩŋŋaa veŋ-haal-la ba sɩɩ yɩrɛ Asɩtɔrɛf arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk nɛ.

1 KUOROO 18:18

Ɩlaaja bʋl, “Mɩ bɩ wɩɩkala hɛ Iziral tinteeŋ lɛ. Ŋ dɩ ŋ nyɩmma dɩa nɩaa nɛ hɛ wɩaa. Ma nɛ vɩa wɩalɩŋ La TƖƖNA sɩ daga aŋ mʋ tuto vene-la ba sɩɩ yɩrɛ Baal.

1 KUOROO 22:53

Ʋ faa to vene-la ba sɩɩ yɩrɛ Baal nɛ, a leŋ La TƖƖNA Iziral Wɩa baanɩŋ chaasa sii arɩ ʋ nyɩmma fa sɩ ŋaa ŋɩɩ.

2 IZIRAL TƖŊŊAA NAABARƖŊ 28:2

Ʋ fa to Iziral tinteeŋ kuoroo naabʋɔsʋŋ nɛ a libi Baal tɔŋŋɔɔ a kpʋkpaarɛ.

2 IZIRAL TƖŊŊAA NAABARƖŊ 28:3

Ʋ fa kpʋ pʋsʋŋ a nyɩgɛ nɛ Bɛŋ Hɩnɔm fuonaaŋ lɛ, a paala kɛŋ ʋ tɩtɩa hambolibiisiŋ kpʋ a nyɩga pɩ vesiŋ a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

2 IZIRAL TƖŊŊAA NAABARƖŊ 33:6

Ʋ kɛŋ ʋ tɩtɩa hambolibiisiŋ mʋ Hɩnɔm Fuonaaŋ a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa arɩ hɩl wɩaa, a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

ƐZƖRA 8:12

Azigad ma doho nɩaa tʋɔŋ, Hakataŋ nanʋala Johanaŋ arɩ baalaa zɔlɔ arɩ fii.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

WƖA YƖƖLAA 78:56

Ama nɩalɩŋ fa ha magɩsɛ Wɩa nɛ, a vɩa Wɩa sɩ kɩɩ kʋŋkala, a bɩ wɩalɩŋ ʋ sɩ daga ka to.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

NAMBABA 25:3

Ŋɩɩ nɛ Iziral tɩŋŋaa pɛ a kpʋkpaarɛ ba vene-la ba sɩɩ yɩrɛ Baal, a hɛ Pio lɛ. La TƖƖNA faasa na baanɩŋ ba nyuŋ.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 4:25

Dɩ ma nɛ mʋ hɔŋ tintee-la lɛ a dieni, a lʋl biiriŋ dɩ ba ma sii a lʋl biiriŋ, ma pʋpɔ má sɩ́ wʋbɔŋ ŋaa ma TƖƖNA Wɩa sɩɩŋ lɛ, a mɛ tɔmʋŋ dɩ ʋ nagɛ kʋŋkala a pɩ ma tɩtɩa. Dɩ ma nɛ ŋaa ŋɩɩ, ʋ baanɩŋ jaŋ sii ma nyuŋ.

SƖPAALAARAA 10:10

Ŋɩɩ nɛ Iziral tɩŋŋaa ŋmoo niiŋ a pɩ La TƖƖNA, a bʋl, “La ŋaa wʋbɔŋ nɛ ŋ teeŋ, la sɩ vɩa la Wɩa aŋ tuto vesi-la ba sɩɩ yɩrɛ Baal.”

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,

SƖPAALAARAA 13:1

Iziral tɩŋŋaa bɩra ŋaa wʋbɔŋŋɔɔ La TƖƖNA teeŋ, ʋ jomba a hɛ Fɩlɩsɩtɩa tɩŋŋaa nɩsɩŋ lɛ jɩsɩŋ mahɩŋ balɩa.

SƖPAALAARAA 3:12

Iziral tɩŋŋaa bɩra ŋaa wʋbɔŋ kʋbala La TƖƖNA teeŋ. A tɩŋ wʋbɔŋ-la wɩaa, La TƖƖNA leŋ Mʋab kuoro Ɛgɩlɔŋ kɛŋ doluŋ a kɩɩ Iziral tɩŋŋaa.

SƖPAALAARAA 3:7

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ, ba yʋ La TƖƖNA wɩaa aŋ tuto vesi-la ba sɩɩ yɩrɛ Baal arɩ Asɩra.

SƖPAALAARAA 4:1

Ehud sɩ sʋba harɩŋ, Iziral tɩŋŋaa bɩra ŋaa wʋbɔŋ La TƖƖNA teeŋ.

SƖPAALAARAA 6:1

Ŋɩɩ nɛ Iziral tɩŋŋaa bɩra ŋaa wʋbɔŋ La TƖƖNA teeŋ, ʋ jomba hɛ Midiaŋ tɩŋŋaa nɩsɩŋ lɛ jɩsɩŋ balɩpɛ.

SƖPAALAARAA 6:25

Tɩtaŋ-la tɩtɩa nɛ La TƖƖNA bʋla pɩ Gɩdɩɔŋ, “Kɛŋ ŋ nyɩmma nɛsɩŋ tʋɔŋ nɛ-bele sɩ yi jɩsɩŋ balɩpɛ. Ŋmoo ŋ nyɩmma koru-la ʋ sɩ saa pɩ vene-la ba sɩɩ yɩrɛ Baal lo, a keri vene-la ma ba sɩɩ yɩrɛ Asɩra daa-la sɩ chɩna kpɛrɛ Baal lo,

SƖPAALAARAA 8:33

Gɩdɩɔŋ sʋʋŋ harɩŋ lɛ, Iziral tɩŋŋaa bɩra mɩɩra tuto vesi-la ba sɩɩ yɩrɛ Baal nɛ, a joŋ Baal Bɛrɩf ʋ ŋaa ba vene ba kpʋkpaarɛ,

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”

1 SAMƲƐL 7:4

Ŋɩɩ nɛ Iziral tɩŋŋaa vɩa vesi-la ba sɩɩ yɩrɛ Baal arɩ Asɩtɔrɛf, aŋ joŋ ba tɩtɩa kala pɩ La TƖƖNA a tuto ʋ dʋndʋŋa.