SƖPAALAARAA 2:10 - WƖA TENIŊ

¹⁰ Doho deeŋ nɩaa kala sɩ kʋ sʋʋ dɛrɛ, do-falɩɩ ma bɩra sii, a bɩ La TƖƖNA jɩŋ, a bɩ wɩalɩŋ ʋ sɩ ŋaa pɩ Iziral tɩŋŋaa ma jɩŋ.

SƖPAALAARAA 2:10 ပူးပေါင်းရင်းမြစ်များ

WƖAA DƖ-SUOMUŊ 15:15

Ŋ-na tɩtɩa jaŋ hɩɛsɛ woruŋ aŋ na sʋʋ arɩ yarɩfɩɛlaa dɩ ba huguŋ.

WƖAA DƖ-SUOMUŊ 25:17

Ɩsɩmɛl fa ŋaa jɩsɩŋ zɔlɔ arɩ mara arɩ fii arɩ balɩpɛ nɛ aŋ sʋʋ. Ba joŋu hugi ʋ nɩaa tʋɔŋ.

WƖAA DƖ-SUOMUŊ 25:8

Ʋ fa hɩɛsa nɛ woruŋ aŋ-na sʋʋ.

WƖAA DƖ-SUOMUŊ 49:33

Jekɔb sɩ bʋl wɩaa deemba pɩ ʋ biiriŋ dɛrɛ, ʋ kɛŋ ʋ naasɩŋ pɛ dɔŋɔ lɛ aŋ wiesi ʋ wiesi-katɩɩ aŋ sʋʋ.

2 SAMƲƐL 7:12

Dɩ ŋ tapʋlaa nɛ yie dɩ ŋ sʋʋ a mʋ ŋ nyɩmmaba teeŋ, mɩ jaŋ lɩɩsɛ ŋ bii-lʋlʋŋ dɩ ʋ dii kuoruŋ ŋ nyuŋ. Mɩ jaŋ leŋ dɩ ʋ kuoruŋ chɩŋ.

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

JOB 21:14

Ba ha yie bʋla pɩ Wɩa, ‘Leŋ la sɔm.’ La bɩ chɛ dɩ la jɩŋ ŋ wombiee,

MOSIS KƐŊ IZIRAL TƖŊŊAA LƖƖ 1:6

Ʋ kʋ magɛ ŋɩɩ Josɛf arɩ ʋ naambiiri-la kala sɩ hɛ Ijipiti tinteeŋ lɛ sʋʋ.

MOSIS KƐŊ IZIRAL TƖŊŊAA LƖƖ 1:8

Ŋɩɩ nɛ kuoru-falɩɩ kʋ dii kuoruŋ Ijipiti tinteeŋ lɛ, ʋ bɩ Josɛf wɩaa jɩŋ.

MOSIS KƐŊ IZIRAL TƖŊŊAA LƖƖ 5:2

Ŋɩɩ nɛ Ijipiti tinteeŋ kuoro pɩɛsɛ, “Kʋbɛɛ nɛ ŋaa ma TƖƖNA, aa chɛ dɩ mɩ sɛɩ ʋ niiŋ, a leŋ dɩ ma mʋ? Mɩ bɩ ma TƖƖNA jɩŋ, mɩ bɩ jaŋ leŋ dɩ Iziral tɩŋŋaa mʋ.”

AZAAYA 5:12

Dɩ ba gbielee ma lɛ nɛ, ba yie du chenniŋ arɩ ba kɔnɛba a chɩgɩsɛ chɩnchɩgɩsɩŋ a ŋmʋʋ ŋmʋlaa hɛ, aŋ nyʋnyʋa sɩnɩŋ. Ama ba paala bɩ wɩalɩŋ La TƖƖNA sɩ ŋaa kaa tɩtɩŋ, ba sɩpaaŋ tuo ba lɛ.

JƐRƖMAAYA 22:16

Ʋ fa chɩna gbɛrɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, wɩaa vɛŋ woruŋ a pʋ. Ŋɩɩ nɩa sɩ jaŋ ŋaa a dagɛ arɩ ʋ jɩmmɛ nɛ ŋɩɩ. Mɩ-na ma TƖƖNA nɛ bʋla.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 9:2

Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

JƐRƖMAAYA 9:3

Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.

JƐRƖMAAYA 9:5

Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.

NAMBABA 27:13

Dɩ ŋ nɛ naʋ, ŋ ma jaŋ sʋʋ a nagɛ ŋ naambie Arɔŋ sɩ sʋʋ ŋɩɩ.

Luuk 20:32

Ʋ ŋɩɩ harɩŋ haal-la ma sʋʋ.

Tɩntɩŋŋaa 13:36

Devit fa ŋaa wɩalɩŋ Wɩa sɩɩ chɛ dɩ ʋ ŋaa nɛ. Ʋ ŋaa ŋɩɩ ʋ mɩɩsɩŋ lɛ aŋ sʋʋ. Ba joŋu hugi ʋ naabalɩmaba tʋɔŋ, ʋ pʋa.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

JOSUA 24:31

Josua mɩɩsɩŋ kala lɛ, Iziral tɩŋŋaa fa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa fa ha to Wɩa nɛ.

1 SAMƲƐL 2:12

Eli hambolibiisiŋ fa ŋaa bii-bɔmɔ nɛ, ba bɩ La TƖƖNA ka fá.