SƖPAALAARAA 2:1 - WƖA TENIŊ

¹ Ŋɩɩ nɛ Wɩa tɩndaara lɩɩ Gɩlɩgal lɛ a mʋ Bokim a bʋla pɩ Iziral tɩŋŋaa, “Mɩ kɛmma lɩɩ Ijipiti tinteeŋ lɛ nɛ, a kɛmma kaa mʋ tintee-la mɩ sɩ hɛ niiŋ arɩ mɩ jaŋ joŋo pɩ ma naabalɩmaba. Mɩ sɩ, ‘Mɩ bɩ jaŋ kɔ dɩ mɩ leŋe dɩ niiŋ deeŋ birigi.

SƖPAALAARAA 2:1 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 16:13

Ʋ sɩ bʋl ŋɩɩ dɛrɛ, Haga bʋl: “Lɛɛlɛ mɩ na Wɩa arɩ mɩ sɩɩŋ aŋ bɩ sʋba. Mɩ jaŋ hɛ ʋ yɩrɩŋ ‘Wɩa-la sɩ namɛ’.”

WƖAA DƖ-SUOMUŊ 48:16

Dɩ Wɩa tɩndaarʋ-la sɩ lɩɩsɛmɛ mɩ wʋjʋʋlaa kala lɛ pɛ hambiisiŋ deemba lɛ, a leŋ dɩ mɩ yɩrɩŋ yɩrɛ, dɩ mɩ nyɩmma Abɩraham arɩ Aɩzɩk yɩrɩŋ ma yɩrɛ, a ŋaa dɩ ba pʋŋ a su tinteeŋ kala.”

WƖA YƖƖLAA 89:3

Ŋ bʋla, “Mɩ bil niiŋ nɛ mɩ dɩ nɩɩ-la mɩ sɩ lɩɩsa pɛgɛ, mɩ ŋmɩɛsa pɩ mɩ tɩntɩnna Devit nɛ a bʋl,

WƖA YƖƖLAA 89:34

Mɩ bɩ jaŋ chei nii-la mɩ sɩ bile mɩ dɩ ʋ pɛgɛ, koo a lɩɩ wɩalɩŋ mɩ sɩ bʋla harɩŋ.

MOSIS KƐŊ IZIRAL TƖŊŊAA LƖƖ 14:14

La TƖƖNA jaŋ yuo laama, má-na bibeŋ Wɩa lɛ.”

MOSIS KƐŊ IZIRAL TƖŊŊAA LƖƖ 14:19

Ŋɩɩ nɛ Wɩa tɩndaarʋ-la fa sɩ laa Iziral tɩŋŋaa sɩpaaŋ mɩɩra bala chɩŋ ba harɩŋ, duoŋ-bɩlɩmbaaŋ-la ma fa sɩ nagɛ jebiiŋ ma lɩɩ ba sɩpaaŋ kʋ bala chɩŋ ba harɩŋ.

MOSIS KƐŊ IZIRAL TƖŊŊAA LƖƖ 20:2

“Mɩ-na nɛ ma TƖƖNA Wɩa. Mɩ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.

MOSIS KƐŊ IZIRAL TƖŊŊAA LƖƖ 23:20

Má bee na, mɩ jaŋ tɩŋ mɩ tɩndaara dɩ ʋ laa ma sɩpaaŋ a pɔma a kɛmma kaa mʋ lee-la mɩ sɩ wasa bil ma lɛ.

MOSIS KƐŊ IZIRAL TƖŊŊAA LƖƖ 33:14

Ŋɩɩ nɛ La TƖƖNA bʋla pɩ Mosis, “Mɩ jaŋ hɛ ŋ teeŋ lee na-kala ŋ sɩɩ mʋ, a leŋ dɩ ŋ na wiese.”

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JƐRƖMAAYA 14:21

A tɩŋ ŋ yɩrɩŋ wɩaa, sɩ́ la vɩa ta. Sɩ́ hɩɩsɩŋ joŋo hɛ ŋ kuoru kpasa sɩ kɛŋ yɩrɩŋ lɛ. Liise yi nii-la ŋ sɩ hɛ la dɩ ŋ pɛgɛ lɛ a sɩ́ ʋ chei.

LEVI DOHO NƖAA 26:42

mɩ jaŋ liisi nii-la sɩ hɛ mɩ dɩ Jekɔb arɩ Aɩzɩk arɩ Abɩraham pɛgɛ a mʋ tɩgɛ tintee-la mɩ sɩ sɩ mɩ jaŋ joŋo pɩba lɛ.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

ZƐKARƖYA 11:10

Ŋɩɩ nɛ mɩ joŋ mɩ dantɩga-la mɩ sɩɩ yɩrɛ Chonuŋ a boru, a chei nii-la mɩ sɩ hɛ mɩ dɩ tinteyee nɩaa kala pɛgɛ.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

NAMBABA 14:34

Ma jaŋ na hɛɛŋ jɩsɩŋ mahɩŋ balɩa a tɩŋ ma wʋbɔŋŋɔɔ wɩaa. Tapʋlaa mahɩŋ balɩa-la ma sɩ joŋo a kaa dʋʋra beŋ tintee-la, tapʋl-bala kala ŋaa jɩna nɛ. Dɩ ma nɛ na hɛɛŋ a tɩŋ ma wʋbɔŋŋɔɔ wɩaa, ma jaŋ jɩŋ ŋɩɩ ʋ sɩ naga dɩ mɩ baanɩŋ nɛ sii ma nyuŋ.

MOSIS BƖRA WULLI WƖA WOMBIIŊ 1:8

Leree deemba kala nɛ mɩ-na ma TƖƖNA hɛ niiŋ a pɩ ma naabalɩmaba Abɩraham, Aɩzɩk arɩ Jekɔb arɩ mɩ jaŋ joŋo pɩ ba dɩ ba doho nɩaa kala. Má mʋ hɔŋ nɩmɛ, ma nɛ tɩɩʋ.”

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

JOSUA 3:10

Dɩ ma nɩɩ mʋ, ma TƖƖNA jaŋ sɛnɛ kiri Kɛnaŋ tɩŋŋaa, Hiti tɩŋŋaa, Hivi tɩŋŋaa, Pɛrɛs tɩŋŋaa, Gɩgasɩ tɩŋŋaa, Amɔrɩ tɩŋŋaa arɩ Jebus tɩmma-la kala sɩ hɛ tintee-la lɛ dɩ ba lɩɩ. Ma jaŋ jɩŋ arɩ ma TƖƖNA Wɩa sɩ weye hɛ ma tʋɔŋ nɛ,

SƖPAALAARAA 11:24

Ma vene-la ba sɩɩ yɩrɛ Kɛmɔs sɩ joŋ kʋ-la pɩma nɛ jaŋ ŋaa ma kʋa. Ŋɩɩ tɩtɩa nɛ la ma jaŋ tɩɩ kʋŋ na-kala La TƖƖNA Wɩa sɩ joŋo pɩla.

SƖPAALAARAA 13:2

Bʋa-la lɛ baal kʋbala nɛ fa hɛ nɩmɛ baa yɩrɛ Manʋa, a lɩɩ taŋ kʋbala baa yɩrɛ Zora. Ʋ fa ŋaa Daŋ doho nʋʋ nɛ. Ʋ haala fa ŋaa hapɩrɩ nɛ a bɩ bii lʋla.

SƖPAALAARAA 13:3

La TƖƖNA tɩndaarʋ kʋbala kɛŋ ʋ tɩtɩa kʋ dagɛ haal-la a bʋla pʋ, “Ŋ ŋaa hapɩrɩ nɛ a bɩ bii kɛnɛ, ama ŋ jaŋ kɛŋ luoruŋ a lʋl hambolibie.

SƖPAALAARAA 2:5

Ŋɩɩ nɛ ba hɛ lee-la yɩrɩŋ Bokim (ʋ bʋbʋɔŋ nɛ nɩaa sɩɩ yel). Ŋɩɩ nɛ ba kpʋ pʋsʋŋ a ŋaa Wɩɩsʋlʋŋ pɩ La TƖƖNA nɩmɛ.

SƖPAALAARAA 6:8

ʋ tɩŋ ʋ wʋlaabʋlla. Ʋ kʋ bʋla pɩba, “Wɩɩ-la La TƖƖNA Iziral Wɩa sɩ bʋla nɛ ŋ-la: ‘Mɩ nɛ kɛmma lɩɩ Ijipiti tinteeŋ lɛ, lee-la ma fa sɩ hɛ a ŋaa yosi.