SƖPAALAARAA 19:1 - WƖA TENIŊ

¹ Bʋa-la lɛ Iziral tɩŋŋaa fa sɩ bɩ kuoro kɛnɛ, Levi doho nʋʋ kʋbala fa hɛ gɩrɩŋ tʋɔŋ Efirem tintee-la peelee sɩ yʋga lɛ. Ʋ bil haal kʋbala sɩ lɩɩ Bɛtɩlɛhɛm sɩ hɛ Juda tinteeŋ lɛ, aŋ ha bɩ jaa.

SƖPAALAARAA 19:1 ပူးပေါင်းရင်းမြစ်များ

WƖAA DƖ-SUOMUŊ 22:24

Ruuma fa ŋaa Nahɔ haala dɔŋɔ ʋ sɩ bile nɛ aŋ ha bɩ jaa ka ba lʋl biiriŋ deemba: Teba, Gaham, Tahas arɩ Maaka.

WƖAA DƖ-SUOMUŊ 25:6

Abɩraham fa ha sɩ hɛ ʋ mɩɩsɩŋ lɛ, ʋ joŋ kɩaa a pɩ ʋ haala-la dɔnsʋŋ ʋ sɩ bile aŋ bɩ jaa biiriŋ ma nɛ, aŋ leŋ ba lɩɩ a mʋ hɛ wɩɩpɔsʋŋ dɩɩrɩŋ, aŋ ka Aɩzɩk.

WƖAA DƖ-SUOMUŊ 35:19

Rakɛl sɩ sʋba, ba joŋu hugi Ɛfɩraf wombiiŋ (Bɛtɩlɛhɛm nɛ ŋɩɩ).

2 SAMƲƐL 16:22

Ŋɩɩ nɛ ba hɛ lɛbɩŋ kuoru-dɩa lusuŋ nyuŋ a pɩ Abɩsalɔm. Iziral nɩaa kala bibeŋ, ka ʋ kɛŋ ʋ nyɩmma haala-la ʋ sɩ bile aŋ bɩ jaa pɩŋ nɩmɛ.

2 SAMƲƐL 19:5

Ŋɩɩ nɛ Jʋab mʋ kuoro dɩa a bʋla pʋ, “Jɩnɩŋ ŋ joŋ hɩɩsɩŋ hɛ nɩaa kala lɛ nɛ, nɩalɩŋ sɩ laa ŋ mɩɩsɩŋ, ŋ hambolibiisiŋ, toloo arɩ ŋ haala-la ŋ sɩ bile aŋ bɩ jaa.

2 SAMƲƐL 20:3

Devit sɩ mɩɩra kɔ ʋ kuoru dɩa sɩ hɛ Jerusalɛm lɛ, ʋ kɛŋ haala-la ʋ sɩ bile aŋ bɩ jaa a leŋ ba pɔ ʋ kuoru dɩa, a tɔ hɛ dɩa lɛ a leŋ laalɩyuoroo bibemba. Ʋ pɩpɩba kɩalɩŋ ba sɩɩ chɛ, ama ʋ dɩ ba kʋŋkala bɩ bɔsɔ ka pɛ. Ba tɔba ŋɩɩ nɛ, ba hɛ nɩmɛ deeŋ deeŋ a mʋ yi tapʋlɩɩ-la ba sɩ sʋba. Ba hɛ nɩmɛ a nagɛ yo-haalaa.

2 SAMƲƐL 3:7

Sɔɔl fa bil haal kʋbala nɛ aŋ bɩ jaa ba yɩyɩrɛ Rɩzɩpa. Haal-la fa ŋaa Ayɩa tolo nɛ. Sɔɔl nanʋala Ɩsɩ-Bɔsɛf pɩɛsɛ Abɩna, “Bɛɛ nɛ tɩɩ ŋ kɛŋ mɩ nyɩmma haal-la ʋ sɩ bile aŋ bɩ jaa pɩŋ?”

2 SAMƲƐL 5:13

Devit sɩ sii Hɛbʋrɔŋ lɛ a mʋ Jerusalɛm, ʋ kɛŋ haala-la ʋ sɩ bile aŋ bɩ jaa ma yʋgɛ nɛ a pɛ ha-daŋ-la ʋ sɩ jaa a to ba naasɩŋ lɛ. Haala-la lʋl hambolibiisiŋ arɩ toloo a yʋgɛ a pʋ.

1 KUOROO 11:3

Ʋ haalaa zɔɔ-balɩpɛ nɛ fa ŋaa kuoroo toloo, ʋ haala-la ma ʋ sɩ bile aŋ bɩ jaa ŋaa zɔɔ-batori. Ʋ haala-la leŋ ʋ yeŋŋi Wɩa wombiiŋ lɛ.

1 KUOROO 4:8

Nɩalɩŋ yɩraa nɛ ŋ-la: Bɛŋ-Huu, ʋ nɛ faa beŋ Efirem tintee-la peelee sɩ yʋga.

2 IZIRAL TƖŊŊAA NAABARƖŊ 11:21

Rihobuam fa cho ʋ haala Maaka sɩ ŋaa Abɩsalɔm tolo a kɩɩ ʋ haalaa kala, kɩalɩŋ ʋ sɩ jaa arɩ kɩalɩŋ ʋ sɩ bile aŋ bɩ jaa. Ʋ haalaa fa ŋaa fii arɩ chori nɛ, kɩalɩŋ ma naasɩŋ ʋ sɩ bɩ to ma ŋaa mahɩŋ batori. Ʋ hambolibiisiŋ ŋaa mara arɩ chori nɛ, ʋ hantolibiisiŋ ma ŋaa mahɩŋ batori.

ƐSƖTA 2:14

Ʋ jaŋ jʋʋ kuoro teeŋ dɩdaanɩŋ, aŋ mɩɩra kʋ lɩɩ chʋchʋɔŋ a mʋ lee-la haala-la sɩ hɛ. Kuoro kɛŋ bafere kʋbala nɛ baa yɩrɛ Saasɩgas ʋ nɩɩ beŋ haala-la ʋ sɩ bile aŋ bɩ jaa. Dɩ haal-la nɛ kʋ lɩɩ, ʋ bɩra bɩ kuoro teeŋ wuo mɩɩraa mʋ, see dɩ kuoro nɛ cho tɩɩna a yɩrʋ.

DANƖƐL 5:3

Ŋɩɩ nɛ ba paa sɛlɩmɛ arɩ hɔpʋla nyʋnyʋalʋ-la ba fa sɩ paa Wɩa dɩɩ-balɩŋ sɩ hɛ Jerusalɛm lɛ a kaa kɔ. Kuoro arɩ ʋ nɩhɩasɩŋ, ʋ haalaa arɩ haala-la ʋ sɩ bile aŋ bɩ jaa kaa nyʋa sɩnɩŋ.

MALAKAƖ 2:15

La TƖƖNA ŋaa haala arɩ ʋ bala ba kala ŋaa kʋbala nɛ ba wɩɩwɩɩ kala lɛ. Bɛɛ nɛ tɩɩ ʋ ŋaa wɩɩŋ deeŋ? Ʋ ŋaa ŋɩɩ dɩ ma wuo lʋl hambiisiŋ sɩ jaŋ tuto Wɩa nɛ. Má kɛŋ ma tɩtɩa woruŋ a pʋpɔ ma sɩ́ nii-la ma kʋŋkala sɩ hɛ pɩ ŋ bapʋɔsɛ haala chei.

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

JOSUA 24:30

Ba joŋu hugi ʋ tɩtɩa sɩ tɩɩ tintee-la Tɩmɩnaf Sɛra lɛ, a hɛ Efirem tintee-la peelee sɩ yʋga a hɛ peel-la ba sɩɩ yɩrɛ Gaas wɩɩpɔsʋŋ nagʋa dɩɩrɩŋ.

JOSUA 24:33

Arɔŋ nanʋala Elieza ma sʋʋ ba joŋu hugi Gɩbɩa lɛ, tintee-la ba sɩ joŋo pɩ ʋ nanʋala Finihas, ʋ hɛ Efirem tintee-la peelee sɩ yʋga lɛ nɛ.

SƖPAALAARAA 12:8

Jɛfɩta sɩ sʋba harɩŋ, Ɩbɩzaŋ sɩ lɩɩ Bɛtɩlɛhɛm ma nɛ fa laa Iziral tɩŋŋaa sɩpaaŋ.

SƖPAALAARAA 17:1

Baal kʋbala nɛ fa hɛ Efirem tintee-la peelee sɩ yʋga lɛ baa yɩrɛ Mɩka.

SƖPAALAARAA 17:6

Bʋa-la lɛ Iziral tinteeŋ fa bɩ kuoro kɛnɛ. Nʋʋkala faa ŋaa wɩɩ-la ʋ sɩ cho nɛ.

SƖPAALAARAA 17:7

Bʋa-la tɩtɩa lɛ dɩ Levi doho nɩaa bapʋɔsɛ bie kʋbala fa hɛ nɩmɛ. Ʋ hɛ Bɛtɩlɛhɛm sɩ hɛ Juda tinteeŋ lɛ, a jʋjʋʋ Juda nyɩŋ-nɩaa tʋɔŋ.

SƖPAALAARAA 17:8

Ŋɩɩ nɛ ʋ lɩɩ nɩmɛ a gɔllɔ chɩchɛ leriŋ dɩ ʋ hɔŋ. Ʋ sɩɩ gɔllɛ ŋɩɩ, ʋ kɔ Mɩka dɩa sɩ hɛ Efirem tintee-la peelee sɩ yʋga lɛ.

SƖPAALAARAA 18:1

Faafaa-la Iziral tɩŋŋaa fa bɩ kuoro kɛnɛ. Bʋa-la lɛ nɛ Daŋ doho nɩaa gɔllɔ chɩchɛ leriŋ ba sɩ jaŋ hɔŋ, bɛɛ wɩaa ba-na fa ha bɩ ba tinteeŋ kpaalɩŋ laa Iziral doho doho-la tʋɔŋ.

SƖPAALAARAA 18:13

Nɩmɛ nɛ ba lɩɩ a mʋ Efirem tintee-la peelee sɩ yʋga a mʋ kpagɛ Mɩka dɩa.

SƖPAALAARAA 19:16

Sɩɩ-dɩsa-la ba sɩ hɔŋ ŋɩɩ, dɩ banɩhɩaŋ kʋbala lɩɩ baga a kʋ to ba teeŋ a bɩbal. Baal-la fa lɩɩ Efirem tintee-la peelee sɩ yʋga nɛ. Ama lɛɛlɛ ʋ hɛ Gɩbɩa lɛ nɛ. (Nɩalɩŋ jesiŋ kala fa sɩ hɛ lee-la ŋaa Bɛnjamɩŋ doho nɩaa nɛ.)

SƖPAALAARAA 19:2

Ama haal-la fa na baanɩŋ ʋ bala nyuŋ, a leŋu aŋ mɩɩra mʋ ʋ nyɩmma dɩa Bɛtɩlɛhɛm lɛ. Ʋ sɩ hɛ nɩmɛ chɛnsɩŋ banɛsɛ,

SƖPAALAARAA 21:25

Bʋa-la lɛ, Iziral tɩŋŋaa fa bɩ kuoro kɛnɛ, nʋʋkala faa ŋaa wɩɩ-la ʋ sɩ cho nɛ.

SƖPAALAARAA 3:27

Ʋ sɩ mʋ yi nɩmɛ, ʋ ŋmʋʋ banyile Efirem tintee-la peelee sɩ yʋga lɛ a yɩrɛ Iziral tɩŋŋaa dɩ ba mʋ yuo laalɩŋ. Ŋɩɩ nɛ ʋ laa ba sɩpaaŋ a lɩɩ dundolo-la nyuŋ kʋ tuu.