SƖPAALAARAA 18:5 - WƖA TENIŊ

⁵ Ŋɩɩ nɛ ba bʋla pʋ, “Laa sʋlʋŋ, pɩɛsɛ Wɩa a na la wombiiŋ deeŋ la sɩɩ vɛŋ jaŋ zɔŋ.”

SƖPAALAARAA 18:5 ပူးပေါင်းရင်းမြစ်များ

1 KUOROO 22:5

Ama leŋ dɩ la laa sɩpaaŋ pɩɛsɛ La TƖƖNA na.”

2 KUOROO 16:15

Ŋɩɩ nɛ ʋ bʋla pɩ Wɩɩsʋllɩ sɩpaalaara Yuria, “A chɩŋ lɛɛlɛ a kaa mʋ, ʋ maga dɩ ŋ nyɩnyɩgɛ chʋchʋɔŋ kʋnyɩgaa Wɩɩsʋlʋŋ arɩ dɩdaanɩŋ mɩaa Wɩɩsʋlʋŋ, kuoro kʋnyɩgaa Wɩɩsʋlʋŋ arɩ ʋ mɩaa Wɩɩsʋlʋŋ arɩ nɩalɩŋ kala sɩ hɛ tinteeŋ deeŋ lɛ kʋnyɩgaa Wɩɩsʋlʋŋ arɩ ba mɩaa Wɩɩsʋlʋŋ arɩ ba kʋnyʋalaa Wɩɩsʋlʋŋ kala koru-falɩŋ deeŋ sɩ yʋga lɛ nɛ. Joŋ pʋsʋ-la kala ba sɩ kpʋa a ŋaa Wɩɩsʋlʋŋ chalɩŋ a mɩsɛ koru-la. Ama leŋ kɔlɩɩŋ koru-la-na pɩmɛ, ʋ nɛ mɩ ma jaŋ kaa chɛ nɩna wɩalɩŋ Wɩa sɩɩ chɛ dɩ mɩ ŋaa.”

AZAAYA 30:1

La TƖƖNA sɩ, “Wɩaa jaŋ jʋʋ nɩalɩŋ sɩɩ beŋ Juda tinteeŋ. Ba vɩa mɩ niiŋ nɛ. Ba yie vʋʋrɛ wɩaa ŋɩŋaa, ka mɩ bɩ ba ŋɩɩ daga. Ba dɩ nɩaa pɛ niiŋ nɛ a ŋaa wɩalɩŋ mɩ sɩ bɩ cho. Ba ŋaa wʋbɔŋŋɔɔ a dɩdaŋ dɔŋɔ lɛ nɛ.

ƐZƖKƖƐL 21:21

Babɩlɔŋ kuoro jaŋ kʋ chɩŋ magɩla-la sɩ hɛ wɛŋ-chɛŋŋɛ-la lɛ, aŋ bee joŋ wombii-la ʋ sɩ jaŋ to. Ʋ jaŋ kɛŋ ʋ to-hɛŋŋɛɛ vʋgɛ, a pɩɛsɛ ʋ tɔŋŋɔɔ, aŋ beŋ vʋɩŋ pʋna chʋɩŋ lɛ a jɩŋ wɩɩ-la ʋ sɩ jaŋ ŋaa.

HOSIA 4:12

bɩ wɩaa sɩaa jɩŋ. Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa. Ba wʋlɩɩlɩŋ ŋaanɩŋ kɛmba yeŋŋi nɛ. Ba bɩ wʋtɩtɩɩ kɛnɛ mɩ-na ba Wɩa teeŋ.

Tɩntɩŋŋaa 8:10

Nɩbalaa arɩ nɩbiisiŋ kala joŋ ba nyuŋ hɛ ʋ wʋŋaalaa lɛ a bʋl, “Baala deeŋ nɛ ŋaa wɩa. Ʋ kɛŋ doluŋ, dol-la ba sɩɩ yɩrɛ Wɩa dol-balɩŋ.”

SƖPAALAARAA 17:13

Mɩka bʋl, “Lɛɛlɛ mɩ jɩma La TƖƖNA tʋɔŋ jaŋ tɔrɛ mɩ nyuŋ, a tɩŋ Levi doho nɩaa bapʋɔsɛ bie deeŋ sɩ ŋaa nɩɩ-la sɩɩ kpaarɛ mɩ tɔŋŋɔɔ.”

SƖPAALAARAA 17:5

Mɩka fa kɛŋ lee nɛ a kpʋkpaarɛ vʋɩyaa. Ŋɩɩ nɛ ʋ yɛrɛ gɛrɩ-laala-daŋɩŋ, a mɛ tɔŋŋɔɔ a lɩɩsɛ ʋ bie dɔŋɔ ʋ kpʋkpaarɛ tɔmɔ-la.

SƖPAALAARAA 18:14

Ŋɩɩ nɛ nɩalɩŋ banɔŋ fa sɩ mʋ lʋara beŋ Las tintee-la bʋla pɩ ba naambiiri-la sɩ nyɩgɩla dɩ ba yuo laalɩŋ, “Dɩɩsɩŋ deemba dɔŋɔ lɛ, gɛrɩ-laala-daŋɩŋ hɛ nɩmɛ, arɩ tɔmʋŋ ba sɩ kɛŋ daaŋ saa a kɛŋ hɔpʋla taara tɔ a pɛ tɔŋŋɔɔ dɔnsʋŋ lɛ. Lɛɛlɛ ma jɩŋ ŋɩɩ ma sɩ jaŋ ŋaa.”

SƖPAALAARAA 18:4

Ʋ bʋl wɩɩ-la Mɩka sɩ ŋaa pʋ a pɩba. Ʋ sɩ, “Ʋ ŋaa mɩ kpʋkpaarɛ ʋ tɔŋŋɔɔ nɛ, ka ʋ titimmi.”

SƖPAALAARAA 18:6

Tɔŋ-kpaarʋ-la bʋla pɩba, “Má mʋmʋ, wɩɩkala tuo, La TƖƖNA chɩŋ ma harɩŋ nɛ.”

1 SAMƲƐL 9:9

(Faafaa-la Iziral tinteeŋ lɛ, dɩ nʋʋ nɩɩ chɛ dɩ ʋ chɛ na wɩɩ Wɩa teeŋ, ʋ yie bʋl nɛ, “Kɔ dɩ la mʋ Wɩa sɩɩ-naara teeŋ,” bɛɛ wɩaa nɩalɩŋ la sɩɩ yɩrɛ Wɩa wʋlaabʋllaa jɩnɩŋ, ba fa kɛmba yɩyɩrɛ Wɩa sɩɩ-naaraa nɛ.)