SƖPAALAARAA 18:29 - WƖA TENIŊ

²⁹ Daŋ doho nɩalɩŋ mɩɩra kɛŋ Las yɩyɩrɛ ba naabalɩma Daŋ tinteeŋ. Jekɔb nɛ fa lʋl Daŋ.

SƖPAALAARAA 18:29 ပူးပေါင်းရင်းမြစ်များ

WƖAA DƖ-SUOMUŊ 14:14

Abɩram sɩ nɩa dɩ ba yuo a kɛŋ ʋ ŋaana bie Lɔt, ŋɩɩ nɛ ʋ yɩrɛ ʋ laalɩyuoroo zɔɔ-batori arɩ fii arɩ chori ba sɩ lʋla ʋ dɩa lɛ ʋ dagɛ ba laalɩŋ-yuonuŋ a ŋaa ba lɩɩ kiri nɩalɩŋ harɩŋ a mʋ yi taŋ-la ba sɩɩ yɩrɛ Daŋ.

WƖAA DƖ-SUOMUŊ 30:6

Ŋɩɩ nɛ Rakɛl bʋl, “Wɩa laa mɩ sʋla nɛ, ʋ jegile nɩɩ mɩ bunso nɛ a pɩmɛ hambolibie.” Ŋɩɩ wɩaa, ʋ hɛ ʋ yɩrɩŋ Daŋ.

WƖAA DƖ-SUOMUŊ 32:28

Ŋɩɩ nɛ baal-la bʋl, “Ŋ yɩrɩŋ bɩra bɩ jaŋ ŋaa Jekɔb. Ŋ yɩrɩŋ nɛ Iziral, bɛɛ wɩaa ŋ kɛŋ Wɩa arɩ nuhuobiinee loo nɛ a lobo dii.”

2 SAMƲƐL 17:11

Wɩɩ-la mɩ-na sɩ jaŋ bʋl nɛ: Leŋ dɩ la yɩrɛ laalɩyuoro-la kala sɩ hɛ Iziral tinteeŋ lɛ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ, a kaa mʋ Bɛɛsɩba ma sɩ hɛ wɩɩpɔsʋŋ nadiiŋ dɩɩrɩŋ, dɩ ba kala kʋ hɛ dɔŋɔ, dɩ ŋ laalɩyuoroo yʋgɛ a nagɛ hagɩlɩ-bumbugulo sɩ pɩŋ fuoŋ niiŋ, dɩ ŋ-na tɩtɩa Abɩsalɔm laa ba sɩpaaŋ a kɛmba mʋ laalɩŋ,

1 KUOROO 15:20

Bɛŋ-Hadad sɛɩ wɩɩ-la kuoro Asa sɩ bʋla a leŋ ʋ laalɩyuori-hɩasɩŋ arɩ ba nɩaa mʋ yuo Iziral tasɩŋ. Ba yuo dii Ɩjɔŋ, Daŋ, Abɛl Bɛf Maaka arɩ Kɩnɛrɛf tinteeŋ a pɛ Nafɩtalɩ tinteeŋ kala lɛ.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

MOSIS BƖRA WULLI WƖA WOMBIIŊ 34:1

Ŋɩɩ nɛ Mosis lɩɩ Mʋab tintee-taalɩ-la leriŋ a jɩl peel-la ba sɩɩ yɩrɛ Pisiga, a to ŋɩɩ mʋ jɩl peel-la ba sɩɩ yɩrɛ Nebo nyu-gbaŋa Jeriko cholo. Nɩmɛ nɛ La TƖƖNA dagʋ tintee-la kala, a chɩŋ Gɩlɩad tinteeŋ a mʋ yi Daŋ tinteeŋ, a pɛ

JOSUA 19:47

(Daŋ doho nɩaa sɩ jaŋ ŋaa ŋɩɩ a laa ba tinteeŋ dɩ ʋ ŋaa ba kʋŋ, ʋ ŋɩɩ fa ŋaa wʋhaa nɛ woruŋ a pɩba. Ŋɩɩ nɛ ba mʋ a yuo Lɛsɛm tɩŋŋaa a kpʋba, aŋ laa ba tinteeŋ a hɔŋ. Ba sɩ hɔŋ Lɛsɛm lɛ, ŋɩɩ nɛ ba joŋ ba naabalɩma Daŋ yɩrɩŋ a hɛ pɩ lee-la.)

SƖPAALAARAA 18:7

Ŋɩɩ nɛ baala-la banɔŋ lɩɩ a mʋ taŋ-la ba sɩɩ yɩrɛ Las, a na dɩ nɩalɩŋ sɩ hɛ nɩmɛ hɔnʋŋ zɔmɔ, a nagɛ Sɩdɔŋ tɩŋŋaa sɩ hɔnɔ ta jɩa ŋɩɩ, wɩɩkala bɩ baa walɩmɛ. Ba tinteeŋ fa kɛŋ kɩaa nɛ woruŋ, ba bɩ kʋŋkala chɛɛ ka. Las tɩmma-la fa bɩ Sɩdɔŋ tɩŋŋaa kpaga, ba dɩ nɩa kala ma bɩ dɔŋɔ jɩŋ.

SƖPAALAARAA 20:1

Ŋɩɩ nɛ Iziral tɩŋŋaa kala, a chɩŋ Daŋ doho nɩaa sɩ hɛ wɩɩ-pɔnʋŋ nagʋa a kaa mʋ Bɛɛsɩba wɩɩpɔsʋŋ nadiiŋ, arɩ Gɩlɩad tinteeŋ nɩaa, ba kala lɩɩ hɛ dɔŋɔ a ŋaa nii-bala a hilimi La TƖƖNA sɩpaaŋ Mɩzɩpa lɛ.