SƖPAALAARAA 18:20 - WƖA TENIŊ

²⁰ Ŋɩɩ nɛ tɔŋ-kpaarʋ-la tʋɔŋ tɔrɛ. Ʋ joŋ gɛrɩ-laala-daŋɩɩ-la, arɩ tɔŋŋɔɔ dɔnsʋŋ a pɛ tɔŋ-la ba sɩ saa a kɛŋ hɔpʋla taara tɔ a to nɩalɩŋ harɩŋ.

SƖPAALAARAA 18:20 ပူးပေါင်းရင်းမြစ်များ

NAMAGABA 30:15

Dimbaliere kɛŋ toloo balɩa nɛ. Ba yie ŋmoo niiŋ, “Joŋo pɩmɛ, joŋo pɩmɛ.” Kɩaa batori koo banɛsɛ nɛ hɛ nɩmɛ, ba-na bɩ kɔ dɩ ba vɔgɔ. Ba-na bɩ jaŋ kɔ dɩ ba sɩ, “Ʋ maga.”

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

ƐZƖKƖƐL 13:19

Ma chei mɩ yɩrɩŋ nɛ mɩ nɩaa tʋɔŋ, aŋ laa mɩaa nɩsɩŋ sɩɩŋ arɩ boroboro biisiŋ mʋa. Ma nyɩɛ wɩaa pɩ mɩ nɩaa nɛ ba laa wʋnyɩɛrɩ-la dii, ka ma kpʋ nɩalɩŋ sɩ bɩ maga dɩ ba sʋʋ, aŋ leŋ nɩalɩŋ fa sɩ maga dɩ ba sʋʋ kɛŋ mɩɩsɩŋ.

ƐZƖKƖƐL 21:21

Babɩlɔŋ kuoro jaŋ kʋ chɩŋ magɩla-la sɩ hɛ wɛŋ-chɛŋŋɛ-la lɛ, aŋ bee joŋ wombii-la ʋ sɩ jaŋ to. Ʋ jaŋ kɛŋ ʋ to-hɛŋŋɛɛ vʋgɛ, a pɩɛsɛ ʋ tɔŋŋɔɔ, aŋ beŋ vʋɩŋ pʋna chʋɩŋ lɛ a jɩŋ wɩɩ-la ʋ sɩ jaŋ ŋaa.

HOSIA 4:3

Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

LEVI DOHO NƖAA 26:1

La TƖƖNA sɩ, “Má sɩ́ kʋŋkala ŋaa a pɩ ma tɩtɩa aa kpaarɛ: tɔŋŋɔɔ, vesiŋ, koo a saa tabɩaa aa kpaarɛ. Mɩ nɛ ma TƖƖNA Wɩa.

Tɩntɩŋŋaa 20:33

Mɩ ha bɩ ma kʋŋkala moribiee koo gɛnnɩŋ bɩɩna dɩ mɩ kaa laa.

Fɩlɩpa Nɩaa 3:19

Ba dɩdɛrɩŋ, ba jaŋ jʋʋ Wɩa nyiniŋ. Ba tʋɔtɔrɛ wʋŋaalaa lɛ nɛ baa to. Ba sɩɩŋ yie fɩɛsɛ hɩɩsɩ wɩaa lɛ nɛ. Ba yie bɩbɩɩnɛ dʋnɩa kɩaa dʋndʋŋa wɩaa nɛ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

SƖPAALAARAA 17:10

Ŋɩɩ nɛ Mɩka bʋla pʋ, “Hɔŋ mɩ teeŋ a ŋaa nɩɩ-la sɩ jaŋ chɩchagɩlɛmɛ arɩ nɩɩ-la sɩ jaŋ kpʋkpaarɛ mɩ tɔŋŋɔɔ. Jɩna kala mɩ jaŋ pɩŋ warɩpʋla fii, a pɩŋ gɛnnɩŋ arɩ kʋdiilee ma.”

SƖPAALAARAA 18:19

Ba bʋla pʋ, “Tɔrɛ ŋ niiŋ! Sɩ́ wɩɩkala bʋl. Kɔ a to la harɩŋ, a ŋaa nɩɩ-la sɩ jaŋ chɩchagɩlɛla arɩ nɩɩ-la sɩ jaŋ kpʋkpaarɛ la tɔŋŋɔɔ. Ʋ jaŋ ŋaa wʋzɔŋ, dɩ ŋ nɩɩ kpaarɛ Iziral doho dɔŋɔ tɔmʋŋ, a kɩɩ ŋ sɩ ŋaa nɩbala tɔŋ-kpaarʋ.”

SƖPAALAARAA 18:21

Daŋ doho nɩalɩŋ kɛsɛ ba hambiisiŋ, pʋsʋŋ arɩ kɩalɩŋ kala ba sɩ kɛnɛ a hɛ sɩpaaŋ a lɩɩ mʋmʋ.