SƖPAALAARAA 17:10 - WƖA TENIŊ

¹⁰ Ŋɩɩ nɛ Mɩka bʋla pʋ, “Hɔŋ mɩ teeŋ a ŋaa nɩɩ-la sɩ jaŋ chɩchagɩlɛmɛ arɩ nɩɩ-la sɩ jaŋ kpʋkpaarɛ mɩ tɔŋŋɔɔ. Jɩna kala mɩ jaŋ pɩŋ warɩpʋla fii, a pɩŋ gɛnnɩŋ arɩ kʋdiilee ma.”

SƖPAALAARAA 17:10 ပူးပေါင်းရင်းမြစ်များ

WƖAA DƖ-SUOMUŊ 45:8

Ma dee bɩ mɩ kaa kɔ daha, Wɩa nɛ kɛmmɛ kɔ, a leŋ mɩ nɛ tɩtɩgɛ Ijipiti tinteeŋ kuoro lɛ a ŋaa ʋ dɩa nɩhɩaŋ a bibeŋ Ijipiti tinteeŋ kala.

2 KUOROO 13:14

Ka dɩ Iziral tinteeŋ kuoro Jehuas-na sʋʋ, bʋa kʋbala lɛ Wɩa wʋlaabʋlla Elaasa chaasa wʋwɩɩlɛ a chɩchɛ dɩ ʋ sʋʋ. Kuoro Jehuas mʋ dɩ ʋ naʋ a chɩŋ ʋ sɛmɛ a yel, aŋ bʋl, “Mɩ nyɩmma, mɩ nyɩmma. Ŋ ŋaa Iziral tɩŋŋaa laataarɩ-duo nɛ, dɩ ŋ nɛ sʋba, ɛɛ nɛ la jaŋ ŋaa?”

2 KUOROO 2:12

Elaasa sɩ na ŋɩɩ, ʋ ŋmoo niiŋ, “Mɩ nyɩmma, mɩ nyɩmma. Iziral tɩŋŋaa laataarɩ-duoŋ lɛlɛ. Ɛɛ nɛ la jaŋ ŋaa?” Elaasa sɩɩŋ bɩra bɩ ʋ na. Ŋɩɩ nɛ ʋ kɛŋ ʋ gɛnnɩŋ kɩɛsɛ.

2 KUOROO 6:21

Iziral tinteeŋ kuoro sɩ naba, ʋ pɩɛsɛ Elaasa, “Mɩ nyɩmma, mɩ kpʋbaa?”

JOB 29:16

Mɩ nɛ fa ŋaa nɩalɩŋ sɩ bɩ ba tɩtɩa lɛ wuo pɛ nyɩmma, a bʋla laa nʋhʋɔraa ma tɩta sarɩya dɩ-diiliŋ.

AZAAYA 22:21

Mɩ jaŋ joŋ ŋ tɩntɩnnɩ gɛrɩ-zɔŋ-la a laalʋ, a joŋ ŋ gɛrɩ-pɛlɩɛɛ-bie-la vɔbʋ aŋ joŋ dol-la ŋ fa sɩ kɛnɛ pʋ. Ʋ jaŋ ŋaa nɩalɩŋ sɩ hɛ Jerusalɛm lɛ arɩ Juda nɩaa kala nyɩmma.

ƐZƖKƖƐL 13:19

Ma chei mɩ yɩrɩŋ nɛ mɩ nɩaa tʋɔŋ, aŋ laa mɩaa nɩsɩŋ sɩɩŋ arɩ boroboro biisiŋ mʋa. Ma nyɩɛ wɩaa pɩ mɩ nɩaa nɛ ba laa wʋnyɩɛrɩ-la dii, ka ma kpʋ nɩalɩŋ sɩ bɩ maga dɩ ba sʋʋ, aŋ leŋ nɩalɩŋ fa sɩ maga dɩ ba sʋʋ kɛŋ mɩɩsɩŋ.

Matiu 26:15

“Dɩ mɩ nɛ kɛŋ Yesu a pɩma, bɛɛ nɛ ma jaŋ pɩmɛ?” Ŋɩɩ nɛ ba dɩɩsɛ warɩpʋla mara arɩ fii a joŋo pʋ.

Jɔɔŋ 12:6

Ʋ sɩ bʋl ŋɩɩ, ʋ bɩ naga dɩ ʋ cho summo-la nɛ tɩɩ, ama ʋ fa ŋaa gaarʋ nɛ. Ʋ nɛ faa kori ba moribiee a yie lɩlɩɩsɛ moribie-la a kaa ŋaa ʋ tɩtɩa wɩaa.

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

SƖPAALAARAA 17:11

Levi doho nɩɩ-la sɛɩ dɩ ʋ hɔŋ ʋ teeŋ. Mɩka fa joŋ bapʋɔsɩ-bie-la ʋ nagɛ ʋ biiriŋ dɔŋɔ nɛ.

SƖPAALAARAA 17:9

Mɩka pɩɛsʋ, “Nɩɩ nɛ ŋ lɩɩ?” Ʋ bʋl, “Mɩ ŋaa Levi doho nʋʋ nɛ a lɩɩ Bɛtɩlɛhɛm sɩ hɛ Juda lɛ. Leriŋ nɛ mɩ gɔllɔ chɩchɛ dɩ mɩ hɔŋ.”

SƖPAALAARAA 18:4

Ʋ bʋl wɩɩ-la Mɩka sɩ ŋaa pʋ a pɩba. Ʋ sɩ, “Ʋ ŋaa mɩ kpʋkpaarɛ ʋ tɔŋŋɔɔ nɛ, ka ʋ titimmi.”

1 SAMƲƐL 2:36

Dɩ nʋʋ nɛ ka ŋ doho nɩaa tʋɔŋ, ʋ jaŋ kʋ kpirimi mɩ Wɩɩsʋllɩ sɩpaalaara sɩpaaŋ, a sʋlʋ a chɩchɛ moribiee arɩ kʋdiilee mʋa. Ʋ jaŋ sʋlʋ a bʋl: Leŋ dɩ mɩ pɛ Wɩɩsʋllɩ sɩpaalaaraa lɛ a tɩtɩŋ a ma wuo na kʋdiilee mʋa a didii.’ ”