SƖPAALAARAA 16:18 - WƖA TENIŊ

¹⁸ Delaɩla sɩ na dɩ Samɩsɩŋ bʋl wʋtɩtɩɩ a pʋ, ʋ tɩŋ ba mʋ bʋla pɩ Fɩlɩsɩtɩa tɩŋŋaa kuorusu-la, “Má bɩra mɩɩra kɔ, ʋ bʋl wʋtɩtɩɩ-la sɩ hɛ nɩmɛ kala pɩmɛ nɛ.” Ŋɩɩ nɛ Fɩlɩsɩtɩa tɩŋŋaa kuorusu-la bɩra mɩɩra kɔ a kori warɩpʋla-la.

SƖPAALAARAA 16:18 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

WƖA YƖƖLAA 62:9

Nuhuobiine kala nagɛ peliŋ nɛ, la nɩbalaa arɩ nɩbiisiŋ kala bɩ kɩa kala ŋaa. Dɩ ŋ nɛ jomba a hɛ sanɩa lɛ a magɩsɛ, ba bɩ yuŋ kala kɛnɛ.

NAMAGABA 18:8

Zɛmbɛ tɩɩna wʋbʋlʋŋ sɩma a nagɛ kʋdii-sɩŋŋaa nɛ, baa tuu tʋɔŋ nɛ woruŋ.

NAMBABA 22:7

Ŋɩɩ nɛ kuoro Balak joŋ moribiiŋ a pɩ Mʋab tɩŋŋaa arɩ Midiaŋ tɩŋŋaa nɩhɩasɩŋ dɩ ba kaa mʋ a pɩ Balam, dɩ ʋ laa a pɛ tabɩɩŋ pɩba. Ŋɩɩ nɛ ba kɔ Balam teeŋ a bʋl wɩalɩŋ kala kuoro Balak sɩ bʋla a pʋ.

Matiu 26:15

“Dɩ mɩ nɛ kɛŋ Yesu a pɩma, bɛɛ nɛ ma jaŋ pɩmɛ?” Ŋɩɩ nɛ ba dɩɩsɛ warɩpʋla mara arɩ fii a joŋo pʋ.

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

SƖPAALAARAA 16:17

Ʋ walɩma ka aŋ bʋl wʋtɩtɩɩ a pɩ tolo-la. Ʋ sɩ, “Ba sɩ lʋlmɛ kala, nyu-fʋna ha bɩ mɩ nyuŋ lɛ dige, bɛɛ wɩaa ba joŋ mɩ hɛ Wɩa nɩsɩŋ lɛ nɛ mɩ ŋaa Nazarɩ tɩɩna, dɩ ba nɛ fʋŋ mɩ nyuŋ, mɩ doluŋ jaŋ lɩɩ dɩ mɩ pʋgʋmɛ a nagɛ nʋʋ dɔŋ kala.”

SƖPAALAARAA 16:19

Delaɩla kɛŋ Samɩsɩŋ hɛ naasɩŋ nyuŋ ʋ pɩŋ doŋ, ʋ yɩrɛ nʋʋ dɔŋ ʋ kʋ fʋŋ nyu-pʋŋ-gulumo-la balɩpɛ sɩ hɛ Samɩsɩŋ nyuŋ lɛ a laa ʋ doluŋ, ka ʋ pʋgʋmɛ.

SƖPAALAARAA 16:5

Fɩlɩsɩtɩa tɩŋŋaa kuoroo mʋ a bʋla pɩ haal-la, “Nyɩsɛ Samɩsɩŋ dɩ ʋ dagɩŋ ŋɩɩ ʋ sɩ ŋaa a faasa kɛŋ doluŋ arɩ ŋɩɩ la sɩ jaŋ wuo to a kɛnʋ vɔɔ a laa ʋ doluŋ. Dɩ ŋ nɛ ŋaa ŋɩɩ, la kʋŋkala jaŋ pɩŋ warɩpʋla bʋɩ arɩ zɔlɔ.”