SƖPAALAARAA 15:18 - WƖA TENIŊ

¹⁸ Ŋɩɩ nɛ lɩɩnyʋasʋŋ faasa kɛŋ Samɩsɩŋ, ʋ ŋmoo niiŋ a pɩ La TƖƖNA, “Ŋ leŋe mɩ-na ŋ tɩntɩnna yuo dii nɛ woruŋ. Mɩɩ sʋlʋŋ, sɩ́ leŋe dɩ lɩɩnyʋasʋŋ kpʋmɛ dɩ nɩaa deemba sɩ bɩŋ ka to kɛmmɛ.”

SƖPAALAARAA 15:18 ပူးပေါင်းရင်းမြစ်များ

WƖAA DƖ-SUOMUŊ 20:11

Ŋɩɩ nɛ Abɩraham bʋl, “Mɩ bɩɩna ma bɩ Wɩa ka fá daha, ma jaŋ tɩŋ haal-la wɩaa a kpʋmɛ.

WƖAA DƖ-SUOMUŊ 32:31

Wɩa pɔsɔ jɩl nyuŋ dɩ Jekɔb lɩɩ Pɛnɩɛl lɛ a jujusi a tɩŋ ʋ kɛrɛ sɩ lɩa wɩaa.

2 SAMƲƐL 1:20

Ma pɔ má sɩ́ wɩɩ-la bʋl Gaf lɛ. Má sɩ́ Asɩkɛlɔŋ wombiee lɛ chɩna heele bʋlʋ pɩ nɩaa. Má sɩ́ ŋɩɩ ŋaa dɩ Fɩlɩsɩtɩa tɩŋŋaa toloo tʋɔŋ tɔrɛ. Má sɩ́ leŋe dɩ nɩalɩŋ sɩ bɩ Wɩa ka to toloo jʋɔsɛ.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Hiburu TƖŊŊAA 11:32

Wɩaa dɔnsʋŋ hɛ nɩmɛ mɩ fa ha sɩ jaŋ wuo bʋl. Ama chɩnɩŋ tuo dɩ mɩ bʋl nɩaa deemba wɩaa: Gɩdɩɔŋ, Barak, Samɩsɩŋ, Jɛfɩta, Devit, Samʋɛl arɩ Wɩa wʋlaabʋllaa wɩaa.

SƖPAALAARAA 14:3

Ʋ nyɩmma arɩ ʋ naaŋ pɩɛsʋ, “hazɔŋ kala tuo la naambiiriŋ koo la nɩaa kala tʋɔŋ? Nɩaa deemba sɩ bɩ Wɩa ka to tʋɔŋ nɛ maga dɩ ŋ jaa ŋ haalaa?” Ama Samɩsɩŋ bʋla pɩ ʋ nyɩmma, “Jaa pɩmɛ, nɩɩ-la mɩ sɩɩŋ sɩ jʋa nɛ ŋɩɩ.”

SƖPAALAARAA 15:17

Ʋ sɩ bʋl ŋɩɩ dɛrɛ, ʋ joŋ haŋgbel-la a yuo ta. Ba kɛŋ lee-la a yɩyɩrɛ Rama Lehi. (Rama Lehi bʋbʋɔŋ nɛ kakumo talaŋa haŋgbeliŋ dundolo.)

SƖPAALAARAA 16:28

Ŋɩɩ nɛ Samɩsɩŋ sʋl La TƖƖNA a bʋl, “Ou, mɩ TƖƖNA Wɩɩjarɩbakɔ, liisi mɩ wɩaa. Wɩa, mɩɩ sʋlʋŋ, bɩra pɩmɛ doluŋ bala dɩ mɩ wuo ŋmoo Fɩlɩsɩtɩa tɩŋŋaa deemba bɩra, a tiŋ mɩ sɩaa chɩmɩŋ.”

SƖPAALAARAA 8:4

Gɩdɩɔŋ arɩ ʋ laalɩyuoro-la zɔɔ-batori sɩ kiri Midiaŋ tɩŋŋaa a mʋ chol Jɔdaŋ fuo-la, lɔlʋŋ chaasa kɛŋ ʋ dɩ ʋ nɩaa kala. Ka ba ha vɩa aŋ kikiri.

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.

1 SAMƲƐL 27:1

Ŋɩɩ nɛ Devit bɩɩnɛ ʋ tʋɔŋ lɛ a bʋl, “Tapʋlaa deemba dɔŋɔ, Sɔɔl jaŋ wuo kɛmmɛ a kpʋmɛ. Wɩɩ-la mɩ sɩ jaŋ ŋaa a laa mɩ mɩɩsɩŋ nɛ, mɩ jaŋ lɩɩ mʋ Fɩlɩsɩtɩa tɩŋŋaa tinteeŋ. Ŋɩɩ nɛ Sɔɔl jaŋ leŋ mɩ gɔllɔ chɛnɩŋ Iziral tinteeŋ lɛ, ka dɩ mɩ wiesi.”