SƖPAALAARAA 15:14 - WƖA TENIŊ

¹⁴ Ba sɩ kʋ yi Lehi, Fɩlɩsɩtɩa tɩŋŋaa chaasʋ a kʋkɔ aŋ ŋɩŋaa goŋ. La TƖƖNA Dɩma kʋ jʋʋ Samɩsɩŋ a pʋ doluŋ. Ŋmɛsɩ-la sɩ vɔɔ ʋ nɩsaa lɛ, guu nagɛ bɔɔŋ vɔɔlɔ, ʋ kaa kɛrɛ ta.

SƖPAALAARAA 15:14 ပူးပေါင်းရင်းမြစ်များ

JOB 20:5

nɩbɔmʋŋ tʋɔtɔrʋŋ bɩ dieni, nɩɩ-la sɩ bɩ Wɩa ka to ma tʋɔtɔrʋŋ bɩ dieni.

WƖA YƖƖLAA 118:11

Ba gollimi sɛmɛ kala nɛ, ama La Tɩɩna doluŋ lɛ, mɩ yuo diiba nɛ.

WƖA YƖƖLAA 18:34

Ŋ nɛ gʋnnɛmɛ laalɩŋ yuonuŋ. Mɩ jaŋ wuo yuo toŋ-la ba sɩ kɛŋ kɔlɩɩŋ ŋaa.

MOSIS KƐŊ IZIRAL TƖŊŊAA LƖƖ 14:3

Ijipiti tinteeŋ kuoro jaŋ bɩɩnɛ Iziral tɩŋŋaa lɛlɛ nɛ tintee-la lɛ aa baarɛ tintee-hɩlɩŋ tʋɔŋ.

MOSIS KƐŊ IZIRAL TƖŊŊAA LƖƖ 14:5

Ijipiti tinteeŋ kuoro sɩ nɩa arɩ Iziral tɩmma-la fá viiri nɛ, ʋ dɩ ʋ nɩhɩasɩŋ tʋɔbɩɩnaa bɩrɩmɛ. Ba bʋl, “Bɛɛ nɛ tɩɩ la ŋaa ŋ-la a leŋ Iziral tɩmma-la sɩ tɩma pɩpɩla fá viiri?”

MƖKA 7:8

Mɩ dʋndɔmɔ, sɩ́ mɩ nyuŋ jʋɔsʋ, mɩ tele ma nɛ, ama mɩ jaŋ sii. Mɩ hɔŋ birimiŋ tʋɔŋ nɛ, ama La TƖƖNA nɛ jaŋ ŋaa mɩ pʋlʋmʋŋ.

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

SƖPAALAARAA 14:19

Ŋɩɩ nɛ La TƖƖNA Dɩma kʋ jʋʋ Samɩsɩŋ a pʋ doluŋ. Ʋ sii tuu taŋ-la ba sɩɩ yɩrɛ Asɩkɛlɔŋ, a kpʋ ba baalaa mara arɩ fii, a wuri ba kɩaa a joŋ ba gɛnnɩŋ pɩ nɩalɩŋ sɩ dagɛ namaga-la bʋbʋɔŋ. Ka ʋ baanɩŋ chaasa sii woruŋ wɩɩ-la wɩaa, ʋ mɩɩra mʋ ʋ nyɩmma dɩa.

SƖPAALAARAA 14:6

La TƖƖNA Dɩma kʋ jʋʋ Samɩsɩŋ a pʋ doluŋ ʋ kɛŋ naachigi-la pʋɔsɛ arɩ nɩsɩŋ, a nagɛ bʋ-bie. Ama ʋ bɩ wɩɩ-la ʋ sɩ ŋaa bʋla pɩ ʋ nyɩmma arɩ ʋ naaŋ.

SƖPAALAARAA 15:13

Laalɩyuoro-la bʋl, “La sɛyɛ nɛ, la jaŋ vɔbʋŋ a kaa mʋ pɩba, ama la-na bɩ jaŋ kpʋŋ.” Ŋɩɩ nɛ ba vɔbʋ arɩ ŋmɛŋ-falaa balɩa, a kɛnʋ kaa lɩɩ bʋbʋa-la lɛ.

SƖPAALAARAA 15:9

Fɩlɩsɩtɩa tɩŋŋaa ma sii a mʋ ŋmoo buguŋ Juda tinteeŋ lɛ, a jɛrɛ su lee-kala a kpagɛ taŋ kʋbala ba sɩɩ yɩrɛ Lehi.

SƖPAALAARAA 16:12

Delaɩla kɛŋ ŋmɛŋ-falaa a vɔbʋ. Ka baalaa bɩra jʋʋ faa dɩa tʋɔŋ. Ʋ bɩra yɩrɛ, “Samɩsɩŋ, Fɩlɩsɩtɩa tɩŋŋaa nɩɩ kɔ ŋ lɛ.” Samɩsɩŋ bɩra kɛŋ ŋmɛŋ-falɩa-la ma sɩ vɔɔ ʋ nɩsaa kɛrɛ a nagɛ gɛrɩ-ŋmɛnɩŋ.

SƖPAALAARAA 16:24

Ba tʋɔŋ sɩ faasa tɔrɛ, ba kpɩa goŋ, “Má kɛŋ Samɩsɩŋ a kʋ lɩɩ dɩ ʋ gbiele pɩla.” Ŋɩɩ nɛ ba yɩrɛ Samɩsɩŋ ʋ kʋ lɩɩ dansarɩka lɛ a gbiele pɩba. Nɩalɩŋ sɩ na Samɩsɩŋ, ba dɛnnɛ ba vene a bʋl, “La vene nɛ joŋ la dʋndɔmɔ Samɩsɩŋ a hɛ la nɩsɩŋ lɛ, nɩɩ-la sɩ chei la tinteeŋ aŋ kpʋ la nɩaa ma a yʋgɛ.” Ba fa leŋe Samɩsɩŋ chɩŋ jebiee pɛgɛ nɛ.

SƖPAALAARAA 16:9

Ka baalaa faa dɩa tʋɔŋ. Ŋɩɩ nɛ ʋ yɩrɛ, “Samɩsɩŋ, Fɩlɩsɩtɩa tɩŋŋaa nɩɩ kɔ ŋ lɛ.” Ŋɩɩ nɛ Samɩsɩŋ kɛŋ teŋ-bie-la kɛrɛ a nagɛ nyiniŋ sɩ yie digi gɛrɩ-ŋmɛnɩŋ ʋ kɛrɛ ŋɩɩ. Ba fa bɩ wuo jɩŋ ʋ dol-la bʋbʋɔŋ.

SƖPAALAARAA 3:10

Wɩa Dɩma kʋ jʋʋ Ofiniel ʋ ŋaa Iziral tɩŋŋaa sɩpaalaarʋ a kɛmba mʋ laalɩŋ. La TƖƖNA joŋ Aram kuoro Kusaŋ-Risatem a hɛ Ofiniel nɩsɩŋ lɛ ʋ yuo diiu.

SƖPAALAARAA 5:30

‘Kapo ba yuo dii kɩaa nɛ aa chɛ ba kaa kpaa dɔŋɔ, dɩ baal kala na hantolibie koo hantolibiisiŋ balɩa, dɩ Sɩsɛra ma na gɛrɩ-zɔmɔ-la ba sɩ yuo dii. Ka dɩ mɩ ma laa gɛrɩ-zɔmɔ-la kala ba sɩ sʋa.’

1 SAMƲƐL 10:10

Sɔɔl arɩ ʋ tɩntɩnnʋ-la sɩ mʋ yi Gɩbɩa, Wɩa wʋlaabʋllaa pʋɔlɛ a kʋ chemu. Wɩa Dɩma-la kʋ jʋʋ Sɔɔl arɩ doluŋ woruŋ, ʋ ma pɛ ba lɛ ba bʋbʋl wɩaa Wɩa doluŋ lɛ.

1 SAMƲƐL 10:6

La TƖƖNA Dɩma-la jaŋ jʋʋ ŋ ma arɩ doluŋ, dɩ ŋ pɛ ba lɛ a bʋbʋl wɩaa Wɩa doluŋ lɛ. Ʋ jaŋ leŋ dɩ ŋ bɩrɩmɛ nɩwogo.

1 SAMƲƐL 11:6

Sɔɔl sɩ nɩɩ wɩalɩŋ, Wɩa Dɩma kʋ jʋʋ-ʋ arɩ doluŋ, ʋ baanɩŋ faasa sii.

1 SAMƲƐL 17:35

mɩ yie kire ŋmobu nɛ a laa piesu-la ʋ niiŋ lɛ. Dɩ ʋ nɛ sii hosi mɩ nyuŋ, mɩ yie kɛŋ ʋ yikori-ŋmʋlʋŋ lɛ nɛ, aŋ ŋmobu kpʋ.

1 SAMƲƐL 4:5

Ba sɩ kɛŋ La TƖƖNA niiriŋ daga-la kɔ ba buguŋ, Iziral tɩŋŋaa faasa ŋaa goŋ tinteeŋ zigili.