SƖPAALAARAA 15:11 - WƖA TENIŊ

¹¹ Ŋɩɩ nɛ laalɩyuoroo bʋɩ batori sii Juda tinteeŋ lɛ a mʋ bʋbʋa-la sɩ hɛ Ɛtam lɛ a pɩɛsɛ Samɩsɩŋ, “Ŋ bɩ jɩŋ arɩ Fɩlɩsɩtɩa tɩŋŋaa nɛ kɛŋ doluŋ la lɛɛ? Bɛɛ nɛ ŋ ŋaa la lɛ ŋ-la?” Samɩsɩŋ bʋl, “Wɩalɩŋ ba sɩ ŋaa mɩ lɛ nɛ mɩ ma joŋo ŋaa ba lɛ ŋɩɩ.”

SƖPAALAARAA 15:11 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 4:3

Huu nɛ fa ŋaa Kalɩb haala Ɛfɩraf bii-hɩaŋ. Ʋ doho nɩaa nɛ saa tabal-la ba sɩɩ yɩrɛ Bɛtɩlɛhɛm. Huu fa kɛŋ hambolibiisiŋ batori nɛ: Ɛtam, Pɛnʋɛl arɩ Ɛza. Ɛtam ma kɛŋ hambolibiisiŋ batori nɛ: Jɛzɩrɛl, Ɩsɩma arɩ Ɩdɩbas. Ba dɩhaala yɩrɩŋ nɛ Hazɛlɛlɩpɔnɩ.

LEVI DOHO NƖAA 26:25

Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.

MOSIS BƖRA WULLI WƖA WOMBIIŊ 28:13

La TƖƖNA jaŋ leŋ dɩ ma ŋaa sɩpaalaara, ma bɩ jaŋ ŋaa harɩ-tooro. Dɩ ma nɛ jegile a nɩɩ ma TƖƖNA Wɩa wɩalɩŋ mɩ sɩ joŋo dagɛma jɩnɩŋ, a fɩɛlɛ ma sɩaa a toba, ma jaŋ laa sɩpaaŋ wɩɩkala lɛ, ma bɩ jaŋ to harɩŋ.

MOSIS BƖRA WULLI WƖA WOMBIIŊ 28:43

Nʋhʋɔra-la sɩ hɛ ma tʋɔŋ nɛ jaŋ kɛŋ nyuŋ kɩɩma, ka dɩ ma-na mɩɩra hɛ naasɩŋ bʋbʋɔŋ.

SƖPAALAARAA 13:1

Iziral tɩŋŋaa bɩra ŋaa wʋbɔŋŋɔɔ La TƖƖNA teeŋ, ʋ jomba a hɛ Fɩlɩsɩtɩa tɩŋŋaa nɩsɩŋ lɛ jɩsɩŋ mahɩŋ balɩa.

SƖPAALAARAA 14:4

(Ʋ nyɩmma arɩ ʋ naaŋ fa bɩ jɩŋ arɩ La TƖƖNA nɛ leŋe Samɩsɩŋ ŋɩŋaa ŋɩɩ, a chɩchɛ wombiiŋ dɩ ʋ yuo Fɩlɩsɩtɩa tɩŋŋaa, bɛɛ wɩaa bʋa-la lɛ ba nɛ faa beŋ Iziral tɩŋŋaa.)

SƖPAALAARAA 15:10

Ŋɩɩ nɛ Juda tɩŋŋaa pɩɛsɛba, “Bɛɛ nɛ tɩɩ ma kɔ dɩ ma yuola?” Ba bʋl, “La kɔ dɩ la yuo kɛŋ Samɩsɩŋ nɛ, a ŋaaʋ ŋɩɩ ʋ sɩ ŋaa la lɛ.”

SƖPAALAARAA 15:12

Laalɩyuoro-la bʋla pʋ, “La kɔ dɩ la vɔbʋŋ nɛ a kaa mʋ pɩ Fɩlɩsɩtɩa tɩŋŋaa.” Samɩsɩŋ sɩ, “Má ŋmɩɛsa pɩmɛ arɩ ma tɩtɩa dee bɩ jaŋ kpʋmɛ.”