SƖPAALAARAA 14:18 - WƖA TENIŊ

¹⁸ Ka dɩ wɩɩ-muluŋ-na tuu jʋʋ tapʋl-pɛɩ-la chɛɛŋ, ba-pʋɔsa-la sii mʋ pɩɛsɛ Samɩsɩŋ, “Bɛɛ kʋŋ nɛ sɩma a kɩɩ tʋʋŋ? Bɛɛ kʋŋ nɛ dolie a kɩɩ naachigiŋ?” Samɩsɩŋ bʋla pɩba, “Dɩ ma nɛ fa bɩ mɩ haala lɛ to, ma fa bɩ jaŋ wuo dagɛ mɩ namaga-la bʋbʋɔŋ.”

SƖPAALAARAA 14:18 ပူးပေါင်းရင်းမြစ်များ

2 SAMƲƐL 1:23

Nɩaa fa cho Sɔɔl arɩ Jonataŋ nɛ woruŋ, ba kala fa hɛ ba mɩɩsɩŋ lɛ, aŋ kala bɩra to dɔŋɔ a sʋʋ. Ba fa lɩma a kɩɩ kachuunuŋ, ba kɛŋ doluŋ ma a kɩɩ naachigee.

WƖA YƖƖLAA 81:16

Ama ma-na Iziral tɩŋŋaa, mɩ jaŋ dɩɛsɛma arɩ kʋdii-zɔŋŋɔɔ, a leŋ dɩ ma dii bʋ-bʋa tʋʋŋ a vɔgɛ.”

NAMAGABA 30:30

Ba nɛ ŋ-la: Naachigiŋ, ʋ nɛ kɛŋ doluŋ baga kɩaa kala tʋɔŋ. Dɩ ʋ nɩɩ vɛŋ, ʋ bɩ kʋŋkala ka fá,

ƐZƖKƖƐL 1:10

Kɩalɩŋ kʋŋkala fa kɛŋ sɩaa sɩ bɩ dɔŋɔba naga banɛsɛ nɛ: Sɛmɛ dɔŋɔ sɩaa nagɛ nuhuobiine sɩaa a hɛ sɩpaaŋ, sɛmɛ dɔŋɔ ma sɩaa nagɛ naachigiŋ sɩaa a hɛ nadiiŋ, sɛmɛ dɔŋɔ ma sɩaa nagɛ nɛ-bele sɩaa a hɛ nagʋa, ka sɛmɛ dɔŋɔ ma sɩaa nagɛ kachuuŋ sɩaa a hɛ harɩŋ.

SƖPAALAARAA 14:17

Haal-la yel ŋɩɩ nɛ gbiele-la tapʋlaa balɩpɛ-la kala. Tapʋl-pɛɩ chɛɛŋ nɛ Samɩsɩŋ dagɛ namaga-la bʋbʋɔŋ a pʋ, bɛɛ wɩaa haal-la vɛnɛɛ pɛsɛ ʋ lɛ nɛ. Ʋ sɩ daga pʋ ŋɩɩ, haal-la ma mʋ dagɛ namaga-la bʋbʋɔŋ a pɩ ʋ nɩaa.

SƖPAALAARAA 14:19

Ŋɩɩ nɛ La TƖƖNA Dɩma kʋ jʋʋ Samɩsɩŋ a pʋ doluŋ. Ʋ sii tuu taŋ-la ba sɩɩ yɩrɛ Asɩkɛlɔŋ, a kpʋ ba baalaa mara arɩ fii, a wuri ba kɩaa a joŋ ba gɛnnɩŋ pɩ nɩalɩŋ sɩ dagɛ namaga-la bʋbʋɔŋ. Ka ʋ baanɩŋ chaasa sii woruŋ wɩɩ-la wɩaa, ʋ mɩɩra mʋ ʋ nyɩmma dɩa.