SƖPAALAARAA 14:17 - WƖA TENIŊ

¹⁷ Haal-la yel ŋɩɩ nɛ gbiele-la tapʋlaa balɩpɛ-la kala. Tapʋl-pɛɩ chɛɛŋ nɛ Samɩsɩŋ dagɛ namaga-la bʋbʋɔŋ a pʋ, bɛɛ wɩaa haal-la vɛnɛɛ pɛsɛ ʋ lɛ nɛ. Ʋ sɩ daga pʋ ŋɩɩ, haal-la ma mʋ dagɛ namaga-la bʋbʋɔŋ a pɩ ʋ nɩaa.

SƖPAALAARAA 14:17 ပူးပေါင်းရင်းမြစ်များ

WƖAA DƖ-SUOMUŊ 3:6

Ŋɩɩ nɛ haal-la beŋ a na tɩa-la nɛnɛɛ dɩ ba zɔmɔ sɩɩŋ lɛ, aŋ zɔŋ arɩ diiniŋ ma aŋ bɩra cho dɩ ʋ kɛŋ wʋjɩmɩŋ. Ʋ tɔrɔ dii, aŋ tɔrɔ pɩ ʋ bala ma ʋ dii.

JOB 2:9

Ʋ haala pɩɛsʋ, “Ŋ ha chɩŋ ŋ wʋtɩtɩɩ naaŋ lɛ nɛɛ? Bʋl wʋbɔŋŋɔɔ a tɩgɛ Wɩa lɛ aŋ sʋʋ.”

NAMAGABA 7:21

Ʋ kɛŋ nii-sɩma a bʋl wɩaa a ŋaa ʋ nandaasɩŋ yʋɔrɛ, ʋ kɛŋ ʋ nii-sɩma ŋɩɩ a nyɩnyɩsʋ.

JƐRƖMAAYA 9:3

Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.

MƖKA 7:5

Ŋ dɩ nɩɩ-la sɩ jʋʋ kpɩkpagɛ dɔŋɔ, sɩ́ ʋ laa dii, a sɩ́ ŋ yɩɛlaa joŋo hɛ ŋ nandɔŋɔ lɛ. Nɩɩ-la ma ŋ sɩ paala guoro pɩŋ, jɩŋ ŋ niiŋ kɛnɩŋ ʋ teeŋ,

Luuk 11:8

Mɩ jaŋ bʋla pɩma, dɩ ŋ nɛ chɩna pɛsɛ, ma nandɔnsʋŋ wɩaa dee ʋ jaŋ sii doŋ lɛ a pɩŋ kʋdiile-la. Ama ŋ sɩ pɛsɛ ŋɩɩ aŋ bɩ hɩɩsɩŋ fá nɛ tɩɩ ʋ jaŋ sii a pɩŋ kʋ-la kala ŋ sɩɩ chɛ.

SƖPAALAARAA 14:16

Ŋɩɩ nɛ Samɩsɩŋ haala joŋ ʋ tɩtɩa kala a tele nyagɛ Samɩsɩŋ, aŋ yiyel, aŋ bʋl, “Ŋ bɛrɛmɛ nɛ! Ŋ bɩ chaasa chomi. Ŋ magɛ namaga a pɩ mɩ nɩaa nɛ, aŋ bɩ namaga-la bʋbʋɔŋ daga pɩmɛ.” Samɩsɩŋ bʋl, “Mɩ paala bɩ namaga-la bʋbʋɔŋ daga pɩ mɩ nyɩmma koo mɩ naaŋ, bɛɛ nɛ saa tɩɩ mɩ jaŋ dagɛ ʋ bʋbʋɔŋ pɩ ŋ-na?”

SƖPAALAARAA 14:18

Ka dɩ wɩɩ-muluŋ-na tuu jʋʋ tapʋl-pɛɩ-la chɛɛŋ, ba-pʋɔsa-la sii mʋ pɩɛsɛ Samɩsɩŋ, “Bɛɛ kʋŋ nɛ sɩma a kɩɩ tʋʋŋ? Bɛɛ kʋŋ nɛ dolie a kɩɩ naachigiŋ?” Samɩsɩŋ bʋla pɩba, “Dɩ ma nɛ fa bɩ mɩ haala lɛ to, ma fa bɩ jaŋ wuo dagɛ mɩ namaga-la bʋbʋɔŋ.”

SƖPAALAARAA 16:13

Delaɩla bʋla pɩ Samɩsɩŋ, “Ŋ ha jommi mɩ ŋaa nɩyaarɩ nɛ, ŋ nyɩnyɩsɛmɛ. Dagɛmɛ ŋɩɩ nʋʋ sɩ jaŋ wuo to a vɔbʋŋ.” Ʋ bʋl, “Dɩ ŋ nɛ kɛŋ mɩ nyu-pʋŋ gulimo-la balɩpɛ sɩ hɛ mɩ nyuŋ lɛ, a kaa hɛ kʋ-la ba sɩ kaa yuo gɛrɩpɛɛŋ lɛ, a yuo ʋ dɩ ʋ gɛrɩ-ŋmɛsɩ-la kala hɛ dɔŋɔ lɛ a kaa mɩlɩmɛ dɩ ba jʋʋ dɔŋɔ lɛ, a kɛŋ pini chɛbɛ kɛŋ, mɩ jaŋ pʋgʋmɛ a nagɛ nʋʋ dɔŋ kala.” Ŋɩɩ nɛ Samɩsɩŋ pɩŋ doŋ, Delaɩla kɛŋ nyu-pʋna-la balɩpɛ sɩ hɛ ʋ nyuŋ lɛ, a yuo ba dɩ gɛrɩ-ŋmɛsɩ-la kala sɩ hɛ gɛrɩpɛ-yuori-daaŋ lɛ a hɛ dɔŋɔ,

SƖPAALAARAA 16:16

Ʋ sɩ pɛsɛ ʋ lɛ ŋɩɩ a bʋbʋl ʋ teeŋ tapʋlɩɩ kala, ʋ mɩɩsɩŋ paala mɩɩra fɩɩ.

SƖPAALAARAA 16:6

Ŋɩɩ nɛ Delaɩla bʋla pɩ Samɩsɩŋ, “Dagɛmɛ ŋɩɩ ŋ sɩ ŋaa a faasa kɛŋ doluŋ arɩ ŋɩɩ nʋʋ sɩ jaŋ to a kɛnɩŋ vɔɔ a laa ŋ doluŋ.”