SƖPAALAARAA 12:8 - WƖA TENIŊ

⁸ Jɛfɩta sɩ sʋba harɩŋ, Ɩbɩzaŋ sɩ lɩɩ Bɛtɩlɛhɛm ma nɛ fa laa Iziral tɩŋŋaa sɩpaaŋ.

SƖPAALAARAA 12:8 ပူးပေါင်းရင်းမြစ်များ

WƖAA DƖ-SUOMUŊ 15:19

Keni tɩŋŋaa, Kenas tɩŋŋaa, Kadomo tɩŋŋaa,

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Matiu 2:1

Ba lʋl Yesu Bɛtɩlɛhɛm lɛ nɛ. Tabie-la fa hɛ Judiya tinteeŋ lɛ nɛ. Bʋa deeŋ lɛ baal kʋbala baa yɩrɛ Hɛrɔd nɛ fa ŋaa tintee-la kuoro. Ba sɩ lʋl Yesu, wʋjɩnnaa lɩɩ taŋ-bʋbʋɔŋ a kɔ Jerusalɛm a pɩɛsɛ, “Juu tɩŋŋaa kuoru-la ba sɩ lʋla hɛ nɩɩ nɛ? La na ʋ chɛnwʋlʋŋ taŋ-bʋbʋɔŋ nɛ a kɔ dɩ la chʋɔlʋ.”

JOSUA 19:15

Tasɩ-la sɩ pɛ nɛ ŋaa: Kataf, Nahalal, Sɩmɩrɔŋ, Idala arɩ Bɛtɩlɛhɛm. Ba ŋaa tabalaa fii arɩ balɩa nɛ arɩ ba tabiisiŋ.

SƖPAALAARAA 10:1

Abɩmɛlɛk sʋʋŋ harɩŋ, Pʋa nanʋala Tola sɩ ŋaa Dodo nihiŋ ma nɛ bɩra laa Iziral tɩŋŋaa ta. Ʋ fa ŋaa Ɩsaka doho nʋʋ nɛ, aŋ hɛ taŋ-la ba sɩɩ yɩrɛ Samɩɩ sɩ hɛ Efirem tintee-la peelee sɩ yʋga lɛ.

SƖPAALAARAA 12:7

Jɛfɩta fa laa Iziral tɩŋŋaa sɩpaaŋ jɩsɩŋ balɩdʋ nɛ. Ŋɩɩ nɛ aŋ sʋʋ, ba hugu ʋ jaŋ Mɩzɩpa sɩ hɛ Gɩlɩad tinteeŋ lɛ.

SƖPAALAARAA 12:9

Ʋ fa lʋl hambolibiisiŋ mara arɩ fii nɛ, hantolibiisiŋ ma mara arɩ fii. Ʋ fa joŋ ʋ tolie-la pɩ baalaa sɩ bɩ ʋ nyɩŋ-nɩaa ŋaa nɛ ba jaa. Ka ʋ hambolibiisi-la ma, ʋ jaa hantolibiisiŋ mara arɩ fii sɩ bɩ ʋ nyɩŋ-nɩaa ŋaa a pɩba. Ɩbɩzaŋ ma fa laa Iziral tɩŋŋaa sɩpaaŋ jɩsɩŋ balɩpɛ nɛ.

SƖPAALAARAA 17:7

Bʋa-la tɩtɩa lɛ dɩ Levi doho nɩaa bapʋɔsɛ bie kʋbala fa hɛ nɩmɛ. Ʋ hɛ Bɛtɩlɛhɛm sɩ hɛ Juda tinteeŋ lɛ, a jʋjʋʋ Juda nyɩŋ-nɩaa tʋɔŋ.

SƖPAALAARAA 19:1

Bʋa-la lɛ Iziral tɩŋŋaa fa sɩ bɩ kuoro kɛnɛ, Levi doho nʋʋ kʋbala fa hɛ gɩrɩŋ tʋɔŋ Efirem tintee-la peelee sɩ yʋga lɛ. Ʋ bil haal kʋbala sɩ lɩɩ Bɛtɩlɛhɛm sɩ hɛ Juda tinteeŋ lɛ, aŋ ha bɩ jaa.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”