SƖPAALAARAA 12:5 - WƖA TENIŊ

⁵ Gɩlɩad laalɩyuoroo laa lere-la kala Efirem nɩaa sɩ jaŋ wuo to chol Jɔdaŋ fuo-la a mʋ ba tinteeŋ nɛ. Dɩ Efirem tɩmma-la nɩkaana-la kʋŋ nɛ kɔ a bʋl, “Má leŋ dɩ mɩ chol.” Gɩlɩad tɩmma-la yie pɩɛsʋ, “Ŋ ŋaa Efirem tɩɩna nɛɛ?” Dɩ ʋ nɛ sɩ, “Aɩ,”

SƖPAALAARAA 12:5 ပူးပေါင်းရင်းမြစ်များ

1 KUOROO 11:26

Nɛbat nanʋala Jerobuam ma bɩra vɩa kuoro Solomoŋ niiŋ. Ʋ fa ŋaa Solomoŋ tɩntɩnnɩ-hɩasɩŋ dɔŋɔ nɛ, a ŋaa Efirem tɩɩna a lɩɩ Zɛrɛda. Ʋ naaŋ yɩrɩŋ nɛ Zɛrʋa, ʋ fa ŋaa yo-haal nɛ.

JOSUA 2:7

Ŋɩɩ nɛ kuoru-la nɩaa lɩɩ a kiri Iziral tɩmma-la balɩa sɩ mʋa dɩ ba lʋara beŋ ba tinteeŋ harɩŋ, ka ba kɛŋ ba taŋ-la boi-baalɩŋ tɔ. Ba kiri ba harɩŋ a mʋ yi wombii-la sɩɩ chol Jɔdaŋ fuo-la nɛ.

JOSUA 22:11

Iziral tɩmma-la dɔnsʋŋ sɩ nɩa arɩ ba saa Wɩɩsʋllɩ koruŋ nɛ Gɛlɩlɔf sɩ hɛ Kɛnaŋ lɛ a kpagɛ Jɔdaŋ fuo-la sɛmɛ Iziral tɩŋŋaa sɩ hɛ,

SƖPAALAARAA 12:4

Ŋɩɩ nɛ aŋ ka Jɛfɩta yɩrɛ Gɩlɩad laalɩyuoroo kala kʋ hɛ dɔŋɔ ba mʋ yuo Efirem tɩŋŋaa laalɩyuoroo. Gɩlɩad tɩmma-la chaasa kpʋ Efirem laalɩyuoroo woruŋ, bɛɛ wɩaa Efirem nɩalɩŋ fa sɩ, “Ma Gɩlɩad tɩŋŋaa ŋaa Efirem arɩ Manasɛ doho nɩaa nɛ, aŋ lɩɩ fá.”

SƖPAALAARAA 12:6

ba yie bʋl, “Ʋ zɔmɔ, yɩrɛ ‘Sɩɩbɔlɛf’. Dɩ ʋ nɛ bɩ woruŋ wuo yɩrɛ aŋ bʋl, ‘Sɩbɔlɛf’, ba yie kɛnʋ nɛ a kpʋ lere-la ba sɩ too chol Jɔdaŋ fuo-la.” Bʋa-la lɛ ba kpʋ Efirem tɩmma-la bʋɩ mahɩŋ balɩa arɩ balɩa nɛ.

SƖPAALAARAA 17:7

Bʋa-la tɩtɩa lɛ dɩ Levi doho nɩaa bapʋɔsɛ bie kʋbala fa hɛ nɩmɛ. Ʋ hɛ Bɛtɩlɛhɛm sɩ hɛ Juda tinteeŋ lɛ, a jʋjʋʋ Juda nyɩŋ-nɩaa tʋɔŋ.

SƖPAALAARAA 3:28

Ʋ bʋla pɩba, “Má to mɩ harɩŋ, La TƖƖNA joŋ Mʋab tɩŋŋaa sɩ ŋaa ma dʋndɔmɔ a hɛ ma nɩsɩŋ lɛ nɛ.” Ŋɩɩ nɛ ba to ʋ harɩŋ tuu a laa lere-la kala Mʋab tɩŋŋaa fa sɩ jaŋ to a chol Jɔdaŋ fuo-la, ba bɩ leŋe ba nɩbala ma chol.

SƖPAALAARAA 7:24

Ka Gɩdɩɔŋ tɩŋ nɩaa ba mʋ laalɩyuoroo sɩ hɛ Efirem tintee-la peelee sɩ yʋga lɛ teeŋ a bʋl, “Má sii kʋ tuu a yuo Midiaŋ tɩmma-la, má pɔ Jɔdaŋ fuo-la arɩ fuonu-la kala a kɛŋ ŋɩɩ mʋ yi lee-la ba sɩɩ yɩrɛ Bɛf Bara dɩ Midiaŋ tɩmma-la sɩ chol.” Ŋɩɩ nɛ Efirem laalɩyuoro-la kala ba fa sɩ yɩra kɔ, a chɩna pɔ fuonu-la kala a kaa mʋ yi Bɛf Bara.

1 SAMƲƐL 1:1

Baal kʋbala nɛ fa hɛ nɩmɛ, ʋ yɩrɩŋ nɛ Ɛlɩkaana. Ʋ ŋaa Zuf nyɩŋ-nɩaa dɔŋɔ nɛ, a lɩɩ Rama sɩ hɛ Efirem tintee-la peelee sɩ yʋga lɛ. Ʋ nyɩmma yɩrɩŋ nɛ Jeroham. Jeroham ma nyɩmma yɩrɩŋ nɛ Elihu. Elihu ma nyɩmma yɩrɩŋ nɛ Tohu. Tohu ma nyɩmma yɩrɩŋ nɛ Zuf. Zuf fa ŋaa Efirem tɩɩna nɛ.