SƖPAALAARAA 12:4 - WƖA TENIŊ

⁴ Ŋɩɩ nɛ aŋ ka Jɛfɩta yɩrɛ Gɩlɩad laalɩyuoroo kala kʋ hɛ dɔŋɔ ba mʋ yuo Efirem tɩŋŋaa laalɩyuoroo. Gɩlɩad tɩmma-la chaasa kpʋ Efirem laalɩyuoroo woruŋ, bɛɛ wɩaa Efirem nɩalɩŋ fa sɩ, “Ma Gɩlɩad tɩŋŋaa ŋaa Efirem arɩ Manasɛ doho nɩaa nɛ, aŋ lɩɩ fá.”

SƖPAALAARAA 12:4 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

NƐHƖMAAYA 4:4

Ŋɩɩ nɛ mɩ sʋl Wɩa a bʋl, “La Wɩa, nɩɩ, ba bee muurila nɛ, leŋ dɩ jomo-la ba sɩ tʋʋsɛla gʋra dɛrɛ ba nyuŋ lɛ. Leŋ dɩ nɩaa kʋ laa ba kɩaa aŋ kɛsɛba mʋ tintee-wogo dɩ ba ŋaa yosi.

WƖA YƖƖLAA 78:9

Laalɩyuori-babiibalaa fa lɩɩ Efirem a vɔɔ tʋɔnʋŋ a kori tosuŋ arɩ hɛŋŋɛɛ nɛ, ama tapʋlɩɩ-la laalɩŋ sɩ sie, ba mɩɩra fá nɛ.

NAMAGABA 12:13

Nɩbɔmʋŋ wʋbɔŋ wʋbʋlʋŋ nɛ kɛnʋ, ama tʋɔpʋl tɩɩna-na yie fá lɩɩ wʋjʋʋlaa lɛ nɛ.

NAMAGABA 15:1

Dɩ ŋ nɛ fɩɛla jɩma bʋl wɩɩŋ, nɩaa baanɩŋ yie fɩɛlɛ nɛ, ama dɩ ŋ nɛ bʋl chaŋkpaŋ duoŋ, ŋɩɩ jaŋ leŋ dɩ nɩaa baanɩŋ sii.

SƖPAALAARAA 11:10

Gɩlɩad nɩhɩasɩ-la bʋl, “La TƖƖNA nɛ pɛ na wɩɩŋ deeŋ, wɩɩ-la kala ŋ sɩ bʋla, la sɛnɛ jaŋ ŋaa.”

SƖPAALAARAA 12:3

Mɩ sɩ na dɩ ma bɩ kɔ dɩ ma pɛ mɩ lɛ, mɩ joŋ mɩ mɩɩsɩŋ a yɔɔ sʋʋŋ, a chol Jɔdaŋ fuo-la a yuo Amɔŋ tɩmma-la, La TƖƖNA leŋ mɩ yuo diiba. Bɛɛ nɛ saa tɩɩ jɩnɩŋ ma kɔ dɩ ma yuomi?”

SƖPAALAARAA 12:5

Gɩlɩad laalɩyuoroo laa lere-la kala Efirem nɩaa sɩ jaŋ wuo to chol Jɔdaŋ fuo-la a mʋ ba tinteeŋ nɛ. Dɩ Efirem tɩmma-la nɩkaana-la kʋŋ nɛ kɔ a bʋl, “Má leŋ dɩ mɩ chol.” Gɩlɩad tɩmma-la yie pɩɛsʋ, “Ŋ ŋaa Efirem tɩɩna nɛɛ?” Dɩ ʋ nɛ sɩ, “Aɩ,”

1 SAMƲƐL 25:10

Ŋɩɩ nɛ Nabal pɩɛsɛ Devit tɩntɩnna-la, “Kʋbɛɛ nɛ Devit? Kʋbɛɛ nɛ Jesi nanʋala deeŋ? Tapʋlaa deemba tɩntɩnnaa yʋga nɛ a lɩɩ fa kɩkagɛ ba nɩhɩasɩŋ lɛ.